Tuesday, Dec 12th

Last update07:59:25 PM GMT

தலைப்புச் செய்திகள்:
You are here: உலகம் வட அமெரிக்கா நன்றி நவிலலும் புத்தாண்டு வாழ்த்துக்களும் - பண் கலை பண்பாட்டுக் கழகம்-கனடா

நன்றி நவிலலும் புத்தாண்டு வாழ்த்துக்களும் - பண் கலை பண்பாட்டுக் கழகம்-கனடா

E-mail Print PDF

கடந்த 25-12 2013 அன்று நடைபெற்ற கழகத்தின் குளிர்கால ஒன்று கூடல் நிகழ்வின் போது சிறப்பு விருந்தினராக வருகை தந்து கழகத்திற்கு பெருமை சேர்த்த ”கலாநிதி” நடேசன் ரவீந்திரன் அவர்களுக்கு கழகம் முதற்கண் நன்றிகளையும், புத்தாண்டு வாழ்த்துக்களையும் தெரிவித்து கொள்வதில் பூரிப்படைகின்றது.

சிறப்பான கலை நிகழ்ச்சிகளை வழங்கி மேடையினை சிறப்பித்துக் கொண்டிருந்த பிள்ளைகள் அனைவருக்கும் பணப் பரிசில்கள் வழங்கிக் கௌரவித்து ஊக்குவித்த ”வீடு விற்பனை முகவர்” கிறிஸ் சிவபாதம் அவர்களுக்கும்;

ஆங்கிலப் போட்டியில் பங்குபற்றிய சிறுவர்கள் அனைவருக்கும் பணப் பரிசில்கள் வழங்கிக் கௌரவித்து ஊக்குவித்த ”வீடு விற்பனை முகவர்” சிவா சிவநேசன் அவர்களுக்கும்;

விழாவிற்கு வருகை தந்தோரின் நுளைவுச் சீட்டுகள் லொத்தர் மூலம் அதிர்ஷ்டம் பார்த்து பரிசில்கள் வழங்கிய ”பாதுகாப்புக் கமரா விற்பனர்” சிவபாலசிங்கம் கெங்காதரன் அவர்களுக்கும்;

நிகழ்வினைச் சிறப்பித்த அனைத்து கலைஞர்களுக்கும், சமயலறையில் நின்று கடுமையாக உழைத்த தொண்டர்களுக்கும், உணவு பரிமாறுவதற்கு முன்நின்று செயல்பெற்ற இளையோருக்கும்;

பண்ஒளி  ஆண்டுமலருக்காக விளம்பரம் தந்து பங்களித்த விளம்பரதாரர்களுக்கும், விழாவில் கலந்துகொண்டு சிறப்பித்த உறவுகளுக்கும் கழகம் பாராட்டுக்களையும், நன்றியினையும் தெரிவித்துக் கொள்வதில் மகிழ்ச்சியடைகிறது.

மேலும் புதிய ஆண்டில் புதுமைகள் படைக்க உங்கள் ஆரோக்கியமான ஆலோசனைகளையும் எதிர்பார்க்கும் வேளையில் கழக அங்கத்தினர், புலம் வாழ், புலம் பெயர் வாழ் அனைத்து அன்பு உள்ளங்களுக்கும் கழகம் புத்தாண்டு வாழ்த்துக்களையும் தெரிவித்துக் கொள்கிறது.


வளர்ந்து வரும் எமது இளம் சந்ததியினரிடையே ஊர் உறவுகளை அறிமுகம் செய்து, அதன் மூலம் அவர்களிடையே சமூக ஒற்றுமை ஏற்படுவதற்கான சந்தற்பத்தை வழங்கி, எமது கலை, கலாச்சாரம் அழிந்து போகாது பாதுகாத்து கொள்வதற்கு இது போன்ற ஒன்று கூடல்களும், கலை நிகழ்ச்சிகளும் பெருந்துணை புகின்றன. இது வரை இவ் நிகழ்சிகளில் பங்கு பெற தவறிய பிள்ளைகளை பெற்றோர் முன்வந்து எதிர்காலங்களில் இடம்பெறும் நிகழ்வுகளில் பங்கு பெறச் செய்வதன் மூலம் எம்மூர் உறவுகளையும், கலை, பண்பாடு, கலாச்சாரம், சமூக ஒற்றுமையையும் பேணிக் காத்து வளர்த்துக் கொள்ளலாம்.

பண் கலை பண்பாட்டுக் கழகம்-கனடா

தகவல்: மனுவேந்தன்


கனடா - பண் கலை பண்பாட்டுக கழகம் தனது 26 வருட பூர்த்தியை 25.12.2013  நத்தார் தின குளிர்கால ஒன்று கூடலாகவும், கனடா நாட்டிற்கு வருகை தந்திருந்த எம்மூர் அறிஞன் ”கலாநிதி”  நடேசன் ரவீந்திரன் அவர்களை வரவேற்று, கௌரவித்து விருந்து வழங்கும் நிகழ்வாகவும் நிகழ்வுற்றது. இவ் விழாவில் கனடா வாழ் ஊர் மக்கள் அனைவரும் அணிதிரண்டு  வருகை தந்து சிறப்பித்தார்கள்.

இவ் விழா உயிர் நீர்த்த உறவுகளுக்கும், கழக நிர்காகிகளுக்கும் 1 நிமிட மௌன அஞ்சலி செலுத்தப் பெற்றதுடன் தமிழ்தாய் வாழ்த்தும், கனடா நாட்டின் தேசிய கீதம் ஆங்கிலத்திலும், தமிழிலும் பாடப்பெற்றதுடன். கனடா- பண் கலை பண்பாட்டுக் கழகத்தின் கழக கீதம் பாடப்பெற்று விழா ஆரம்பிக்கப் பெற்றது..

இவ் விழாவின் பிரதம விருந்தினராக எமது உறவுகளில் ஒருவரும், பல்கலைக் கழக விரிவுரையாளரும், பல்கலைக் கழகங்களில் வழங்கப்பெறும் அதிஉயர் பட்டமான “கலாநிதி” பட்டத்தினை  பெற்றுக் கொண்ட கலாநிதி நடேசன் ரவீந்திரன் அவர்கள் அழைக்கப் பெற்று கேடயம் வழங்கி கௌரவிக்கப் பெற்றார்.

இவ் விழாவின் போது எம் மூர் மக்களின் திறமைகளை வெளிப்படுத்தும் வகையில் பல கலை நிகழ்ச்சிகள் இடம் பெற்றதுடன். கலை நிகழ்ச்சிகளில் பங்கு பற்றிய அனைத்து கலைஞர்களுக்கும் ”வீடு விற்பனை முகவர் கிறிஸ் சிவபாதம் அவர்கள் பரிசில்கள் வழங்கி உற்சாகப் படுத்தினார். அத்துடன், Spelling Bee ஆங்கிலச் சொற்களுக்கு எழுத்துக் கூட்டும் போட்டியில் பங்கு பற்றிய அனைத்து சிறார்களுக்கும் ”வீடு விற்பனை முகவர் சிவகுமார்  சிவநேசன்” அவர்கள் பரிசில்கள் வழங்கி ஊக்கப் படுதினார்.

இவ் விழாவிற்கு வருகை தந்திருந்த அனைவரினதும் நுளைவுச் சீட்டுகள் அதிர்ஷ்டம் பார்க்கப் பெற்று தெரிவானோர்க்கு ”வீட்டு பாதுகாப்பு கமரா” அமைப்பதில் விற்பனரான கெங்கா பாலசிங்கம் அவர்கள் பரிசில்கள் வழங்கி சிறப்பித்தார்.

பண் கலை பண்பாட்டுக் கழகத்தின் திட்டங்களை வளர்த்தெடுக்க முன்நின்று பணம், பொருள் உதவிகள் புரிந்த எமது ஊர் தொழில் அதிபர்கள், தொழில் முகவர்கள், கழக அங்கத்தினர், ஊர் பிரமுகவர்கள் அனைவருக்கும் பண் கலை பண்பாட்டுக் கழகம் நன்றிகளும் பாராட்டுகளும் தெரிவிக்கப் பெற்றதுடன் விழா இனிதே நிறைவு பெற்றது.


நிகழ்வுகளை பார்வையிட இங்கே அழுத்துக


முத்துமாரி அம்மன் ஆலயம்

ஞான வேலாயுதர் ஆலயம்

சித்தி விநாயகர் ஆலயம் - சாந்தை

சம்புநாதீஸ்வரர் ஆலயம்

காடேறி ஞானபைரவர் ஆலயம்

BLOG COMMENTS POWERED BY DISQUS