Tuesday, Dec 12th

Last update07:59:25 PM GMT

தலைப்புச் செய்திகள்:
You are here: சமூக நோக்கு ஆலயங்கள்,

பணிப்புலம் ஸ்ரீமுத்துமாரி அம்பாள் ஆலய தற்போதைய பூசகர்கள் உண்மையில் இவ் ஆலய ஆதீனகர்த்தாக்களா? அல்லது தர்மகர்த்தாக்களா? – ஓர் அலசல் - ஆதாரங்களுடன்

E-mail Print PDF

பணிப்புலம் ஸ்ரீமுத்துமாரி அம்பாள் ஆலய தற்போதைய பூசகர்கள் உண்மையில் இவ் ஆலய ஆதீனகர்த்தாக்களா? அல்லது தர்மகர்த்தாக்களா? – ஓர் அலசல் - ஆதாரங்களுடன்

ஆதீனகர்த்தா: என்பவர் ஓர் ஆலயத்தை ஸ்தாபித்து பரிபாலித்து வருபவரை அல்லது அவரின் பரம்பரயில் வந்தோரைக் குறிக்கும்.

தர்மகர்த்தா: என்பவர் ஓரு ஆலயத்தை பரிபாலிப்பதற்காக பொதுமக்களால் அல்லது ஆதீனகர்த்தாவினால் நியமிக்கப் பெற்றோரைக் குறிக்கும்..

யாழ்ப்பாணம் வலிகாமம் மேற்கு சுழிபுரம் இறை “பணிப்புலம்” பரப்பு நிலம் இலாச்சம் ஏழு என்னும் ஆதனத்தில் எழுந்தருளியிருக்கும் மகாமுத்துமாரி அம்மன் கோவிலும் அதனைச் சேர்ந்த ஆதனமும், அசையும் அசையா சொத்துக்களுக்கும் சுழிபுரத்தைச் சேர்ந்த வேலாயுதர் கனகர் என்பவர், தர்மகர்த்தாவாகவும், மனேச்சராகவும், பூசகருமாக உள்ளார் என 25.06.1906 திகதி உறுதி இலக்கம் 11265 உறுதியின் பிரகாரம் உறுதிப்படுதப் பெற்றுள்ளது.

அதன் பிரகாரம் பூசகர் வேலாயுதர் கனகர் அவர்கள் இவ் ஆலயத்தின் தர்மகர்த்தாவாக இருந்துள்ளார் என்பது புலனாகின்றது. அத்துடன் அவர் பொதுமக்களால் தெரிவு செய்யப் பெற்றவர் அல்ல என்பதுவும்; இவ் ஆலய ஆதீனகர்த்தாவாக இருந்தவர் இவ் ஆலயத்தை தொடர்ந்து பரிபாலித்து பூசைகள் செய்வதற்கு இயலாமல் இருந்தமையால் அப் பொறுப்பை பூசகர் வேலாயுதர் கனகர் அவர்களுக்கு ஒப்படைத்து இருக்கலாம் எனவும் கூறலாம்.

செவிவழி வந்த கதைகளின் பிரகாரம் இவ் ஆலய ஆதீனகர்த்தா விநாயகர் முருகர் அவர்கள் தொழில் நிமித்தம்அப்பொறுப்பை அவரோடு இணைந்து பூசைகளுக்கு உதவிகள் செய்துவந்த கனகர் வேலாயுதர் அவர்களுக்கு ஒப்படைத்ததாகவும், அதன் பின்னர் பூசகர் வேலாயுதரின் மகன் பூசகர் வேலாயுதர் கனகர் அவர்கள் தமது ஆட்சி உரிமையை காட்டி 1906 ல் உறுதி முடித்திருப்பதாகவும் கூறப்பெறுகின்றன.

பூசகர் கனகர் முதுமை அடைந்ததும் அவர் தமக்கு இவ் ஆலயத்தில் இருந்த உரிமைகளை பிரசித்த நொத்தாரிஸினால் அத்தாட்சி செய்யப் பெற்று உறுதியாக பதிவு செய்தார். இதேபோல் அவரின் பிள்ளைகளும் உறுதிகள் முடித்து தமது பிள்ளைகளுக்கு ஒப்படைத்தனர். (1906 முதல் 2012 வரையான காலப்பகுதியில் முடிக்கப் பெற்ற (11265, 399, 3029 , 22299, 6648, 1405) உறுதிகள் யாவும் தற்போதய பரிபாலகர்களும் அவர்களின் மூதாதையினரும் இவ் ஆலயத்தின் தர்மகர்த்தாக்களாகவே இருந்துள்ளார்கள் அல்லது இருக்கின்றனர் என உறுதியாக கூறுகின்றன.

இவ் ஆலயம் சம்பந்தமாக; யாழ் மாவட்ட நீதிமன்றில் நடைபெற்ற நம்பிக்கை சொத்து வழக்குகளில் (16.09.1966 முதல் 23.11.1979 வரையான காலப்பகுதியில்) வழங்கப் பெற்ற தீர்ப்புகளில் இவர்கள் யாபெரும் தர்மகர்த்தாக்கள் என தெளிவாக குறிப்பிடப்பெற்றுள்ளன. அத்துடன் பூசகர் கனகர் கந்தையா அவர்கள் தனது 1/2 பங்கு உரிமைகளை தனது மகன் சதாசிவத்திற்கும், பெண் பிள்ளைகளான லங்காதேவிக்கும், பரமேஸ்வரிக்கும் உறுதி இலக்கம் .22299 பிரசித்த நொத்தாரிஸ் இராசசுந்தரம் கந்தையா அவர்களினால் 06.04.1959 ம் திகதி முடிக்கப் பெற்ற உறுதி மூலம் வழங்கியுள்ளார்.

இவ் ஆலயத்தில் சுழிபுரம் குடியிருப்பு பகுதியில் வசித்து வந்த பிராமண குருமார் நைமித்திய, காமிக பூசைகளையும் கும்பாபிஷேகங்களையும் 1970 ம் ஆண்டுவரை செய்து வந்தது டன்; 1970 ம் ஆண்டு முதல் 1976 ம் ஆண்டு வரை அவர்கள் நித்திய (3 நேரம்), நைமித்திய, காமிக பூசைகளையும் பொது நிர்வாகத்தின் கீழ் செய்து வந்துள்ளனர்.

இவ் ஆலயம் 1810 ம் ஆண்டு வினாயகர் முருகர் என்பவரால் ஸ்தாபிக்கப் பெற்றதாக 1892 ம் ஆண்டு முருகர் அருணாசலம், முருகர் கோவிந்தர் ஆகியோரினால் பிரித்தானிய ஆட்சிக் காலத்தில் யாழ்/கச்சேரியில் பதிவாகியுள்ளதாக அறிய முடிகின்றது.

அதன் பிரகாரம்; ஆலய ஸ்தாபகர் விநாயகர் முருகர் அவர்கள் இவ் ஆலயத்தின் ஆதீன கர்த்தாவாக விளங்குகின்றார். அவர் பரம்பரையில் வந்த நாராயாணபிள்ளை தியாகராஜா அவர்களும் அவரின் மூதாதையினரும் இவ் ஆலய ஆதீனகர்த்தா என்ற உரிமையுடன் இவ் ஆலய மஹோற்சவ விழாவின்போது கொடியேற்றத் திருவிழா உபயகாரர்களாக 1976 ம் ஆண்டு வரையும், அதன் பின்பு 1985 முதல் 1994 வரை உள்ள காலப் பகுதியிலும் உபயம் செய்து வந்துள்ளமை குறிப்பிடத்தக்கது.

தற்போதைய பூசகர்களினால் 23.12.1988 திகதி, இவ் ஆலயம் இந்து கலாச்சார திணைக்களத்தில் HA/5/JA/116 இலக்கத்தின் கீழ் இவ் ஆலயம் ஒரு பொது ஆலயமாக பதிவு செய்துள்ளனர். பொது ஆலயங்கள் மட்டுமே இந்து கலாச்சார திணைக்களத்தில் பதிவுசெய்ய முடியும் எனபது பொது விதியாகும். இந்து ஆலயங்கள் பதிவு செய்வதற்கான விதிமுறைகள் (அறிவுறுத்தல்கள்) கீழே பதிவாகியுள்ளன). இந்து கலாச்சார விதிமுறைகளுக்கு அமைவாக இவ் ஆலயம் பொது ஆலயமாக அவர்களால் ஏற்றுக் கொள்ளப் பெற்றே தற்போதைய பரிபாலகர்களினால் இந்து கலாச்சார திணைகளத்தில் பதியப் பெற்றுள்ளது. .

ஆனால்; தற்போதைய பூசகர்கள் அண்மைக்காலத்தில் இருந்து இவ் ஆலய ஆதீனகர்த்தாக்கள் தாமே என CD மூலமாகவும்; ஆலய உற்சவ நோட்டீஸ்கள் மூலமாகவும் விளம்பரம் செய்து வருவது பொது மக்களுக்கு புரியாத புதிராகவும், சந்தேகத்தையும் ஏற்படுத்தி இருக்கின்றது.

அவர்கள் ஏன் திடீரென ஆதீனகர்த்தாக்கள் என தம்மை அறிமுகம் செய்கின்றார்கள் என்பதற்கான காரணம் தேடுகையில்; அவர்கள் வேறு ஆலயங்களில் தொழில் வாய்ப்பைப் பெற்றுக் கொள்வதற்காகவும், தம்மை பிரபல்யப்படுத்திக் கொள்வதற்காகவும் பிரசித்தம் செய்வதாக சிந்திக்கத் தோன்றுகின்றது.

அவர்களில் சிலர் இவ் ஆலயத்தில் தமக்கு இருந்த உரிமைகள் யாவற்றையும் தனது சகோதரனுக்கு உறுதி மூலம் ஒப்படைத்த பின் பொதுமகனாக வாழ்ந்துவந்த இலிங்கதாரி ஒருவரும் இவ் ஆலய ஆதீனகர்த்தா என விளம்பரப் படுத்தப் பெற்றுள்ளமை அதிர்ச்சியைத் தருகின்றது.

பணிப்புலம் முத்துமாரி அம்பாள் ஆலயத்தை தற்போது பரிபாலித்து வரும் பூசகர்கள் வெளியிட்டுள்ள CD யில் தொடக்கமாக ஸ்ரீ விஷ்ணு சஹஸ்ரநாமம் (”சுக்லாம்பரதரம் விஷ்ணும் சசிவர்ணம் சதுர்புஜம்” என்னும் சுலோகம் பதிவிலிடப்பட்டு ஆலய வரலாற்றை தமக்கு சார்பாக மாற்றி பொய் உரைத்துள்ளனர். மந்திரம் சொல்லியபின், அல்லது சிவபூசை செய்தபின் பொய் உரைத்தால் பாவம் இல்லை என்பது அவர்களின் ஐதீகமாக இருக்கலாம்.

CD யில் பதிவாகியுள்ள வரலாற்றில் தமது மூதாதையினரால் சுமார் 350 வருடங்களுக்கு முன்னர் இவ் ஆலயம் ஸ்தாபிக்கப் பெற்றதாகவும்; ஸ்தாபகர் பரம்பரையில் வந்த தாமே இவ் ஆலயத்தின் ஆதீனகர்த்தாக்கள் எனவும், தமது பரம்பரையினரே இவ் ஆலய நித்திய நைமித்திய, காமிக பூசைகளை ஆரம்பகாலம் முதல் செய்து வருவதாகவும், உரையாகவும், பாடலாகவும் பதியப் பெற்ற CD யை ஆலயத்தில் திரும்பத் திரும்ப ஒலிபரப்புச் செய்து எதிர்கால சந்ததியினரை ஏமாற்ற முயற்சிப்பதாக தெரிகின்றது.

இங்கு, சுழிபுரம் குடியிருப்புப் பகுதியில் வசித்து வந்த பிராமண குருமார் பூசைகள், கிரியைகள் செய்து வந்ததும், 1946 ம் ஆண்டு மிருக பலி நிறுத்துவதற்காக குமாரசாமிக் குருக்கள் ”பூ” கட்டிப் பார்த்ததும், ஆலயத்தின் தர்மகர்த்தாக்களாக பெண்களும் இருக்கலாம் என்பதும், 1979 ம் ஆண்டுவரை தாமும் தமது பரம்பரையினரும் மாமிசம் சாப்பிட்டு வந்தமையும், 1976 ம் ஆண்டுவரை திருப்பணிச் சபை இயங்கி வந்தமையும், 1985 ஆண்டு முதல் 1993 ஆண்டு வரை இவ் ஆலயத்தில் ”ஆலய பரிபாலன் சபை” இயங்கி வந்தமையும் வேண்டும் மென்று மறைக்கப் பெற்றுள்ளதுள்ளதுடன்; செருத்தனைப்பதி மஹாமாரி அம்பாள் ஆலய ஸ்தபகர் வயிரமுத்து அவர்களும் இவ் ஆலய ஸ்தாபகர் பரம்பரையில் வந்தவர் என்பதனையும், இவ் ஆலயத்தில் இருந்து எடுத்துச் செல்லப்பெற்ற புனித கத்தி கருவறையில் வைத்து பூஜிக்கப் பெற்று வருகின்றமையும் மறைக்கப் பெற்று எடுத்துச் செல்லப் பெற்றது மிருக பலியிடும் கத்தி என திரிவு படுத்தி உள்ளமை அவ் ஆலய கருவறையில் இருக்கும் கத்தியை பார்வையிட்டால் புரிந்து கொள்ளலாம். .

அத்துடன்; அண்மைக் காலமாக ஆலய உற்சவங்கள் சம்பந்தமாக வெளிட்டுள்ள நோட்டீஸ்கள் மூலமும் தாமே இவ் ஆலய ஆதீனகர்தா என விளம்பரம் செய்து வரும் இவ் வேளையில்; அவர்கள் யார்? அவர்கள்தானா உண்மையான ஆதீனகர்த்தாக்கள்? என்பதை அறிந்து கொள்ள ஆர்வமாக உள்ள அனைவருக்கும் இங்கு பதியப்பெற்றிருக்கும் சில தகவல்கள் ஒரு வரப்பிரசாதமாக அமையும் என்பது வெளிப்படை.

இவ் ஆலய ஸ்தாபகர் பரம்பரையில் வந்த நாராயாணபிள்ளை தியாகராஜா அவர்களினாலும், அவர்களின் மூதாதையிராலும் (முதலாவது திருவிழாவான) கொடியேற்றத் திருவிழா உபயகாரர்களாக செய்து வந்துள்ளனர். ஆனால் 1994 முதல் இன்றுவரை தற்போதய ஆலய பரிபாலகர்கள் தங்கள் உபயமாக மாற்றி செய்து வருகின்றனர் என்பது குறிப்பிடத் தக்கது.

யாழ்ப்பாண மாவட்டத்தில் அமைந்துள்ள கோயில்களில்; ஊர் வழமைப்படி; திருவிழாக்கள் நடைபெறும் ஆலயமாயின் ஆலயத்தின் முதலாம் (கொடியேற்ற) திருவிழாவும்; பொங்கல் நடைபெறும் ஆலயமாயின் முதல் பொங்கல் பானைவைப்பதும்; மிருகபலியிடும் ஆலயமாயின் முதலாவதாக பலியிடும் ஆட்டுக் கடாவும்; ஆலய ஆதீனகர்த்தா பரம்பரையினரின் உபயமாக எல்லா ஆலயங்களிலும் செய்யப் பெற்று வருவது சம்பிரதாயமாக இருந்து வருகின்றமை வெளிப்படை.

இந்து ஆலயமொன்றை இந்து கலாச்சார திணைக்கழத்தில் பதிவு செய்வதற்கு கீழ் காணும் விடயங்கள் தகமைகளாக குறிக்கப் பெற்றுள்ளன.

1. தனியாருக்கு அல்லது தனிப்பட்ட ஒருவருக்கு சொந்தமான ஆலயமாயின் பதிவினை மேற்கொள்ள முடியாது. (ஆனால் இவ் ஆலயம் HA/5/JA/116 இலக்கத்தின் கீழ் பதிவாகியுள்ளது.. எனவே இக் கோயில் தனியொருவர்க்கோ அல்லது குடும்பத்திற்கோ சொந்தமானது அல்ல).

2. இதற்கான விண்ணப்பப் படிவம் ஆங்கில மொழியில் (கெப்பிரல்) பெரிய எழுத்துகளில் தெளிவாக எழுதப்பட வேண்டும்.

3. கோரப்படும் அனைத்து ஆவணங்களும் A4(Size) அளவுடைய தனித்தாளில் எழுதப்பட்டு /டைப் செய்யப்பட்டு இணைக்கப் படல் வேண்டும்

4. அபிவிருத்தி உதவியாளர் (இந்து கலாச்சாரம்), கிராம சேவையாளர், பிரதேச செயலாளர் ஆகியோரின் உறுதிப்படுத்தல் கட்டாயமானது.

5. ஆலயம் அமைந்துள்ள காணி தொடர்பான காணி உறுதிப் பத்திர பிரதி இணைக்கப்படல் வேண்டும்.

6. தோட்ட ஆலயமாயின் ஆலயக் காணியைஉறுதிப் படுத்த தோட்ட முகாமையாளரின் கடிதம் அவசியமானது.

7. தொலைபேசி இலக்கமொன்று அவசியம் குறிப்பிடப்பட வேண்டும்

மேலே சொல்லப் பெற்ற விளக்கங்களின் பிரகாரமும், இந்து கலாச்சார திணைக்களத்தில் இவ் ஆலயம் பதிவு செய்யப் பெற்று இருப்பதனாலும் இவ் ஆலயம் ஒரு பொது ஆலயமாக விளங்குகின்றது என்பதுவும், தற்போதைய பூசகர்கள் இவ் ஆலய தர்மகர்தாக்களாக உள்ளார்கள் என்பதும் நிரூபிக்கப் பெற்ற உண்மைகள். அவர்களுக்கு இவ் ஆலயத்தை மேர்ப்பார்வை செய்து, பராமரித்து பூஜைகள் செய்து பரிபாலிப்பதற்கான உரிமை மட்டுமே உள்ளது என்பது வெளிப்படை.

இவ் ஆலயம் அமைந்துள்ள 7 பரப்பு நிலமும் ஆலய ஸ்தாபகர்ருக்கே சொந்தமானதாக இருப்பதனால்; இது எங்கடை கோவில், நாங்கள் இவ் ஆலயத்தின் பரம்பரை ஆதீன கர்த்தாக்கள் எனக் கூறி ஆட்சி செய்து வரும் தர்மகர்த்தாக்கள் எவரும் இவ் ஆலயத்திற்கோ அல்லது ஆலய ஆதனங்களுக்கோ சொந்தக்காரர்ஆகிவிடமுடியாது என்பதுவும், அதற்குள் அமைந்துள்ள வீடோ, அல்லது கட்டிடங்களோ அவர்களுக்கு சொந்தம் இல்லை என்பதுவும் நிரூபிக்கப் பெற்ற உண்மைகள்.

அதனால் போலும்; CD மூலமும், ஆலய உற்சவ நோட்டீசுகளிலும் தாமே இவ் ஆலய ஆதீனகர்த்தாக்கள் என விளம்பரப் படுத்தி பொதுமக்களை ஏமாற்றி ஆதிக்கம் செலுத்தி வருகின்றனர் என்பது தெளிவாகின்றது.

அத்துடன்; சென்ற ஆண்டு இவ் ஆலயமுன்றலில் பொது மக்களால் தெரிவு செய்யப் பெற்ற திருப்பணிச் சபை, அன்னதான சபை ஆகியவற்றிற்கு “யாப்பு” எழுதும் போது தம்மை இவ் ஆலய ஆதீனகர்த்தாக்கள் என குறிப்பிட்டு அதனை ஏற்றுக் கொள்ளும்படி நிற்பந்தித்தும் இருந்தனர். பொது மக்களால் நியமிக்கப் பெற்ற சபைகள் அதனை ஏற்றுக் கொண்டிருந்தால்; பொதுமக்களே

தங்களை ஆதீனகர்த்தாக்கள் என ஏற்றுக் கொண்டதாக நிரூபிக்க முடியும் அல்லது மாற்று உறுதி ஒன்றையும் எழுத முடியும் என்பது அவர்களின் யூகமாக இருக்கலாம்.

இவ் ஆலயம் பொது ஆலயமாக இருப்பதனால்; ஆலய வரவு செலவு (ஆலய பூஜைகள், திருவிழாக்கள், திருப்பணி வரவு செலவுகள்) அறிக்கை பொதுமக்களுக்கும், பிரதேச செயலகத்திற்கும் சமர்ப்பி்க்கப் படல் வேண்டும் என்பது அரச கட்டளை.

நன்றி


Image may contain: one or more people

 


இவ் ஆலயம் அமைந்துள்ள 7 பரப்பு நிலமும் ஆலய ஸ்தாபகர்ருக்கே சொந்தமானதாக இருப்பதனால்; இது எங்கடை கோவில், நாங்கள் இவ் ஆலயத்தின் பரம்பரை ஆதீன கர்த்தாக்கள் எனக் கூறி ஆட்சி செய்து வரும் தர்மகர்த்தாக்கள் எவரும் இவ் ஆலயத்திற்கோ அல்லது ஆலய ஆதனங்களுக்கோ சொந்தக்காரர்ஆகிவிடமுடியாது என்பதுவும், அதற்குள் அமைந்துள்ள வீடோ, அல்லது கட்டிடங்களோ அவர்களுக்கு சொந்தம் இல்லை என்பதுவும் நிரூபிக்கப் பெற்ற உண்மைகள்.
அதனால் போலும்; CD மூலமும், ஆலய உற்சவ நோட்டீசுகளிலும் தாமே இவ் ஆலய ஆதீனகர்த்தாக்கள் என விளம்பரப் படுத்தி பொதுமக்களை ஏமாற்றி ஆதிக்கம் செலுத்தி வருகின்றனர் என்பது தெளிவாகின்றது.
அத்துடன்; சென்ற ஆண்டு இவ் ஆலயமுன்றலில் பொது மக்களால் தெரிவு செய்யப் பெற்ற திருப்பணிச் சபை, அன்னதான சபை ஆகியவற்றிற்கு “யாப்பு” எழுதும் போது தம்மை இவ் ஆலய ஆதீனகர்த்தாக்கள் என குறிப்பிட்டு அதனை ஏற்றுக் கொள்ளும்படி நிற்பந்தித்தும் இருந்தனர். பொது மக்களால் நியமிக்கப் பெற்ற சபைகள் அதனை ஏற்றுக் கொண்டிருந்தால்; பொதுமக்களே
தங்களை ஆதீனகர்த்தாக்கள் என ஏற்றுக் கொண்டதாக நிரூபிக்க முடியும் அல்லது மாற்று உறுதி ஒன்றையும் எழுத முடியும் என்பது அவர்களின் யூகமாக இருக்கலாம்.
இவ் ஆலயம் பொது ஆலயமாயின் ஆலய வரவு செலவு அறிக்கை பொதுமக்களுக்கும், பிரதேச செயலகத்திற்கும் சமர்ப்பி்க்கப் படல் வேண்டும் என்பது அரச கட்டளை.
நன்றி

ஆலயத்திற்கு சொந்தமான அசையும் அசையா சொத்துக்களை (சூறையாடும்) தம்முடமையாக்கும் ஆலய ஆதீனகர்த்தாக்கள் என தம்மை அறிமுகம் செய்யும் தர்மகர்த்தாக்கள் - பல புதிய விபரங்களுடன்:

E-mail Print PDF

பணிப்புலம் ஸ்ரீ முத்துமாரி அம்பாள் தேவஸ்தான அசையும், அசையா சமயத்தரும நம்பிக்கைச் சொத்துக்களை இவ் ஆலய ஆதீனகர்த்தாக்கள் என தம்மை கூறிக் கொள்ளும் இவர்கள்; ஆலய உறுதிகளிலும், மாவட்ட நீதிமன்றினால் வழங்கப்பெற்ற தீர்ப்புகளிலும் இவர்கள் யாபெரும் தர்மகர்த்தாக்கள் என உறுதி செய்யப் பெற்றுள்ளனர்.

இவர்களில் இருவர் ஆலயத்திற்கு சொந்தமான ஆலயம் அமைந்துள்ள 7 பரப்பு காணியையும், சாந்தையில் இருக்கும் இரண்டு வளவுகளையும், இடையன்புலத்தில் இருக்கும் வயல் காணியையும்; இவை தவிர்ந்த பொது மக்களால் வழங்கப் பெற்ற தேரோடும் வீதியாக இருக்கும் ஆதனத்தையும், வீட்டையும்  தமது சொந்த ஆதனங்களாக 02.08.2012 ம் திகதி உறுதி இலக்கம் 1405 இலக்க உறுதி மூலம் தமதாக்கியுள்ளனர்.

1.
யாழ்ப்பாணம் வலிகாமம் மேற்கு சுழிபுரம் இறைபணிப்புலம்பரப்பு நிலம் இலாச்சம் ஏழு என்னும் ஆதனத்தில் எழுந்தருளியிருக்கும் மகாமுத்துமாரி அம்மன் கோவிலும் அதனைச் சேர்ந்த ஆதனங்களும், அசையும் அசையா சொத்துக்களுக்கும் சுழிபுரத்தைச் சேர்ந்த வேலாயுதர் கனகர் அவர்கள் உரிமையாளராகவும், தர்மகர்த்தாவாகவும், மனேச்சராகவும், பூசகருமாக உள்ளார் என 25.06.1906 ம் திகதி பிரசித்த நொத்தாரிஸ் வீ. சீனிவாசகம் அவர்கள் அத்தாட்சிப் படுத்திய உறுதி இலக்க 11265 ல் உறுதியின் பிரகாரம் உறுதிப்படுதப் பெற்றுள்ளது.

2.    15.02.1934 அன்று பிரசித்த நொத்தாரிஸ் தா. வைத்திலிங்கம் 399ம் இலக்கத்தில் அத்தாட்சிப் படுத்திய உறுதி மூலம் பூசகர் வேலாயுதர் கனகர் அவர்கள் சுழிபுரம் இறைபணிப்புலம்பரப்பு நிலம் இலாச்சம் ஏழு என்னும் ஆதனத்தில் எழுந்தருளியிருக்கும் மகாமுத்துமாரி அம்மன் ஆலயபூசை உரிமையையும், அசையும் அசையா சொத்துக்கள் பராமரிக்கும் உரித்துக்களையும் தனது பிள்ளைகளான பூசகர் சுப்பையா, கந்தையா, பூசகர் வேலாயுதம், பூசகர் தம்பிப்பிள்ளை ஆகியோருக்கு சமபங்காக கையளித்து ஆலயத்தை பராமரித்து பூசைகள் செய்யும் பொறுப்பையும் ஒப்படைத்திருந்தார்.

அதன்பிரகாரம்; பூசகர் கனகரும், அவரின் வாரிசுகளாக உள்ளோரும் ஆலய தர்மகர்த்தாக்களாகவே இருந்துள்ளார்கள். விளக்கமாக கூறுவதாயின் அவர்கள் அனைவரும் ஆலய ஸ்தாபகர் பரம்பரையில் வந்தவர்கள் அல்ல என்பதுவும்; இடையிட்டு வந்த

வர்கள் என்பதுவும் புலனாகின்றது.

ஆனால்; தாமே இவ் ஆலயத்தின் ஆதீனகர்த்தாக்கள் என விளம்பரப்படுத்தும் நோக்குடன் அண்மைக் காலமாக ஆலய மஹோற்சவ விழா நோட்டீஸ்களில் பதிவிலிட்டும், CD மூலம் கதையாகவும், பாடலாகவும் பதிவிலிட்டு ஆலயத்தில் ஒலிபெருக்கி மூலம் தவறாது ஒலிபரப்புச் செய்து இளம் சந்ததியினரை திசைதிருப்பி வருகின்றனர்.


3.    23.11.1979
ம் திகதி யாழ்/மாவட்ட நீதிமன்றினால் அங்கீகரிக்கப் பெற்று அதனை நடைமுறைப் படுத்துவதற்கான கட்டளை பிறப்பிக்கப் பெற்றஆலய பரிபாலன முகாமைத்துவ நடவடிக்கை முறைத் திட்டத்தின் முதலாம் பந்தியில் குறிப்பிட்டிருப்பதாவது;

யாழ்ப்பாணம் வலிகாமம் மேற்கு சுழிபுரம் இறைபணிப்புலம் பரப்பு நில இலாச்சம் ஏழுஎன்னும் காணியில் எழுந்தருளி இருக்கும் மகாமுத்துமாரி அம்மன் கோவிலும் அதைச் சேர்ந்த அசைவுள்ள (உறுதிகள் உள்ள) அசைவற்ற ஆதனங்களும் சமயத்தரும நம்பிக்கைச் சொத்தாகும்என 23.11.1979 அன்று யாழ்மாவட்ட நீதிமன்றினால் அங்கீகரிக்கப் பெற்று அதனை அமூல் படுத்துவதற்கான கட்டளையும் அன்றே பிறப்பிக்கப் பெற்றுள்ளது.

4.
இவ் ஆலயமும், அதனுடன் இணைந்த எல்லாக் கட்டிடங்களும், அதனைச் சேர்ந்த அசையும், அசையா சொத்துக்கள் யாவும் பொது மக்கள் நன்கொடைகளாகவும், நேர்த்தியாகவும் ஆலயத்திற்கு அவ்வப்போது வழங்கப் பெற்ற பொதுச் சொத்தாகும்.

இவ் ஆலய வளாகமானது (தேரோடும் வீதியுடன்) தற்பொழுது நில இலாச்சம் 33.01 பரப்பளவைக் கொண்டதாகும். இதில் ஆலய ஸ்தாபகரின் சொந்த நிலமாக ஆலயம் அமைந்த நில இலாச்சம் 7 பரப்பு தவிர்ந்த மிகுதி 26.01 பரப்பு நிலம் ஆலய தேரோடும் வீதி அமைப்பதற்காகவும், ஆலயத்தை விசாலமாக அமைப்பதற்கும் பொது மக்கள் அவ்வப்போது ஆலயத்திற்கு வழங்கப் பெற்ற பொது நிலமாகும். இதற்கான ஆவணங்கள் எதுவும் ஆலயத்தை பரிபாலிப்பவர்களிடம் இல்லை என்பதே உண்மை. ஆலய பரிபாலகர்கள் இன்றுவரை பரப்பு நில இலாச்சம் 7 பரப்பிற்கான வரிப் பணத்தையே பிரதேச சபை யில் செலுத்தி வருகின்றனர் என்பது குறிப்பிடத்தக்கது.

அத்துடன் இவ் ஆலயத்திற்கு சொந்தமானகண்ணாம்பிச் சாந்தை, வேட்டையாடு சாந்தை,இடையன்புலம் ஆகிய மூன்று ஆதனங்களையும் கந்தையா சதாசிவக் குருக்கள், வேலாயுதம் பேரின்பநாதக் குருக்கள் ஆகியோர் இரு பங்குகளாக கூறு போட்டு அவர்களது சொந்த ஆதனங்களாக வெளிப்படுத்தி; அவற்றை தமது இளைய மகன்மாருக்கு சொந்த ஆதனமாக ஒப்படைத்து உறுதியாக்கப் பெற்றுள்ளது. ஆலய பங்குரிமைகாரர்கள் தங்கள் பங்குக் காலத்தில் இவ் ஆதனங்களில் இருந்து வரும் வருமானங்களையும் பெற்று பூசைகளை சிறப்பாக செய்வதற்காகவே பொது மக்களால் இவ் ஆதனங்கள் ஆலயத்திற்கு நன்கொடைகளாக வழங்கப் பெற்றவைகளாகும்.

5.
ஆலய சமயத்தரும நம்பிகைச் சொத்துக்களை; ஆலய தர்மகர்த்தாக்களோ, அன்றி ஆலயத்தை பரிபாலிப்பவர்களோ, மேற்பார்வை செய்பவர்களோ அல்லது ஆலயத்தில் பூசை செய்து வருபவர்களோ அவற்றிற்கு சொந்தம் கொண்டாடவோ, அபகரிக்கவோ, தம்வயப்படுத்திக் கொள்ளவோ அல்லது ஆட்சி உரிமையை காட்டி நன்கொடை வழங்கவோ, விற்பனை செய்யவோ முடியாது என்பது யாபெரும் அறிந்ததே.

ஆனால்; 02.08.2012 ம் திகதி உறுதி இலக்கம் 1405 உறுதி மூலம் ஆலய பரிபாலனத்தையும், ஆலய வளாகத்தின் ஆலயத்தின் வடக்கு-உள்வீதிக்கும், வடக்கு வெளிவீதிக்கும் இடைப்பட்ட நிலத்தை ஆலய ஆதீனகர்த்தாக்கள் இருவருக்கு 1. கந்தையா சதாசிவக் குருக்கள், 2. வேலாயுதம் பேரின்பநாதக் குருக்கள் ஆகியோருக்கு அவர்களது சொந்த ஆதனங்களாக வெளிப்படுத்தப் பெற்றுள்ளதுடன்; கந்தையா சதாசிவம் குருக்கள் தனது இளைய மகனான சிவஸ்ரீ அற்புதராசா குருக்களுக்கும், வேலாயுதம் பேரின்பநாதன் குருக்கள் தனது இளையமகனான சிவஸ்ரீ இன்பராசா குருக்களுக்கும் அவர்களின் சொந்த ஆதனங்களாக வெளிப்படுத்தி தமது சீவிய உரித்துடன் ஒப்படைத்துள்ளனர். சிவஸ்ரீ பேரின்பநாதக் குருக்கள் பெற்றுக் கொண்ட வீட்டுடன் கூடிய ஆதனத்திற்கு ஆலய வடக்கு உள்வீதியில் அமைந்துள்ள இரண்டாம் தீர்த்தக் கிணற்றிலும், ஆலயவெளிப் பிரகாரத்தில் அமைந்துள்ள கிணற்றில் வழிவாய்கால் பாவிப்புடன் கூடிய கிணற்றுப் பங்கும் (ஆலய மணிமண்டப வாசலின் முன்பக்கமாக) வழங்கி உறுதியாக்கியுள்ளனர் என்பது குறிப்பிடத்தக்கது.

ஆலய வளாக ஆதனத்தில் ஆலய வடக்கு உள்வீதிக்கும், வடக்கு வெளி வீதிக்கும் இடையில் அமைந்த நிலத்தில் பூந்தோட்டமும், அபிழ்சேகத்திற்கு தேவையான இளநீர், வெற்றிலை, பாக்கு மற்றும் தேசிக்காய் போன்றனவற்றை பெற்றுக் கொள்வதாக தென்னை, கமுகு, வெற்றிலைக் கொழுந்து என்பனவற்றையும் பூ மரங்களையும் சமாதியாகிய ஆதீனகர்த்தாக்கள் பயிரிட்டு பூசைக்குரிய பூக்களையும், அபிழ்ஷேகத்துக்குரிய பொருட்களையும் பெற்று வந்தனர். அவை இப்போது அழிந்து விட அவற்றை மாற்றீடு செய்யாது தமது ஆட்சி உரிமை காட்டி அவ் ஆதனத்தை தமது சொந்த ஆதனமாக உரிமையாக்கியுள்ளார்கள்.

அதனால்; ஆலய வாகனசாலையை விசாலமாக்கி கட்டுவதற்கோ, அல்லது புதிதாக வேறு தேவைகளுக்கான கட்டிடங்களை அமைப்பதற்கோ இடமின்மை தோன்றியுள்ளமை குறிப்பிடத்தக்கது. ஆலயத்திற்கு பொதுமக்கள் தங்கள் நேர்த்திகளாக வழங்கும் வாகனங்கள், குடைகள் யாவும் இடமின்மை காரணமாக உள்வீதியில் வைக்கப் பெற்று இருப்பதனால்; தூசுகளினாலும், மழைத் தூவானங்களினாலும் சேதமடைகின்றன.  

வேலாயுதம் பேரின்பநாதன் குருக்களுகள் உறுதியாக்கிக் கொண்ட ஆதனத்தில் அமைந்துள்ள வீடு ஆலய பங்குரிமைகாரர்கள் தமது பங்குரிமைக் காலத்தில் தங்கியிருந்து ஆலயத்தை பரிபாலித்து வருவதுடன்; மஹோற்சவ விழாகாலத்தில் வெளியூர் குருக்கள்மாருக்கு தங்குமிடவசதி கொடுக்கவேண்டி இருந்தமையால் இவ் வீட்டையும் திருத்தி விசாலமாக்க வேண்டிய கட்டாயம் ஏற்பட்டது.

அதனால், 2003 – 2006 ஆண்டு காலத்தில் இராசகோபுரம் அமைப்பதற்காக சுமார் 35 அடி நீளமும், 30 அடி அகலமும் கொண்ட முன் கொட்டகை கழற்றப் பெற்ற போது அவறில் இருந்த ஓடுகள், மரங்கள், தீராந்திகளைக் கொண்டு இவ் வீட்டில் வசித்து வந்த வேலாயுதம் பேரின்பநாதக் குருக்கள் அவர்கள் ஆலய வீட்டு வாடகைப் பணத்தை செலவு செய்து அவ் வீட்டை விசாலமாக திருத்தி அமைக்கும் திருப்பணியச் செய்துள்ளார்.

1975 - 1976
ஆகிய காலப் பகுதியில் அமைந்த தமிழ் வருடம் பூசகர் கனகர் வேலாயுதம் அவர்களின் பூசை உருமைக்காலமாகும். அதனால் பூசகர் வேலாயுதம் அவர்கள் ஆலய வீட்டில் தங்கியிருந்து ஆலயத்தை பரிபாலித்து பூசைகளை செய்வித்து வந்துள்ளார். அதனைத் தொடர்ந்து வந்த தமிழ் வருஷம் பூசகர் கனகர் தம்பிப்பிள்ளை அவர்களுக்கு உரிய காலமாகும். பூசகர் கனகர் வேலாயுதம் அவர்கள் நோய்வாய்ப்பட்டு இருந்தமையால் தம்பியாரான பூசகர் கனகர் தம்பிப்பிள்ளை அவர்களின் அனுமதியுடன் அங்கு வாழ்ந்து அதே வருடம் இறைபதம் எய்தினார்.

இறைபதம் எய்திய தந்தையாரின் பிதிர் கடமைகளை செய்வதற்காக பேரின்பநாத குருக்கள் அவ் வீட்டில் வசித்து வருகையில் ஆலயத்தில் உரிமைகாரர்களுக்கும், திருப்பணிச் சபையினருக்கும்ம் இடையே எழுந்த உரிமைப் பிரச்சனை காரணமாக ஆலயம் பூட்டப் பெற்றது. அதனால் ஆலயம் மீண்டும் திறக்கும் வரை பூசகர் பேரின்பநாதன் அவர்கள் அவ் வீட்டிலேய வசித்து வந்தார்.

அத்துடன் ஆலய பூசை உரிமை பங்காளிகளுடன் செய்த ஒப்பந்தத்தின் பிரகாரமும், பூசை உரிமை பங்காளிகள் ஆலய வீதிச் சுற்றாடலில் வசித்து வந்தமையாலும், வாடகையாக ஆலயத்தில் திருப்பணி செய்வதாகவும் கூறியமையால் இன்றுவரை அவரே கோயில் வீட்டில் வசித்து வருகின்றார். (அதனால் அவர் அங்கு வசித்த காலத்தை தனது ஆட்சிக் காலம் என குறிப்பிடுகின்றார்.)

6.    (இவ் ஆலயம் பூசைகள் இன்றி பூட்டப் பெற்றதற்கான சூழ்நிலை) இவ் ஆலய தர்மகர்த்தாக்களாக இருந்த பூசகர் வேலாயுதம் அவர்களும், பூசகர் தம்பிப்பிள்ளை அவர்களும் இருவாரகால இடைவெளியில் சமாதியடைந்ததும்; இவ் ஆலயத்தில் இயங்கி வந்த திருப்பணிச் சபையினர் ஆலய நிர்வாகத்தை கைப்பற்ற முயன்றதால்; ஆலய தர்மகர்த்தாக்களுக்கும் ஆலய திருப்பணிச் சபையினருக்கும் இடையில் எழுந்த உரிமைப் பிரச்சனை காரணமாக இவ் ஆலயம் பூட்டப் பெற்று மஜிஸ்றேற் / மாவட்ட / உயர் நீதிமன்றுகளில் (10845, TR-1807, TR-2149) வழக்கு நடைபெற்று வந்தன.

இவ் ஆலயம் நிரந்தரமாக பூட்டப் பெற்றிருந்த 1976ம் - 1994ம் ஆண்டுகளுக்கு இடைப்பட்ட காலப்பகுதியில்; இடைக்கால தீர்ப்பின் பிரகாரம் 1978ம் ஆண்டு ஆலய உரிமைகாரர் சுமார்வருடம் கீரிமலை ஐயம்பிள்ளைக் குருக்கள், அளவெட்டி நவரத்தின குருக்கள் மூலம் பூசைகள் செய்து வந்ததுடன், அவர்களை பூசைகள் செய்யவிடாது இனம் தெரியாதோர் மறித்ததினால்; 1979ல் நித்திய பூசைகளை செய்வதற்காக இதுவரைகாலமும் ஆசாரமற்று இருந்த கந்தையா சதாசிவம், வேலாயுதம் பேரின்பநாதன், தம்பிப்பிள்ளை அம்பிகைபாலன் ஆகியோர் சமயதீட்சை பெற்று வீரசைவர்களாகி ஆசாரசீலர்களாக நித்திய பூசைகளை செய்து வந்துள்ளனர். அதனைத் தொடந்து எழுந்த குழப்பம்கள் காரணமாக மீண்டும் ஆலயம் பூட்டப்பெற்றது.

அதனைத் தொடர்ந்து சில வருடங்களின் பின்னர் வழிபடுவோர் சபையினர் சமர்ப்பித்த மனுவின் பிரகாரம் இடைக்கால தீர்ப்பு வழங்கப்பெற்று; (சுமார் 9 வருடங்கள் 1985 முதல் 1994ம் ஆண்டுவரை) இவ் ஆலயத்தில் பரம்பரை பரம்பரையாக நைமித்திய காமிக பூசைகளையும்; 1970ம் ஆண்டு முதல் 1976 ம் ஆண்டு வரையுள்ள காலப் பகுதியில் இவ் ஆலய நித்திய (மூன்று காலம்) பூசைகளும், நைமித்திய, காமிக பூசைகளும் சுழிபுரம் குடியிருப்பு பகுதியில் வசித்து வந்த பிராமண (பறாளாய் முருகன் ஆலய பிரதம குரு பாலகுருசாமி சர்மா முதலான) குருமார் மூலம் நடாத்தப் பெற்று வந்துள்ளது.

1970 கும்பாபிஷேகம் முதல் ஆலயம் பூட்டப் பெற்ற காலம் வரை (1976 வரை) சுழிபுரம் குடியிருப்பு பிராமண குருமார் மூலம் நித்திய, நைமித்திய, காமிக பூசைகளை செய்வித்து வரும் இக் காலகட்டத்தில்; மல்லாகம் நீதிமன்று தீக்கிரையானதால் வழக்கு கோப்புகள் யாவும் அழிந்துபோயின. 1993ம் ஆண்டு தமிழீழ காவல்துறையினர் தலையிட்டு விசாரணை செய்த பின்னர் 1994.02.05 அன்று ஆலய முழுப்பொறுப்பையும் ஆலய தர்மகர்த்தா பரம்பரையினரிடம் ஒப்படைத்தனர்.

இவ் ஆலய தர்மகர்த்தாக்கள் ஆசாரமற்றவர்களாக இருந்தமையால்; 1970ம் ஆண்டு நடைபெற்ற மகா கும்பாபிஷேகத்தின் பின்னர் பிராமண குருமாரே எல்லாப் பூசைகளையும் செய்ய வேண்டும் என பொது மக்கள் விரும்பினர். அதனால் திருப்பணிச் சபையினர் ஆலய பூசகர்களின் முழுச் சம்மதத்துடன் பொதுமக்களிடம் இருந்து நன்கொடைகளைப் பெற்று நித்திய பூசைக்கான ஊதியத்தை பிராமண குருமாருக்கு வழங்கி வந்தனர். ஆனால் நைமித்திய, காமிக பூசைகளுக்கான ஒழுங்குகள் யாவும், ஆதீனகர்த்தாக்கள் வழமைபோல் செய்து வந்ததுடன். அதற்கான ஊதியத்தையும் பிராமண குருமாருக்கு வழங்கி வந்துள்ளனர்.

இதுவரை காலமும் இவ் ஆலய தர்மகர்த்தாக்களாகவும், பரிபாலகர்களாகவும், பூசகர்களாகவும் செயல் பெற்று; ஆலயத்தை பொதுமக்களின் நேர்த்திகள், நன்கொடைகளுடன் வளர்த்தெடுத்து; தமது சொந்த வருமானத்திற்கேற்ப (ஆலய சொத்துக்களை, நன்கொடைகளை தீண்டாது) வாழ்ந்து சமாதி அடைந்த பூசகர் வேலாயுதர் கனகர், பூசகர் கனகர் சுப்பையா, பூசகர் கனகர் கந்தையா, பூசகர் கனகர் வேலாயுதம், பூசகர் கனகர் தம்பிப்பிள்ளை ஆகியோரினால் ஆலய அசையும் அசையா சொத்துக்களை தமக்கு உரிமையாக்கிக் கொள்ள முடியாது இருந்தனர் அல்லது செய்ய விரும்பாது இருந்த ஆலய (அசையும், அசையா) வளங்களை இரகசியமாக தமக்கே உரிமையாக்கும் சுயநல செயலை; சமாதியாகிய பூசகர் கனகர் தம்பிப்பிள்ளை அவர்களின் பின்னுரிமைகாரர்களுக்கு தெரியாமல்; பூசகர் கந்தையா அவர்களினதும், பூசகர் வேலாயுதம் அவர்களினதும் தற்போதைய உரிமைகாரர்களாக இருக்கும் தர்மகர்த்தாக்கள் இருவர் செய்துள்ளனர்.

ஆலயத்தின் வளர்ச்சியில் கண்ணும் கருத்துமாக இருந்து ஆலய அசையும், அசையா சொத்துக்களை பராமரித்து, பாதுகாத்து ஆலயத்தை வளர்த்தெடுக்க வேண்டிய தர்மகர்ர்த்தாக்களே பயிரை மேய்ந்து தம் பிள்ளைகளை போசிக்கின்றனர்.

அதனால்; 02.08.2012 ம் திகதி உறுதி இலக்கம் 1405 உறுதி மூலம் மூன்றாவது பங்காளிக்கு தெரியாமல் இரகசியமாக எழுதப் பெற்ற உறுதியை செல்லுபடியற்றதாக தீர்ப்பு வழங்குமாறு மல்லாகம் மாவட்ட நீதிமன்றில் பூசகர் கனகர் தம்பிப்பிள்ளை அவர்களின் பங்கிற்கு யாழ்/மாவட்ட நீதிமன்றினால் நியமிக்கப் பெற்ற பின்னுரிமைகாரர்களால் வழக்குத் தொடரப்பெற்றுள்ளது.

நன்றி

  • «
  •  Start 
  •  Prev 
  •  1 
  •  2 
  •  3 
  •  4 
  •  5 
  •  6 
  •  7 
  •  8 
  •  9 
  •  10 
  •  Next 
  •  End 
  • »

Page 1 of 39

முத்துமாரி அம்மன் ஆலயம்

ஞான வேலாயுதர் ஆலயம்

சித்தி விநாயகர் ஆலயம் - சாந்தை

சம்புநாதீஸ்வரர் ஆலயம்

காடேறி ஞானபைரவர் ஆலயம்