Tuesday, Nov 21st

Last update08:49:05 PM GMT

தலைப்புச் செய்திகள்:
You are here: சிறுவர் பூங்கா அறிவியல்

சிரிக்க சிந்திக்க - நான் ஏன் பரிட்சையில் முட்டை வாங்கினேன்?

E-mail Print PDF


1. கேள்வி: மாவீரன் நெப்போலியன் எந்த போரில் இறந்தார்?
பதில்: அவரது கடைசி போரில்...

2. கேள்வி: நம் நாட்டின் சுதந்திர பிரகடனம் எங்கே கையெழுத்திடப்பட்டது?

பதில்: அந்த பக்கத்தில் கீழ் பகுதியில்.....

3. கேள்வி: ரவி ஆறு எந்த மாநிலத்தில் பாய்கிறது?

பதில்: திரவம்

4. கேள்வி: காலை உணவிற்கு நீ என்ன சாப்பிட முடியாது?

பதில்: மதிய உணவு மற்றும் இரவு உணவு.

5. கேள்வி: பாதி வெட்டப்பட்ட ஆப்பிளில் நீ பார்ப்பது என்ன?

பதில்: இன்னொரு பாதி?

6. கேள்வி: ஒரு சிவப்பு கல்லை நீ நீல நிற கடலில் எறிந்தால் அது என்ன ஆகும்?

பதில்: கல் ஈரமாகி விடும்.

7. கேள்வி: ஒரு மனிதன் எப்படி எட்டு நாட்கள் (eight days) வரை தூங்காமல் இருக்க முடியும்?

பதில்: பிரச்சனை இல்லையே, அதான் நைட் தூங்குவாரே.

8. கேள்வி: ஒரு கையால் யானையை எப்படி தூக்க முடியும்?

பதில்: ஒரு கை தான் என யானைக்கு தெரியாதே.

9. கேள்வி: ஒரு கையில் மூன்று ஆரஞ்சும், நான்கு ஆப்பிள்களும், இன்னொரு கையில் நான்கு ஆரஞ்சும், மூன்று ஆப்பிள்களும் உள்ளன. உனக்கு எது வேண்டும்?

பதில்: அதை விட பெரிய கைகள் வேண்டும்.

10. கேள்வி: ஒரு சுவரை எட்டு ஆட்கள் சேர்ந்து பத்து மணிநேரத்தில் கட்டி முடிக்கிறார்கள். ஆனால் அதே சுவரை நான்கு ஆட்கள் சேர்ந்து கட்டி முடிக்க எத்தனை மணிநேரம் ஆகும்?

பதில்: அந்த சுவர் தான் ஏற்கனவே கட்டியாச்சே.

11. கேள்வி: விவாகரத்திற்கு முக்கிய காரணம் என்ன?

பதில்: திருமணம் தான்.

12. கேள்வி: தோல்விக்கு முக்கிய காரணம் என்ன?

பதில்: தேர்வு தான்.

நற்பண்புகள் அற்ற திறமைகள் பூச்சியமாகும் - எப்படி?

E-mail Print PDF

“எண்ணும் எழுத்தும் கண்ணெனத் தகும்” என்பது ஔவையின் முது மொழி. எழுத்துகள் இல்லாத மொழிகள் கூட உலகில் இருக்கின்றன. ஆனால் எண்கள் இல்லாமல் கணிதமே இல்லை. கணிதம் இல்லையென்றால் வர்த்தகம் இல்லை; தொழில் இல்லை; பொருளாதாரம் இல்லை; ஏன், உலக இயக்கமே இல்லை. எண்களைப் பற்றி சற்று எண்ணிப்பார்ப்போம். கணித ரீதியாக அல்ல உள ரீதியாக.

மூல எண்கள் மொத்தம் பத்துதான். 1,2,3,4,5,6,7,8,9,0. 1 முதல் 9 வரை உள்ள எண்களுக்கு, அவைகளுக்கென்று ஏதோ ஒரு மதிப்பு இருக்கிறது. ஆனால், பூஜ்யத்திற்கு என்று அடிப்படையாக  எந்த மதிப்பும் கிடையாது. வேறு எந்த எண்ணுடனாவது ஒட்டிக்கொண்டால் தான், அதுவும் அந்த எண்ணுக்குப் பின்னால் போய், அடக்க ஒடுக்கமாக நின்றால் தான் அதற்கு ஒரு கௌரவம் கிடைக்கிறது; உயிர் கிடைக்கிறது.

ஒரு மனிதனுக்கு எத்தனையோ திறமைகள் இருக்கலாம். அவையாவும் மனிதப் பண்போடு பின்னிப் பிணைந்து இருக்கும்போதுதான் அதற்கு பேரும், புகழும், சிறப்பும் கிடைக்கின்றது. இல்லையேல் அத்தனை திறமைக்கும் அடிப்படை மதிப்பு பூஜ்யம் தான். திகைக்காதீர்கள் மேலே படியுங்கள்.

நூற்றுக்கணக்கான திறமைகள் மனிதனிடம் இருக்கின்றன. பேச்சுத் திறமை, எழுத்துத் திறமை, ஆடல் திறமை, பாடல் திறமை, கணினித் திறமை, மருத்துவத்திறமை, வாகனம் ஓட்டும் திறமை, இயந்திரங்களைப் பழுதுபார்க்கும் திறமை…..இப்படிப் பல.
அத்தனைக்கும் ஒரிஜினல் மதிப்பு பூஜ்யம் தான். சற்றுப் பொறுங்கள்.

ஒரு மனிதனின் முன்னேற்றத்திற்கு திறமைகள் முக்கியம் தான். ஆனால் திறமைகள் மட்டுமே அவனை உயரத்தில் கொண்டு போய் உட்கார வைத்து விடாது. அப்படியே வைத்தாலும், அந்த உயரத்தை தக்க வைத்துக் கொள்வதற்கு அவனிடம் நல்ல பண்புகள் இருந்தால் மட்டும்தான் முடியும்.

எப்படித் தெரியுமா?
வாழ்க்கைக்கு பணம் மிகவும் அவசியம். ஆனால் பணம் மட்டுமே வாழ்க்கை ஆகிவிடாது எனபதைப் போலத்தான் இதுவும்.

மனிதனிடம் இருக்க வேண்டிய சில நல்ல பண்புகளைப் பார்ப்போம்.
1. இன்சொல்
2. நேர்மை
3. பரோபகாரம்
4. சொல் தவறாமை
5. அடக்கம்,
6. நன்றி
7. பிறர் மனைவியைத் தீண்டாமை
8. கோபம் கொள்ளாமை
9. ஒழுக்கம்.
இந்த ஒன்பது பண்புகளுக்கும் முறையே 1,2,3,4,5,6,7,8,9 என்று வரிசையாக ஒரு மதிப்புக் கொடுப்போம். சரி.

சில மனிதர்களைப் பார்ப்போம்.

ஒரு மனிதன் அவனிடம் இன்சொல் என்பது சுத்தமாக இல்லை. யாரிடமும் எடுத்தெறிந்து பேசுகிறான். எப்போதுமே, எதற்குமே கடுமையான வார்த்தைகளையோ, தரம் குறைந்த வார்த்தைகளையோ சர்வ சாதாரணமாகப் பேசுவதே அவனது வழக்கம். அவனிடம் ஒரு திறமை, இசைத்திறமை இருக்கிறது என்று வைத்துக் கொள்ளுவோம்.

எந்த சபாவினர், விரும்பி அவனை பாடுவதற்குக் கூப்பிடுவார்கள்? வேறு யாருமே கிடைக்காத போது, வேண்டாவெறுப்பாகத் தானே அவனைக் கூப்பிடுவார்கள்? கடைசி வாய்ப்புத்தானே அவனுக்கு? ஆக இங்கே அவனுடைய திறமையின் மதிப்பு பூஜ்யம். பூஜ்யம் எப்படி வளரும்?

இன்னொருவன் மின்சார சாதனங்களைப் பழுது பார்ப்பதில் திறமையுள்ளவன். ஆனால் சொல்தவறாமை என்ற பண்பு சுத்தமாகக் கிடையாது. சொன்ன நேரத்திற்கு வரமாட்டான். வந்தால், சொன்ன நேரத்துக்கு முடிக்கமாட்டான். வளரமுடியுமா இவனால்?

இன்னொருவன் பைக், ஸ்கூட்டர் பழுது பார்ப்பதில் கெட்டிக்காரன். ஆனால் நேர்மை கிடையாது. பெட்ரோல் திருடுவான். நல்ல பாகங்களை மாற்றிவிடுவான். இவனுடைய திறமைக்கு மதிப்புக் கொடுத்து, வண்டிகளைக் கொண்டு வந்தவர்கள், தானாக, நாளாக, வேறு மெக்கானிக்குகளைத் தேடிப் போய் விட்டார்கள். என்றால்……இவன் எப்படி வளர்வான்?

இன்னொருவன், மருத்துவம் பார்ப்பதில் மகாதிறமைசாலி…. இவனிடம், பிறன் மனைவி நாடாமை என்ற பண்பு கிடையவே கிடையாது. என்ன பிரயோஜனம்? ஏதோ வளர்ந்தான்.
வளர்ந்த வேகத்திலேயே தேய்ந்தான். இப்போது கம்பி எண்ணிக்கொண்டிருக்கிறான்.

ஆக, முன்னேற்றம் என்பது திறமைகளை மட்டும் அடிப்படையாகக் கொண்டது அல்ல. அதுபோல பூஜ்யங்கள் மட்டுமே கணிதம் அல்ல.

பண்புகள் தான் நிஜமான முன்னேற்றத்திற்கு நிச்சயமான தேவை. 1,2,3,.. என்ற எண்களால் தான் கணிதத்திற்காக முழுமை கிடைக்கிறது. என்பதைப் போல.
ஒருவனிடம், இன்சொல், நேர்மை, சொல் தவறாமை என்ற எல்லாப் பண்புகளும் இருந்து தொழில் திறமை, நிர்வாகத்திறமை என்று இரண்டு திறமைகளும் இருந்து விட்டால், அவனுடைய மதிப்பு, மேலே சுட்டிக் காட்டியபடி, 12400 ரூபாய் (அல்லது) டாலர் என்று வைத்துக் கொள்ளலாம்.

அந்த மூன்று பண்புகளும் இல்லாமல் இருந்து, அந்த இரண்டு திறமைகள் மட்டும் அவனிடம் இருந்தால், அவனுடைய மதிப்பு இரண்டு பூஜ்யங்கள் மட்டும்தான்.

இங்கே ஒரு சந்தேகம் வரவேண்டுமே?
மேற்சொன்ன அதே மனிதனிடம், அடக்கம் என்ற நல்ல பண்பு இல்லாமல், ஆணவம் என்ற தீய பண்பு இருந்து விட்டால்…..? அவனுடைய மதிப்பு இப்போது என்ன?
124000 x 0 இப்படி! இதன் மதிப்பு என்ன? பூஜ்யம்தான்.

ஆமாம் சில நல்ல பண்புகள் இருந்தாலும், அவைகளுக்கு எல்லாம் எதிராகச் செயல்படும் வகையில் ஒரு தீய பண்பு இருந்து விட்டாம் போதும் அழிவு நிச்சயம்.

வாழ்க்கை என்ற மரம் செழித்து வளர வேண்டுமானால், திறமைகள் என்ற நில வளங்களோடு, அதனை பராமரித்து வளர்க்கும் பண்பும் இல்லை யென்றால், மரம் வளராது என்பது மட்டுமல்ல, பட்டுப்போகவும் வாய்ப்புகள் உண்டு.



தொழில்நுட்ப உலகின் எம் எதிர்காலத்தைக் காட்டும் நம்பமுடியாத காட்சிகள் (காணொளிகள் இணைப்பு)

E-mail Print PDF

தொழில்நுட்பமானது நாளுக்கு நாள் நாம் நினைக்காத அளவு அசுர வேகத்தில் வளர்ச்சியடைந்துவருகின்றது.

இதில் மணிக்கொரு புதுமையை மனிதன் நிகழ்த்திக் காட்டுகின்றான்.

மேலும் அதற்கு ஒரு படி மேலே போய் எதிர்காலம் இவ்வாறு தான் இருக்கப்போகின்றது என்பதனைக் காட்டவும் செய்கின்றான்.

குறிப்பாக பெரிய நிறுவனங்கள் தங்களது எதிர்கால உற்பத்தி மற்றும் தொழில்நுட்பம் இவ்வாறுதான் இருக்கப்போகின்றது என்பதனைக் காட்டவும் செய்கின்றன.

இவை நிறுவனங்களுக்கு விளம்பரமாகவும் அமைகின்றன.

இவ்வாறு காட்டுவதற்கு தயார்படுத்தப்படும் காணொளிகள் பொதுவாக (Concept Videos) என அழைக்கப்படுகின்றன.

இவ்வகைக் காணொளிகள் மிகவும் சுவாரஸ்யமானவை என்பதுடன் பார்ப்பவர்களை ஆச்சரியத்தின் உச்சத்திற்கே அழைத்துச் செல்லக்கூடியவை.

இவ்வாறான காணொளிகள் பல உள்ளபோதிலும் குறிப்பிடத்தக்க சில சுவாரஸ்யமான காணொளிகளின் தொகுப்பு கீழே!

 

1.  மைக்கிறோ சொவ்ற் வெளியீடு

2.  பிளாக் பெரி தயாரிப்புகள்

3.  2019 ல் பாவனையில்

4.  எதிர்காலத்தில் பாவிக்கப்படும் பிறின்ரர்

வானம் பகலில் நீலமாக தோன்றுவதற்கான காரணம் - விஞ்ஞான விளக்கம்

E-mail Print PDF

இது அன்றாடம் நாம் காணும் ஒரு காட்சி. அது எமக்கு பழகிப்போனதால் அதைப்பற்றி சிந்திக்க தூண்டுவதில்லை. மந்தாரமோ, பனிமூட்டமோ இல்லாத பகல் பொழுதில் வானம் நீலமாக காட்சி தருகின்றது. அதனால் பூமிக்கு கூரை இருக்கிறதா? அதன் நிறம் நீல நிறமா? என எண்ணத் தோன்றுகிறது. இக் தோற்றத்திற்கான காரணம் என்ன? என்பதை அறிந்து கொள்வதே இக்கட்டுரையின் நோக்கம். அதற்கு முதலில் ஒளி பற்றியும், வளிமண்டலம் பற்றியும் அறிந்து கொள்வோம்.

Read more...

பூமியின் அமைப்பு - அறிந்து கொள்வோம்

E-mail Print PDF


இன்றைய விஞ்ஞானிகள் பூமியைப்பற்றி கண்டறிந்தவைகளில் சில:

1. பூமியின் வயது 455 கோடி வருடங்கள்.

2. பூமியின் சுற்றளவு 25000 மைல்கள். உருண்டை வடிவம் கொண்டது.

3. பூமியின் குறுக்களவு 8000 மைல்கள்.

4. எவரெஸ்ட் மலையின் உயரம் 29028 அடி உயரம்.

5. பெண்ட்லி பள்ளத்தாக்கு 8300 அடி ஆழம்.

6. கடலில் மிகவும் ஆழம் கூடிய இடம் “மரியானா டிரெஞ்ச்” அதன் ஆழம் சுமார் ஆறே முக்கால் மைல். 35,808 அடி

7. இப்போது நாம் காணும் மண்ணும் கல்லும் கலந்த பகுதி தான் பூமியின் பொருக்கு போன்ற பகுதி. இந்தப் பொறுக்கு சுமார் 25 மைல் வரை தான் உள்ளது.

8. அதற்குக் கீழே 1800 மைல் வரை பாறை.

9. அதற்கும் கீழே 2160 மைல் வரை அக்கினிக் குழம்பு. அதாவது பாறையும் இரும்பும் உருகி உலோகக் குழம்பாகி பயங்கரச் சூட்டில் கொதித்துக் கொண்டிருக்கும்.

10. இந்த அக்கினிக் குழம்புக்கும் கீழே 780 மைலுக்கு கனத்த உலோகம்.

11. பூமி சூரியனைச் சுற்றும் தூரம் 68 கோடியே 39 இலட்சம் மைல்கள்.

12. பூமியோடு சேர்ந்து நாமும் ஒரு வினாடிக்கு 18.5 மைல்கள் பிரயாணம் செய்கிறோம்.

13. பூமி தன்னனைத் தானே சுற்றுவதில் நாம் வினாடிக்கு 1525 அடி நகர்ந்து போகிறோம்.

14. பூமி தன்னைத்தானே ஒருமுறை சுற்றிவர ஒரு முழு நாள் ஆகும். (அதாவது 23 மணி நேரமும், 56 நிமிடங்களுமாகும்.)

15. பூமி சூரியனை ஒருமுறை சுற்றி வர ஒரு வருடம் ஆகும். (அதாவது 365 நாட்களும் 6 மணி நேரமும், 46 நிமிடங்களும். 48 வினாடிகளுமாகும்.)

16. சந்திரம் பூமியைச் சுற்றிக்கொண்டிருக்கிறது.

17. பூமியும் ஏனைய கிரகங்களும், அதற்கென நிர்ணயிக்கப்பட்ட பாதையில் பிறழாமல் சுற்றிக்கொண்டே இருக்கின்றன.

18. பூமியிலிருந்து சந்திரன் இரண்டு இலட்சத்து ஐம்பதாயிம் மைல்களுக்கு அப்பால்இருக்கிறது.

19. பூமியின் முக்கால் பாகம் நீரால் சூழப்பட்டுள்ளது. கால் பாகம் நிலப்பரப்பு. (பூமியின் ழுழுப்பரப்பின் 70.8 வீதம் நீர் - கடல்கள். மீதமுள்ள பகுதியே நாம் வாழும் பகுதி.)

உலகில் அதிகம் பேசப்படும் மொழிகள்

E-mail Print PDF

மொழி என்பது நாகரிகம், பண்பாடு, பாரம்பரியம், கலாசார எழுச்சி உணர்ச்சிகள், கருத்துக்கள் என்பவற்றை வெளிப்படுத்தும் ஊடகம் அல்லது கருவி எனலாம்.

உலகில் ஏழாயிரத்துக்கும் மேற்பட்ட மொழிகள் பேசப்படுகின்றன. 10 ஆயிரம் ஆண்டுகளுக்கு முன், உலகின் மொத்த சனத்தொகை 50 இலட்சம் முதல் 1 கோடி வரை இருந்த போது, அவர்களிடையே 12 ஆயிரம் மொழிகள் பேசப்பட்டன என்பது மொழியியலாளர்களின் முடிவாகும்.

உலகில் அதிகம் பேசப்படும் மொழி எது?
சரியான விடை: சீன மொழி (மந்தாரின்).
உலகில் சுமார் 88.5 கோடி மக்கள் சீன மந்தாரின் மொழியை முதல் மொழியாக பேசுகிறார்கள். இது சீனாவில் மட்டுமில்லாமல் புரூனேய், கம்போடியா, இந்தோனேசியா, மலேஷியா, மங்கோலியா, பிலிப்பைன்ஸ், சிங்கப்பூர், தென்னாப்பிரிக்கா, தைவான், தாய்லாந்து ஆகிய நாடுகளிலும் பேசப்படுகிறது.

சீன மொழிகள்:
முதலாவது இடத்திலிருக்கும் சீன மந்தாரின் மொழி பேசும் மக்களின் தொகை இரண்டாவது இடத்திலிருக்கும் ஸ்பானிஷை விட சுமார் இரண்டு மடங்கு அதிகம். இதைத் தவிர இதர சீன மொழிகளும் உலக அளவில் அதிக மக்கள் பேசும் மொழிகளாக உள்ளன.

சீன மொழி     பேசும் மக்கள் தொகை

மந்தாரின் (Mandarin)     88.5 கோடி            
வூ (Wu)     7.72 கோடி     10        
யூ (Yue) (Cantonese)    6.62 கோடி            
மின் நான் (Min Nan)    4.9 கோடி           
ஜின்யூ (Jinyu)    4.5 கோடி       
க்ஸியாங் (Xiang)    3.6 கோடி       
ஹக்கா (Hakka)    3.4 கோடி         
கான் (Gan)     2.06 கோடி

இந்தச் சீன மொழிகள் பெரும்பாலும் ஒரே மொழியின் வட்டார வழக்கு வேறுபாடுகள் (dialects) தான். தனி மொழிகள் என்று கூற முடியாது. ஆனால் இதில் ஒரு வட்டார வழக்கு மட்டும் தெரிந்தவர்களால் மற்ற வட்டார வழக்குகளை புரிந்து கொள்ள இயலாத அளவு வேறுபட்டிருப்பதால் தனி மொழிகள் என்றே கணக்கிடப்படுகிறது.

உலகில் இரண்டாவதாக அதிகம் பேசும் மொழி - எது?
ஸ்பானிஷ். 33.2 கோடி மக்களுக்கு தாய் மொழி/முதல் மொழி. பேசப்படும் நாடுகள் 23 - அந்தோரா, அர்ஜெண்டினா, பெலிஸ், பொலிவியா, சிலி, கொலம்பியா, கோஸ்டா ரிகா, க்யூபா, டொமினிக்கன் குடியரசு, ஈக்வடார், எல் சால்வடார், ஈக்விடோரியல் கினியா, குவாதிமாலா, ஹோண்டுராஸ், மெக்ஸிகோ, நிகாராகுவா, பனாமா, பராகுவே, பெரு, ஸ்பெயின், உருகுவே, யு.எஸ்.ஏ, வெனிசுயேலா.

ஆங்கிலம் மூன்றாவதாக வருகிறது. 32.2 கோடி மக்கள் முதல் மொழியாகப் பேசுகிறார்கள். பேசப்படும் நாடுகள் - 35க்கும் மேல்.

இந்திய மொழிகளில் அதிகம் பேசப்படும் மொழி?
ஹிந்தி அல்ல! வங்கம் (Bangla). சுமார் 18.9 கோடி மக்கள் பேசும் வங்க மொழி, பங்களாதேஷ், இந்தியா, சிங்கப்பூர் ஆகிய நாடுகளில் பேசப்படுகிறது. உலக அளவில் நான்காவது.

இதற்குச் சற்றுக் குறைவாக ஹிந்தி சுமார் 18.2 கோடி மக்களால் பேசப்படுகிறது. பேசப்படும் நாடுகள் - இந்தியா, நேபாளம், சிங்கப்பூர், தென்னாப்பிரிக்கா, உகாண்டா.

திராவிட மொழிகளில் அதிகம் பேசப்படும் மொழி?
தெலுங்கு. இந்தியாவிலும் சிங்கப்பூரிலும் சுமார் 6.64 கோடி மக்கள் முதல் மொழியாக பேசுகின்றனர்.

தமிழ்:
சுமார் 6.31 கோடி மக்களுக்கு முதல் மொழி/தாய் மொழி. இந்தியா,
இலங்கை. மலேஷியா, மொராஷியஸ், சிங்கப்பூர், தென்னாப்பிரிக்கா ஆகிய நாடுகளில் அதிகம் பேசப்படுகிறது.

மலையாளம் & கன்னடம்:
மலையாளம் சுமார் 3.4 கோடி மக்களாலும், கன்னடம் சுமார் 3.37 மக்களாலும் முதல் மொழியாகப் பேசப்படுகிறது.

முதல் 20 மொழிகள்
1.  மாண்ட்ரின் (சீனம்) - சீனா - 885 மில்லியன்

2.  ஸ்பானிய மொழி - ஸ்பெயின் - 332 மில்லியன்

3.  ஆங்கிலம் – ஐக்கிய இராச்சியம், ஐக்கிய அமெரிக்கா - 322 மில்லியன்

4.  அராபி - மத்திய கிளக்கு நாடுகள்

5.  வங்க மொழி – இந்தியா, வங்கதேசம் - 189+ மில்லியன்

6.  ஹிந்தி - இந்தியா - 182+ மில்லியன்

7.  போர்த்துக்கீச மொழி - போத்துக்கல் - 170+ மில்லியன்

8.  ரஷ்ய மொழி – ரஷ்யா - 170+ மில்லியன்

9.  ஜப்பானிய மொழி – ஜப்பான் - 128+ மில்லியன்

10.  ஜேர்மன் – ஜேர்மனி - 125+ மில்லியன்

11. பிறெஞ்சி - பிறான்ஸ் - 120+ மில்லியன்

12. வூ மொழி (சீனம்) - சீனா - 77+ மில்லியன்

13. ஜாவா மொழி - இந்தோனீசியா - 75+ மில்லியன்

14. கொரிய மொழி – தென்லொரிய், வட கொரியா - 75+ மில்லியன்

15. வியட்நாமிய மொழி – வியட்நாம் - 67+ மில்லியன்

16. தெலுங்கு மொழி இந்துயா - 66+ மில்லியன்

17. யூவே மொழி (சீனம்)- சீனா - 66+ மில்லியன்

18. மராட்டி மொழி – இந்தியா - 64+ மில்லியன்

19. தமிழ் மொழி – இந்தியா, இலங்கை, சிங்கப்பூர், மலேசியா - 63+ மில்லியன்

20. துருக்கி மொழி – துருக்கி - 59+ மில்லியன்


Page 4 of 8

முத்துமாரி அம்மன் ஆலயம்

ஞான வேலாயுதர் ஆலயம்

சித்தி விநாயகர் ஆலயம் - சாந்தை

சம்புநாதீஸ்வரர் ஆலயம்

காடேறி ஞானபைரவர் ஆலயம்