Wednesday, Jun 28th

Last update09:40:21 AM GMT

தலைப்புச் செய்திகள்:
You are here: உலகம் இந்தியா

திருவனந்தபுரம்: பத்மநாபசுவாமி கோயிலில் இருந்து கிலோ கணக்கில் தங்க நகைகள் கடத்தப்பட்டதா?

E-mail Print PDF

கேரள மாநில திருவனந்தபுரத்தில் உள்ள ஸ்ரீபத்மநாபசுவாமி கோயிலின் சொத்து மதிப்புகள் குறித்து விசாரணை செய்ய இந்திய உச்சநீதிமன்றம் நியமித்த முன்னாள் சொலிசிட்டர் ஜெனரல் கோபால் சுப்ரமனியம் தலைமையிலான குழு தனது விசாரணையை முடித்து அந்த 577 பக்க அறிக்கையை உச்ச நீதிமன்றத்தில் சமர்பித்துள்ளது.

திருவனந்தபுரம் ஸ்ரீபத்மநாபசுவாமி கோவிலில் உள்ள ரகசிய அறைகளில் பல லட்சம் கோடி மதிப்புள்ள தங்க நகைகள் உள்ளிட்ட பொக்கிஷங்கள் இருப்பது கடந்த 2011ம் ஆண்டு கண்டுபிடிக்கப்பட்டதை அடுத்து அந்த பொக்கிஷங்களை மதிப்பிடவும், அது தொடர்பிலான விசாரணையை மேற்கொள்ளவும் உச்ச நீதிமன்றம் முன்னாள் சொலிசிட்டர் ஜெனரல் கோபால் சுப்ரமணியம் தலைமையிலான ஒரு குழுவை நியமித்தது.

அந்த குழு அங்கு பயணித்து தங்கி விசாரணை செய்து பின் அது தொடர்பில் சமர்பித்த அறிக்கையில், கோயில் கணக்குகளை தணிக்கை செய்ய முன்னாள் கணக்கு தணிக்கை அதிகாரி வினோத் ராய் தலைமையிலான குழு நியமிக்கப்பட வேண்டும் என்றும் ஸ்ரீ பத்மநாப சுவாமி கோயில் அறக்கட்டளை மற்றும் அது சார்ந்த நிறுவனங்களின் கடந்த 25 ஆண்டு காலத்திற்கான கணக்குவழக்குக்கள் தொடர்பிலான தணிக்கை மேற்கொள்ளப்பட வேண்டும் என்றும் தெரிவிக்கப்பட்டுள்ளது.

மேலும் அந்த கோவில் நிர்வாகம் தொடர்பிலான வங்கி கணக்குகளையும் மற்ற எல்லா பதிவுகளையும் கோவிலின் தற்போதைய அறங்காவலர், மூலம் திருநாள் ராமவர்மா நீதிமன்றத்தில் சமர்பிக்க உச்ச நீதிமன்றம் உத்தரவு பிறபிக்கவேண்டும் என்றும் தெரிவிக்கப்பட்டுள்ளது.

பழங்கால தங்க நகைகளுக்கு பதில் முலாம் பூசிய போலியா?
ஸ்ரீ பத்மநாப சுவாமி கோயிலில் பல ஆயிரம் கோடி மதிப்புள்ள பொக்கிஷங்கள் இருப்பதாக கருதப்படும் ரகசிய ‘பி’ அறையை திறக்க மன்னர் குடும்பத்தினர் அனுமதி வழங்கவில்லை என்றாலும் அந்த ரகசிய ‘பி’ அறை இதற்கு முன்னர் பல முறை திறக்கப்பட்டதற்கு நேரில் கண்ட சாட்சியங்கள் இருப்பதாக அந்த அறிக்கையில் தெரிவிக்கப்பட்டுள்ளது. மேலும் அந்த அறையில் இருக்கும் கோவிலுக்கு சொந்தமான சொத்துக்களை தங்களுக்கு சொந்தமான சொத்துக்களாக கூறி மன்னர் குடும்பத்தினர் அவற்றை விற்பதாக சந்தேகம் எழுந்திருப்பதாகவும் அந்த அறிக்கையில் தெரிவிக்கப்பட்டுள்ளது.

இந்த சந்தேகத்தை உறுதிப்படுத்தும் வகையில், கோயிலுக்குள் தங்க முலாம் பூசும் கருவி கண்டுபிடிக்கப்பட்டுள்ளது. இதனால் ரகசிய அறையில் இருந்து தங்க நகைகளை கடத்தி அதற்கு பதிலாக போலி நகைகளை தங்க முலாம் பூசி அவற்றை இந்த ரகசிய அறையில் வைத்திருக்கலாம் என்கிற சந்தேகம் எழுந்துள்ளதாகவும் அந்த அறிக்கை கூறுகிறது.

கேரள மாநிலத்தில் திருவனந்தபுரம் ஒரு நகரமாக இருந்தாலும் அந்த சமூகத்தில் இன்னும் மன்னர் ஆட்சி நடப்பது போலவே தோன்றுவதாகவும் அந்த அறிக்கையில் குறிப்பிடப்பட்டுள்ளது.

அந்த கோயில் கணக்குகளை தணிக்கை செய்ய முன்னாள் கணக்கு தணிக்கை அதிகாரி வினோத் ராய் தலைமையிலான குழு நியமிக்கப்பட வேண்டும் என்று அந்த அறிக்கையில் கோரப்பட்டுள்ளது.

இந்த கோவிலில் நிர்வாக முறைகேடுகள் நடந்துவருவதாக வேதனை வெளியிட்டுள்ள அந்த அறிக்கை, கோவிலின் தினசரி செயற்பாடுகளில் நேரடியாகவோ அல்லது மறைமுகமாகவோ தற்போதைய கோவில் அறங்காவலரும் அவரது குடும்பத்தினரும் தலையிடுவதற்கு உச்சநீதிமன்றம் தடை விதிக்கவேண்டும் என்று கோரியுள்ளது.

பிந்திய செய்திள்

திருவனந்தபுரம்: பத்மநாபசுவாமி கோயிலில் இருந்து கிலோ  கணக்கில் தங்க நகைகளை மணலில் கலந்து  கடத்தப்பட்டதாகவும், தஞ்சாவூரை சேர்ந்த சில நகைக்கடை  உரிமையாளர்களுக்கும் இதில் தொடர்பு இருப்பதாகவும் உச்ச  நீதிமன்றத்தில் தாக்கல் செய்துள்ள அறிக்கையில் திடுக்கிடும்  தகவல் தெரிவிக்கப்பட்டுள்ளது.
திருவனந்தபுரம் பத்மநாபசுவாமி கோயிலில் உள்ள ÔஏÕ முதல்  Ôஎப்Õ வரையிலான 6 ரகசிய அறைகளில் பல லட்சம் கோடி  மதிப்புள்ள பொக்கிஷங்கள் இருப்பது கண்டுபிடிக்கப்பட்டது. இந்த  பொக்கிஷங்களை மதிப்பிட உச்ச நீதிமன்றம் ஒரு குழுவை  நியமித்தது.

இந்நிலையில், கோயில் சொத்து குறித்து முழு விவரங்களை  தெரிவிக்க, கோபால கிருஷ்ணன் என்பவரை உச்ச நீதிமன்றம்  நியமித்தது. அவர் கடந்த 2 மாதங்களாக கோயிலில் ஆய்வு  நடத்தி, சில தினங்களுக்கு முன் உச்ச நீதிமன்றத்தில் 550  பக்கங்கள் கொண்ட அறிக்கையை தாக்கல் செய்தார். அதில்,  மன்னர் குடும்பத்தினரும் கோயில் ஊழியர்களும் சேர்ந்து  கோயில் பொக்கிஷங்களை கடத்தி இருக்கலாம் என பரபரப்பு  குற்றச்சாட்டை கூறியுள்ளார். மேலும், கோயிலில் இருந்து  கிலோ கணக்கில் தங்க நகைகளை மணலில் கலந்து கடத்தி  சென்றுள்ளதாகவும், தஞ்சாவூரை சேர்ந்த சில நகைக்கடை  உரிமையாளர்களுக்கு இது கொடுக்கப்பட்டதாகவும் அறிக்கையில்  கூறப்பட்டுள்ளது மேலும் பரபரப்பை ஏற்படுத்தியுள்ளது.

அறிக்கையில் கூறப்பட்டுள்ள விவரம்: பத்மநாபசுவாமி கோயில்  நகைகளை பாலிஷ் செய்வதற்காக தஞ்சாவூரை சேர்ந்த சில  நகைக்கடைகளுடன் ஒப்பந்தம் செய்திருந்தனர். பல கட்டங்களாக  இவர்கள் கோயில் நகைகளை பாலிஷ் செய்யும் பணியில்  ஈடுபட்டனர். அப்போது கோயிலில் இருந்து கிலோ கணக்கில்  நகைகளை மணலில் கலந்து இவர்கள் கடத்திச் சென்றுள்ளனர்.  பின்னர், இவர்கள் தவறை உணர்ந்தும் பயந்தும் சிறிது  நகைகளை உண்டியலில் போட்டுள்ளனர். நகை பாலிஷ் போடும்  பணியில் ஈடுபட்டிருந்த ராஜு என்பவருக்கு மட்டும் 3 கிலோ  எடையுள்ள தங்க செயின் உள்பட 20 கிலோ தங்கம்  கிடைத்துள்ளது.

கோயிலில் இருந்து எத்தனை கிலோ தங்கம் கடத்தப்பட்டுள்ளது  என்பதை கண்டுபிடிக்க முடியவில்லை. இந்த பொக்கிஷம்  கடத்தலில் பல முக்கிய பிரமுகர்களுக்கும் தொடர்பு உள்ளது.  இது தவிர கோயில் உண்டியலில் ஏராளமான அளவில்  வெளிநாட்டு பணம் மற்றும் தங்க நகைகள் கிடைத்துள்ளன.  இவற்றையும் பலர் சுருட்டியுள்ள னர். ரகசிய அறையில் இருந்து  திருவாங்கூர் அரண்மனைக்கு ஒரு சுரங்கப்பாதை  கண்டுபிடிக்கப்பட்டது. இந்த சுரங்கப்பாதை வழியாகவும்  நகைகளை கடத்திச் சென்றிருக்கலாம். பொக்கிஷங்களை  மதிப்பிட உச்ச நீதிமன்றம் உத்தரவிட்ட பின்னரும் ஏராளமான  அளவில் நகைகள் கடத்தப்பட்டுள்ளன.

திருவிதாங்கூர் மன்னராக இருந்த மார்த்தாண்ட வர்மா, கோயில்  ஊழியர்கள் பலருக்கு நகைகளை கொடுத்துள்ளார். இது  தொடர்பாக ஒரு கோயில் ஊழியர் வாக்குமூலம் கொடுத்துள்ளார்.  இவருக்கும் கிலோ கணக்கில் தங்கம் கிடைத்துள்ளது. இவ்வாறு  அறிக்கையில் கூறப்பட்டுள்ளது.

கேரள அரசுதான் பொறுப்பு
கேரள எதிர்க்கட்சித் தலைவர் அச்சுதானந்தன்,  திருவனந்தபுரத்தில் நேற்று அளித்த பேட்டி:கோயிலில் இருந்து  நகைகள் கடத்தப்படுவது குறித்து எனக்கு இரண்டரை  வருடங்களுக்கு முன்பே ஏராளமான புகார்கள் வந்தன. இது  குறித்து அப்போதே கேரள அரசிடம் தெரிவித்தேன். ஆனால்,  மன்னர் குடும்பத்தினருக்கு பயந்து கேரள அரசு விசாரணை  நடத்த நடவடிக்கை எடுக்கவில்லை.

திருவிதாங்கூர் மன்னர் குடும்பத்தினர் தினமும் கோயிலுக்கு  வந்து விட்டு செல்லும்போது பிரசாதம் கொண்டு செல்லும்  பாயசம் வாளியில் நகைகள் கடத்திச் செல்வதாக நான்  அப்போதே கூறினேன். அப்போது என்னை கேலி செய்தனர்.  இப்போது அது உண்மை என தெரிந்துவிட்டது. இந்த கடத்தலுக்கு  மன்னர் குடும்பத்தினரும், கேரள அரசும்தான் பொறுப்பேற்க  வேண்டும். இவ்வாறு அச்சுதானந்தன் கூறினார்.

இரகசியறைகளில் எடுக்கப்பெற்ற பொக்கிசங்கள் - பார்வையிட இங்கே அழுத்துக

 


இந்திய அரசியல் அமைப்பும் தேர்தலும் - அறிந்து கொள்வோம்

E-mail Print PDF

No automatic alt text available.

இந்தியக் குடியரசு (India) என்றழைக்கப்பெறும் பாரத தேசம்; சுமார் 70 வருடங்களிற்கு முன்னர் இந்தியப் துணை கண்டத்தை ஆட்சி செய்த ஆங்கிலேயர் காலத்தில் பாகிஸ்தான், பங்களாதேஸ் ஆகிய நாடுகள் சேர்ந்த ஒரு பெருநிலப்பரப்பாக இருந்துள்ளது.

இந்திய பெருநிலப்பரப்பானது பதினேழாம் நூற்றாண்டில் ஐரோப்பியர்களால் கைப்பற்றப்பட்டு, ஆங்கிலேயர் காலத்தில் 1947, ஓகத்து 15 அன்று (சுதந்திரம்) விடுதலை பெற்றது. அதனைத் தொடர்ந்து 1950, சனவரி 26 அன்று குடியசு நாடாக பிரகடனப் படுத்தப் பெற்று உலகின் மிகப்பெரிய குடியரசு நாடாகத் திகழ்கிறது

ஆங்கிலேய ஏகாதிபத்தியத்திற்கு எதிராக மோகன் தாஸ் கரம்சந்த் காந்தி தலைமையேற்று நடத்திய வன்முறையற்ற அகிம்சைப் போராட்டம் 1947-இல் கிடைத்த இந்திய விடுதலைக்கு வித்திட்டது.

அப்போது, இந்திய துணைக் கண்டமானது மதச்சார்பற்ற இந்தியாவாகவும் இஸ்லாமிய நாடான பாகிஸ்தானாகவும் பிரிந்தது. தொடர்ச்சியற்ற நிலப் பகுதிகளாக இருந்த மேற்கு மற்றும் கிழக்கு பாகிஸ்தானிடையே 1971-இல் மூண்ட உள்நாட்டுப் போரின்போது இந்தியத் தலையீட்டின் பேரில் கிழக்கு பாகிஸ்தான் வங்காள தேசம் என்ற தன்னாட்சி பெற்ற நாடாகப் பிரிந்தது.

இந்தியாவின் தெற்கே இந்தியப் பெருங்கடலும், (இந்துசமுத்திரம்) மேற்கே அரபிக் கடலும், கிழக்கே வங்காள விரிகுடாவும்  எல்லைகளாக அமைந்துள்ளது. அத்துடன் இதன் எல்லை நாடுகளாக மேற்கே பாக்கித்தான், வடக்கே பூட்டான், மக்கள் சீனக் குடியரசு, நேபாளம், கிழக்கே வங்காளதேசம், மியான்மர் ஆகியனவும் அமைந்துள்ளன. இலங்கை, மாலத்தீவு இலட்சத்தீவு ஆகிய நாடுகள் இந்தியப் பெருநிலத்திற்கு அண்மையில் இந்து சமுத்திரத்தில் அமைந்துள்ள தீவுகளாகும்.

உலகநாடுகளின் பரப்பளவில் ஏழாவது பெரிய நாடாகவும், 7,517 கிமீ (4,700 மைல்) நீளம் வரை கடலை எல்லையாக கொண்ட நாடாகவும் நூற்றி இருபது கோடி மக்கள் தொகையையும் கொண்ட நாடாகவும் இந்தியா விளங்குகின்றது

மூன்றாம் நூற்றாண்டில் தொடங்கிய குப்தர்களின் ஆட்சிக்காலமானது பண்டைய இந்தியாவின் பொற்காலம் என்று அழைக்கப்படுகிறது. சேர, சோழ, பாண்டிய, பல்லவ, சாளுக்கிய, கடம்பப் பேரரசுகள் தென்னிந்தியாவை பல்வேறு காலகட்டங்களில் ஆண்டன.

அராபியர் வருகை எட்டாம் நூற்றாண்டில் தொடங்கியது. துருக்கியர் 12ஆம் நூற்றாண்டில் வரத்தொடங்கினர். இவர்களை தொடர்ந்து ஐரோப்பிய வர்த்தகர்கள் 15ஆம் நூற்றாண்டின் இறுதியில் வரத்தொடங்கினர்.

முகலாயப் பேரரசை அடிபணிய வைத்ததன் மூலம், 19ஆம் நூற்றாண்டில், கிட்டத்தட்ட முழு இந்தியாவினதும் அரசியல் கட்டுப்பாடு ஆங்கிலேயப் பேரரசிடம் போய்ச் சேர்ந்தது.

Read more...

தில்லைஅம்பல நடராசரும் சிதம்பர ரகசியமும் - ஆலயத்தை தரிசிக்க வீடியோ இணைப்பு

E-mail Print PDF

ஓம் நமசிவாய

தோற்றம் துடியதனில் தோயும் திதிஅமைப்பில்
சாற்றியிடும் அங்கியிலே சங்காரம் – ஊற்றமா
ஊன்று மலர்ப்பதத்தில் உற்ற திரோதம்முத்தி
நான்ற மலப்பதத்தே நாடு.

பஞ்ச பூதங்களினாலான இவ் பிரபஞ்சத்தில் இறைவன் பஞ்ச தலங்களின் வீற்றிருந்து படைத்தல், காத்தல் அழித்தல், மறைத்தல், அருளல் என்னும் ஐந்தொழில்களைப் புரிகின்றான் என சைவசமயம் கூறுகின்றது.

பூதம் என்றால் சக்தி அல்லது பொருள் என்பதாகும் பஞ்ச பூதங்கள் என்றால், ஐந்து மூலசக்திகள் அல்லது ஐந்து அடிப்படை மூலாதாரங்களை (நிலம், நீர், காற்று, நெருப்பு, ஆகாயம்) குறிப்பதாகும். இவற்றில் ஒன்று குறைந்தாலும் உயிரினங்கள் வாழ முடியாது. ஆகவே அவற்றை இறைவனருளிக்கு இணையாக மதித்து நம் முன்னோர்கள் பஞ்ச பூததலங்களை அமைத்து வழிபட்டு வந்துள்ளனர்.

இறைவன் காஞ்சிபுரத்தில்  - நிலமாகவும், திருவானைக்காவில் - நீராகவும், திருவண்ணாமலையில் - நெருப்பாகவும், திருக்காளஹஸ்தியில் - வாயுவாகவும், சிதம்பரத்தில் - ஆகாயமாகவும் தோற்றமளிக்கின்றார்.

ஆகாயத் தலமாக வழிபடும் சிதம்பரம் நடராஜர் ஆலயத்தில் இடையறாது ஆனந்தத்தாண்டவம் புரியும் நடராஜமூர்த்தம் மூல மூர்த்தியாகவும், உற்சவ மூர்த்தியாகவும் விளங்குகின்றது. இத் தோற்றமானது இறைவன் இயற்றும் பஞ்சகிருத்தியங்களைச் சுட்டி நிற்கின்றது. நடராசப் பெருமானின் வலது திருக்கையிலுள்ள "உடுக்கை" சிவனின் படைத்தல் தொழிலையும்; தூக்கிக் காட்டப்பட்ட "அபய கரம்", அஞ்சேல் என்ற அபயம் காட்டி காத்தல் தொழிலையும்; இடது கரத்திலே ஒளிரும் "அக்கினி" அழித்தல் தொழிலையும்; முயலகனை மிதித்து "ஊன்றிய திருவடி" மறைத்தல் தொழிலையும்  "தூக்கிய இடது திருவடி" அருளலையும் குறிக்கின்றது.

Read more...

தஞ்சை பெரிய கோவில் அமைப்பும் அதன் பிரமாணங்களும்

E-mail Print PDF

தஞ்சாவூர் பெருவுடையார் கோயிலுக்குச் சிறப்பு அம்சங்கள் பல உண்டு. இரண்டு அல்லது மூன்று தளங்களை மட்டுமே கொண்டு கோயில்கள் கட்டப்பட்டு வந்த காலத்தில், கற்களே கிடைக்காத காவிரி சமவெளிப் பகுதியில், 15 தளங்கள் கொண்ட சுமார் 60 மீட்டர் உயரமான ஒரு கற்கோயிலை ராஜராஜன் எழுப்பியது என்பது மாபெரும் சாதனையே. அது மட்டுமன்றி, கல்வெட்டுகள், சிற்பங்கள், ஓவியங்கள், வழிபாட்டுக்கான செப்புத் திருமேனிகள் என்று பல புதிய அம்சங்களையும் இத் திருக்கோயிலில் புகுத்தி கோயில் கட்டும் கலையில் ஒரு புரட்சியை ஏற்படுத்தியவன் ராஜராஜன்.

Read more...

இந்தியாவின் கதை! - 60,000 வருட பழமையான மனிதன் தமிழகத்தில்

E-mail Print PDF

60,000 வருட பழமையான மனிதன் தமிழகத்தில் !

இந்தியா என்னும் துணைக் கண்டத்தின் முதல் குடிமகன் என்ற பெருமையை தமிழ் நாட்டை சேர்ந்த திரு.விருமாண்டி என்னும் தமிழருக்கு கிடைத்திருக்கின்றது. மதுரை காமராஜர் பல்கலைகழகத்தில் பணிபுரியும் பேராசிரியர். திரு. ராமஸ்வாமி பிச்சப்பன் மற்றும் சில இந்திய விஞ்ஞானிகள் மேற்கொண்ட ஆய்வில் இந்த தகவலை வெளியிட்டுள்ளார். மதுரையில் இருந்து சுமார் ஐம்பது கிலோமீட்டர் தொலைவில் உள்ள "ஜோதிமாணிக்கம்" என்ற சிறிய குக்கிராமத்தில் வாழ்ந்து வரும் இவருடைய மரபணு தான் 60,000 ஆண்டுகளுக்கு முன் முதன் முதலில் ஆப்ரிகாவிலிருந்து இந்தியாவிற்கு குடிபெயர்ந்த பூர்வகுடி மரபணுவை ஒத்திருக்கின்றது என கண்டுபிடித்திருக்கின்றனர்.

"M130" எனப்படும் இந்த வகை மரபணுவானது சுமார் 60,000இல் இருந்து 70,000 ஆண்டுகள் பழமையானது!. இதே ரக மரபணு கொண்ட மலை வாழ் மக்கள் இன்றும் ஆஸ்திரேலிய காடுகளில் வாழ்ந்து வருகின்றனர்!. இப்போதைக்கு இந்தியாவில் இவருடைய மரபணு மட்டுமே பழமையானது.

"THE STORY OF INDIA" என்ற தலைப்பில் "Michael Wood " என்ற இந்தியாவை ஆராயும் பிரபல பிரிட்டிஷ் வரலாற்றாய்வாளர் BBC தொலைக்காட்சியில் இந்த தகவலை வெளியிட்டுள்ளார். உலகிற்கே தெரிந்த இந்த தமிழனைப்பற்றிய செய்தி, எத்தனை தமிழர்களுக்கு தெரிந்திருக்கும் என்பது கேள்விக்குறியானது? !

ஆபிரிக்காவில் இருந்து வந்தவர்களே இந்தியாவின் முதல் குடி மக்களென்றும், அவ்வாறே, ஆபிரிக்கா இந்தியா என்று உருவாக்கம்  பெற்ற மனித சமூகம் அகில உலகிற்கும், அங்கிருந்த பரவி தமது வாழ்வாரத்தை நிலை நிறுத்தி கொண்டதாக இந்த ஆய்வில் தெரிவிக்கப்பெறுகிறது.

ஆபிரிக்கா தவிர்ந்து பார்க்கையில், எம்மைப்போன்ற அநேகருக்கு இந்தியாவே தாய் நாடு என்று புருவங்கள் உயர்த்தி பார்க்க வைக்கிறது.  24 பக்கங்களாக பிரிக்கப்பெற்ற இந்த Video தொடர் முழுப்பங்களையும் youtube இல் கண்டு கொள்ளலாம்.  முதலாவது பகுதிக்குரிய தொடர்பு இணைப்பு:

http://www.youtube.com/watch?v=CFz1HUt-cSU


ணிப்புலம்.கொம் இணையத்தளம் தொடங்கப்பட்டதன் முக்கிய நோக்கங்களில் ஒன்றும், இது சம்மந்தப்பட்டதுவே.  வெறுமனே இன்றைய தேதியில் இருக்ககூடிய சூடான விடயங்களை முரண்பாடுகளோடு விவாதித்ததோடு விட்டுவிடாது, எமது அடுத்த சந்ததியினருக்கு வேண்டிய தகவல்களையும் சேகரித்து அவர்களுக்கு எம்மாலான தடயங்களைவிட்டு வைத்து செல்வதும் எமது கடமையாகிறது.

எங்கள் பணிப்புல சமூகத்தின் வரலாற்றினையும், வழித்தோன்றல்களையும் அலசி ஆராய்ந்து ஆவணப்படுத்துவது எம் எதிர் கால சந்ததியினருக்கு நாம் விட்டு செல்லக்கூடிய ஒரு ஒப்பற்ற விடயமாக கொள்கிறோம்.  இதன் பொருட்டு, தகவல் சேகரிக்கும் பணி 2002 ஆம் ஆண்டில் இருந்தே தொடங்கப்பெற்று விட்டது.  ஏற்பட்ட யுத்த அனர்த்தங்களால் பெரிதளவில் முன்னேற்றம் ஏற்படவில்லையென்றாயினும், இப்பணி தொடர்ந்த வண்ணமே இருக்கிறது.  ஊரில் எஞ்சி இருக்கும் எம் மூதாதையர் மூலமாக கண்டறியக்  கூடியவற்றை கண்டறிந்து, அவற்றை ஆவணப்படுத்தி, எமது அடுத்த தலைமுறையினர்க்கு விட்டு செல்லலாம்.  அவர்கள், மேலே குறிப்பிட்டது போன்ற மரபு அணு பரிசோதனைகள் மூலம், உறவுகளாக நாம் எல்லோரும் எவ்வாறு பின்னிப் பிணைந்திருக்கின்றோம் என்பதனை எடுத்துக்கூறும் அடுத்த கட்டத்திற்கு இதனை நகர்த்தி செல்வார்கள் என்பதில் ஐயமில்லை.  இம் முயற்சிக்கு அனைவரும் தாமாகவே தகவல் சேகரித்து அனுப்பி வைத்தால், அவற்றை பத்திரமாக ஆவணப்படுத்தி, மக்களின் மேலதிக ஆராய்விற்கு வழி ஏற்படுத்திக் கொடுக்க முடியும்.  இதற்கு எதுவாக, வெகு விரைவில், மரபியல்/பரம்பரை விடயங்களை பதிவு செய்யும் வசதி வாய்ப்பினை  எம் இணையமூலம் ஏற்படுத்தி தரும் முயற்சிகளில் இறங்கி உள்ளோம்.  இது ஒரு குடும்பத்திற்கான Family Tree மட்டும் அல்ல. சிறு துளி வெள்ளமாக,  எமது ஊர்கள் என்று நாம் கூறும் எம் அனைத்து பிரதேசங்களையும் ஒன்றிணைத்து வரும் குடும்பத்தின் கடமைப்பு.  இதில் மக்களின் தகவல் பதிவிற்கும் மக்களின் தகவல் தரிவிற்பிக்கும் ஏற்ப வசதிகள் ஏற்படுத்தித்தரப்பெறும்.

குறிப்பாக ஒரு உதாரணமாக சொல்லவேண்டும் என்றால், எமது எதிர் கால சந்ததி தனது உறவுகளை தேடி அலைய வேண்டியதில்லை.  இப்படி ஆவணப்படுத்தப்பெற்ற கட்டமைப்பை அலசுவதன் மூலமே அவர்கள் தம் சுவடுகளை அறிந்து கொள்வார்கள்.

திருவனந்தபுரம் பத்மநாபசாமி கோவில் - நிலவறையில் எடுக்கப்பெற்ற ஆபரங்கள் - (படங்கள், வீடியோ இணைப்பு)

E-mail Print PDF

திருவனந்தபுரம்: பத்மநாபசாமி கோவில் ரகசிய அறைகளில் உள்ள நகைகளின் மதிப்பு ரூ. 1 லட்சம் கோடிக்கு மேல் என மதிப்பிடப்பட்டுள்ளன. இவற்றில் 10 கிலோ எடையுடன் 18 அடி நீள தங்க மாலை ஒன்றும் கண்டெடுக்கப்பட்டுள்ளது.
கேரள மாநில தலைநகர் திருவனந்தபுரத்தில் பிரசித்தி பெற்றது பத்மநாபசாமி கோவில். இது ஒரு வைணவத் திருத்தலம்.

திருவாங்கூர் மன்னர் பரம்பரைக்குச் சொந்தமான அறக்கட்டளையின் கட்டுப்பாட்டில் இந்த கோவில் இருந்து வருகிறது. இந்த கோவில் கருவறைக்கு அருகே 6 ரகசிய பாதாள அறைகள் நீண்ட காலமாக பூட்டப்பட்டு இருந்தன.

அந்த பாதாள அறைகளை திறந்து, உள்ளே இருக்கும் நகைகள் மற்றும் விலை உயர்ந்த பொக்கிஷங்கள் விவரம் குறித்து அறிக்கை தாக்கல் செய்யும்படி, உச்சநீதி மன்றம் சமீபத்தில் உத்தரவு பிறப்பித்தது.

இதற்காக ஓய்வு பெற்ற கேரள உயர்நீதிமன்ற நீதிபதிகள் இருவர் உள்பட 7 பேர் கொண்ட குழு நியமிக்கப்பட்டு உள்ளது. இந்த குழுவினர், 6 ரகசிய அறைகளுக்கும் ஏ,பி,சி,டி,இ,எப் என பெயரிட்டு ஒவ்வொன்றாக திறந்து நகைகளின் விவரங்கள் குறித்து கணக்கெடுத்து வருகிறார்கள்.

இந்த அறைகளில் மூட்டைகளில் வைக்கப்பட்டிருந்த, தங்க மணிகள், தங்கத்திலான சாமி சிலைகள், தங்க கயிறு, தங்க கிரீடங்கள், தங்க மாலைகள் இருப்பது கண்டு பிடிக்கப்பட்டன.

கேரள பட்ஜெட்டை விட அதிகம்
அவற்றில் விலைமதிக்க முடியாத அபூர்வமான வைரம், வைடூரியம் உள்பட நவரத்தின கற்கள் பதிக்கப்பட்டுள்ளன. அனைத்து அறைகளில் உள்ள தங்கம், வைரம், வைடூரியம், ரத்தினம் ஆகியவற்றின் மதிப்பு ரூ.1 கோடிக்கு மேல் இருக்கும் என்று கணக்கிடப்பட்டு உள்ளது.
கேரள மாநில ஆண்டு பட்ஜெட்டின் வருவாய் அளவே ரூ.35 ஆயிரம் கோடிதான். இந்த நிலையில் பத்மநாபசாமி கோவிலில் உள்ள நகைகளின் மதிப்பு ரூ. 1 லட்சம் கோடியை தாண்டி இருப்பது அனைவரையும் பிரமிக்க வைத்துள்ளது.

அதிலும் குறிப்பாக ஏ அறையில் இருந்த சுமார் 10 கிலோ எடைகொண்ட 18 அடி நீளமுள்ள தங்கச் சங்கிலி இருந்தது கண்டுபிடிக்கப்பட்டது. அது பத்மநாபசுவாமிக்கு அணிவிக்க மன்னரால் வழங்கப்பட்டது என தெரிகிறது.

ஒரு பாதாள அறையின் உள்பகுதியில் 150 ஆண்டுகளுக்கு மேல் திறக்கப்படாத மற்றொரு சிறிய ரகசிய அறை திறக்கப்பட்டது. அந்த அறையில் விஷ வாயு மற்றும் விஷப் பூச்சிகள் இருக்கலாம் என்று சந்தேகம் ஏற்பட்டதால், முதலில் ஆக்சிஜன் வாயு செலுத்தப்பட்டது.
1200 தங்கச் சங்கிலிகள்

அதன்பின்னர் மதிப்பீட்டு குழுவினர், தீயணைப்பு படை வீரர்கள் உதவியுடன் முகக்கவசம் அணிந்து உள்ளே சென்றனர். அங்கும் குவியல் குவியலாக நகைகள்தான் இருந்தன. 1200-க்கு மேற்பட்ட ‘சரப்பொலி’ என்று அழைக்கப்படும் தங்கச் சங்கிலிகள் ஒரு அறையில் இருந்தன. அவற்றில் ‘அவல்’ என்று அழைக்கப்படும் ரத்தினக் கற்கள் பதிக்கப்பட்டு இருந்தன.

அவை திருவாங்கூர் மன்னர்கள், ராணிகள் அணிந்த நகைகளாக இருக்கலாம் என்று கருதப்படுகிறது. 3 மணி மகுடங்கள், தங்கத் தாம்பாளங்களில் தங்க நாணயங்களும் இருந்தன. ‘சொர்ண தண்டு’ என்று அழைக்கப்படும் தங்க செங்கோல், நெக்லஸ் மற்றும் ஏராளமான பதக்கங்களும் குவிந்து இருந்தன.

ஜொலிக்கும் வைரங்கள்
பத்மநாபசுவாமி கோவிலில் உள்ள ரகசிய அறைகளில் அதிக அளவிலான தங்கக் குடங்கள் உள்ளன. அவற்றிற்குள் தங்க க்காசுகள் குவிந்திருந்தன. அவை அனைத்தும் புதிதாக செய்யப்பட்டது போல பொலிவுடன் காணப்பட்டன.

அதேபோல பெரிய ரத்தின கற்கள் பதித்த அரியாசனம், மன்னர்கள் அணியும் கிரீடங்கள், நவரத்தின கற்கள் பதித்த தங்க கிரீடங்கள், பத்மநாபசாமி சிலை என ஒவ்வொன்றும் ஒவ்வொரு கலை வண்ணத்தில் பளிச்சிட்டன.
நெப்போலியன் கால நாணயங்கள்

இவற்றில் பிரஞ்சுப் பேரரசன் நெப்போலியன் காலத்து நாணயங்கள் ஏராளமாக இருந்தன. அதே போல வெனிஸ் நாணயங்கள் மட்டும் 70 கிலோவுக்கும் அதிகமாக இருந்தன.

 

வீடியோவில் பார்வையிட இங்கே அழுத்துங்கள்

  • «
  •  Start 
  •  Prev 
  •  1 
  •  2 
  •  Next 
  •  End 
  • »

Page 1 of 2

முத்துமாரி அம்மன் ஆலயம்

ஞான வேலாயுதர் ஆலயம்

சித்தி விநாயகர் ஆலயம் - சாந்தை

சம்புநாதீஸ்வரர் ஆலயம்

காடேறி ஞானபைரவர் ஆலயம்