Tuesday, Jan 16th

Last update11:57:46 PM GMT

You are here: சமூக நோக்கு மரண அறிவித்தல் / அஞ்சலிகள்

மர்மமான முறையில் மரணமான - சாந்தை செல்வராஜா அனுஷா - சந்தேகத்தின் பேரில் ஒருவர் கைது

E-mail Print PDF

21.04.2011

வல்லுறவின் பின்னர் கொலை செய்யப்பட்ட யாழ். ஆசிரியையின் மரணத்துடன் தொடர்புடையவர் என்ற சந்தேகத்தின் பேரில் ஒருவரை இளவாலைப் பொலிஸார் நேற்று கைது செய்துள்ளனர்.அதே இடத்தைச் சேர்ந்த ராஜசெல்வன் என்பவரே கைது செய்யப்பட்டவராவார்.

சில்லாலை, சாந்தைப் பகுதியைச் சேர்ந்த இளம் ஆசிரியை பாலியல் பலாத்காரத்தின் பின்னர் மூச்சுத் திணறலால் மரணமடைந்தார் என்று யாழ். போதனா வைத்தியசாலையின் பிரேத பரிசோதனை அறிக்கை தெரிவித்திருந்தது.

யாழ். இந்துக் கல்லூரியின் உடற் கல்வி ஆசிரியையான செல்வராஜா அனுஷா (வயது 27) என்ற இந்த யுவதி கடந்த 8 ஆம் திகதி பாடசாலையிலிருந்து வீடு திரும்பிய பின்னர் வீட்டில் எவரும் இல்லாத வேளை சாறியினால் கழுத்தில் சுருக்கிட்ட நிலையில் சடலமாக மீட்கப்பட்டார்.

கால்கள் இரண்டும் மடங்கி வளைந்த நிலையில் நிலத்தில் பட்டும் படா மலும் சடலம் காணப்பட்டது. அத்துடன் கழுத்தில் போடப்பட்டிருந்த சுருக்கு இறுக்கமாக இல்லாமல் இளகிய நிலையில் காணப்பட்டது. இதனால் இவர் கொலை செய்யப்பட்டிருக்கலாம் என்ற சந்தேகம் ஏற்பட்டிருந்தது.இவ்வாறானதொரு நிலையிலேயே பிரேத பரிசோதனை அறிக்கையிலும் கொலை செய்யப்பட்டமைக்கான சான்றுகள் இருப்பதாகக் குறிப்பிடப்பட்டிருந்தது.

இந்த நிலையில் இளவாலை பொலிஸார் குறித்த ஆசிரியையின் காதலன் எனச் சந்தேகிக்கப்படும் ஒருவரை நேற்றுக் கைது செய்தனர். இவர் நேற்று யாழ். போதனா வைத்தியசாலையில் மருத்துவ பரிசோதனைக்கு உட்படுத்தப்பட்டார்.

------------------------------------------------------------------------------------------

சில்லாலை-சாந்தைப் பகுதியைச் சேர்ந்த இளம் ஆசிரியை "செல்வராஜா அனுஷா" பாலியல் பலாத்காரத்தின் பின்னரே மூச்சுத்திணறலால் மரணமடைந்துள்ளார் என்று யாழ்.போதனா வைத்தியசாலையின் பிரேத பரிசோதனை அறிக்கையில் குறிப்பிடப்பட்டுள்ளது.

யாழ். இந்துக் கல்லூரியின் உடற்கல்வி ஆசிரியையான செல்வராஜா அனுஷா (வயது27) என்ற இந்த யுவதி கடந்த 8 ஆம் திகதி பாடசாலையில் இருந்து வீடு திரும்பிய பின்னர் வீட்டில் எவரும் இல்லாத நிலையில் சாறியினால் கழுத்தில் சுருக்கிட்ட நிலையில் மீட்கப்பட்டார்

கால்கள் இரண்டும் மடங்கி வளைந்த நிலையில் நிலத்தில் பட்டும் படாமலும் சடலம் காணப்பட்டது. அத்துடன் கழுத்தில் போடப்பட்ட சுருக்கு இறுக்கமாக அன்றி, இளகிய (தொய்ந்த) நிலையில் காணப்பட்டது.இதனால் இவர் கொலை செய்யப்பட்ட பின்னர் தூக்கில் போடப்பட்டிருக்கலாம் என்ற சந்தேகம் உறவினர்களால் எழுப்பப்பட்டிருந்தது.

இந்த நிலையில் சடலத்தின் பிரேதபரிசோதனை அறிக்கையில் சட்டவைத்திய அதிகாரி இச்சந்தேகத்தை உறுதிப்படுத்தியுள்ளார். கொலை செய்யப்பட்டுள்ளமைக்கான, இம்சைக்குள்ளான அடையாளங்கள் சான்றுகள் உடலில் அதிகம் காணப்படுகின்றன என மரண விசாரணை குறிப்பிடுகிறது.

உடம்பின் பல்வேறு இடங்களிலும் நகக்கீறல் காயங்களும் காணப்படும் அதே சமயம் குறித்த ஆசிரியை பாலியல் பலாக்காரத்துக்கு உட்படுத்தப்பட்டுள்ளார் என்பதற்கான அறிகுறிகளும் தென்படுகின்றன என்றும் அதில் தெரிவிக்கப்பட்டுள்ளது.

யுவதிக்கு மூச்சுத்திணறல் மூலமே மரணம் ஏற்பட்டிருக்கவேண்டும் என்று வைத்திய அறிக்கையில் உறுதிப்படுத்தப்பட்டுள்ள போதும், அது எத்தகைய நிலைமையில் நிகழ்ந்தது என்பது குறித்து அதில் விவரிக்கப்படவில்லை.

 

மரண அறிவித்தல் செல்வராஜா அனுஷா

யாழ் இந்துக் கல்லூரி ஆசிரியை மரணம் தொடர்பான செய்தி
கராட்டி பயின்ற அனுசாவின் சாவிற்கு காரணம் காதலன் கஜனாவா?? பெற்றோர் தந்த விசேட பேட்டிகள் மற்றும் சட்ட வைத்திய அதிகாரியின் பாலியல் கொலை என்ற முடிவுக்கு காரணமான ஆதாரங்கள் ஆகியவை இங்கு இணைக்கப்பட்டுள்ளன.
அனுசாவின் காதலர் எவ்வாறு அனுசாவிற்கு அறிமுகமானார்
எனது மகள் வவுனியாவில் ஆசிரியப் பயிற்சி மேற்கொள்ளும் போது அவளது சினேகிதியான வடமராட்சி சக்கோட்டைப் பகுதியைச் சேர்ந்த ஒரு மாணவியுடன் ஒரு நிகழ்விற்காக சக்கோட்டைக்குச் சென்றுள்ளார்.. அங்கு வைத்து தான் முதன் முதலாக கஜன் என அழைக்கப்படும் மரியதாஸ் இராஜசெல்வனை சந்தித்துள்ளார்.
தொலைபேசி நம்பர் வாங்கிய கஜன் பின்னர் தனது மகளுடன் அடிக்கடி தொடர்பு கொண்டார்.

காதல் அரும்பியது எப்படி
தொலைபேசியில் தொடந்து கதைத்த கஜன் பின்னர் எனது மகளை காதலிப்பதாக தொலைபேசி மூலம் கூறியுள்ளார்.
கஜனுக்கு எனது மகளை விட 3 வயது குறை. இதனால் மகள் கஜன் தான்  காதலிப்பதாக  கூறியதை முதலில் ஏற்கவில்லை. இருந்தும் கஜன் எமது வீட்டுக்கு அவனது நண்பர்களுடன் வந்து சென்றவண்ணம் இருந்தார்.

அதன் பின்னர் கஜன் தான் கடலில் குதித்து தற்கொலை செய்யப் போவதாக மிரட்டிய வேளை காதலிப்பதாக எனது மகள் ஒத்துக் கொண்டுள்ளார்.
இதனை கஜனது வீட்டுக்குச் சென்று அவரது தமையன் மற்றும் ஏனைய உறவினர்களுக்கு கூறி எனது மகள் உறுதி செய்தார். அவர்களும் அவனை திருமனம் செய்து தருவதாக வாக்களித்திருந்தனர்.

பின்னர் கஜன் எமது வீட்டில் இரவில் வந்து தங்கிச் சென்ற வண்ணம் இருந்தார்.

வாலிப வேகத்தில் இருந்த கஜன் தனது சொந்த ஊரிலும் காதல்கள் செய்த வண்ணம் இருந்துள்ளார். சினிமா சீரியல்களில் வரும் கதாபாத்திரங்கள் போல கஜனது நடவடிக்கைகள் காணப்பட்டன. அவரது முறைப் பெண்ணையும் இன்னொரு பெண்ணையும் அனுசாவுன்  சேர்த்து காதலித்து உறவாடியுள்ளார் கஜன். இதே நேரம் கஜனுடைய அண்ணன் மனைவியான ஜென்சி கஜனை தனது கட்டுப்பாட்டுக்குள் வைத்திருந்ததாகவும் அனுசாவின் தாயினால் தெரிவிக்கப்பட்டது.
இவற்றால் அனுசாவுடனான தொடர்பை கடந்த வருட இறுதியில் முறித்துள்ளார் கஜன்.  இதனால் விரக்தி அடைந்த அனுசா பல தடவைகள் போனிலும் நேரிலும் பேச முற்பட்டு தோல்வியடைந்துள்ளர். இதன் பின்னர் கஜனின் அண்ணி பலமுறை அனுசாவைத் தொடர்பு கொண்டு  கஜன் ஒரு மன்மதன். அவனைக் காதலிக்கப் பலபேர் போட்டியிட்டுக் கொண்டு இருக்கிறார்கள்.அவனை மறந்துவிடு எனத் தெரிவித்து வெறுப்பேற்றியபடி இருந்துள்ளார்.

இதனிடையே கஜன் பொலிஸ் சேவையில் சேருவதற்கு விண்ணப்பித்திருந்ததாகவும் அதற்கான நேர்முகப் பரீட்சைக்கு வரும்படி அழைப்பிதழ் வந்திருப்பதாகவும் ஆனால் தான் வெளிநாடு செல்லப் போகின்றேன் என கஜன் அனுசாவிற்கு தெரிவித்துள்ளார். அத்துடன் என்னை மறந்து விடு எனக்கு உன்னை விட வயது குறைவு. நீ வேறு திருமணம் செய் எனவும் தெரிவித்ததாக அனுசாவின் தாய் கூறியுள்ளார்.

இதனை அடுத்து அனுசா கஜனது அண்ணணுடன் தொலைபேசியில் கதைத்தபோது அவன் சொல்வதை நம்ப வேண்டாம். உனக்குத் தான் அவனை செய்து வைப்புது என அனுசாவிடம் நம்பிக்கையாகத் தெரிவித்ததாக கூறினார்.

கராத்தே, மற்றும் சிலம்பு போன்ற தற்காப்பு கலைகள் முறைப்படி பயின்றவள் எனது மகள். வீரசிங்கம் மண்டபத்தில் நடந்த கராத்தே போட்டியில் முதலிடம் பெற்றவள். அவளது விருப்பம் இன்றி எவரும் அவளை அனுக முடியாது என்றார்.


31ம் நாள் நினைவஞ்சலியும் ஆத்மசாந்திப் பிரார்த்தனையும் - அமரர். திருமதி. இ. பொன்னம்மா

E-mail Print PDF

கடந்த 18.02.2011 வெள்ளிக்கிழமை சிவபதமடைந்த எமது இதய தீபத்தின்

அந்தியேட்டிக் கிரியைகள் 20.03.2011 அன்று செருக்கப் புலம், பணிப்புலத்தில் அமைந்துள்ள

அன்னாரது இல்லத்தில் நடைபெற்றது. அன்றைய தினம் நடைபெற்ற ஆத்மசாந்திப் பிரார்தனையிலும்,

மதியபோசன அன்னதானத்திலும் கலந்து சிறப்பித்துக் கொண்ட அன்பு உள்ளங்களுக்கும்

எமது இதயங் கனிந்த நன்றிகளை தெரிவித்துக் கொள்கின்றோம்

தகவல்: குடும்பத்தினர்

இன் நிகழ்வின் போது எடுக்கப்பெற்ற நிழல் படங்கள் பதியப்பெற்றுள்ளன

 

 

-----------------------------------------------------------------------------------------------------------------------------------------------------------------------


 

 


பணிப்புலத்தை பிறப்பிடமாகவும், வதிவிடமாகவும் கொண்ட திருமதி. பொன்னம்மா இராசேந்திரம் அவர்கள் இன்று 18.02.2011 பணிப்புலத்தில் இறைபதம் எய்தினார்.

அன்னார்; அமரர்களான வல்லிபுரம்-சோதிப்பிள்ளை தம்பதியினரின் அன்பு மகளும்;

அமரர். இராசேந்திரம் சிவஞ்ஞானம் அவர்களின் அன்பு மனைவியும்;

அமரர்களான சிவஞ்ஞானம் சிவக்கொழுந்து தம்பதியினரின் அன்பு மருமகளும்;

சிவசுப்பிரமணியம்-கனடா, பரமானந்தம்-அமரர், யோகநாதன்-இலங்கை, தில்லைநாயகி-இலங்கை, சிவரதி-இலங்கை,
மனோகரன்-லண்டன், யுகநாதன்-ஜேர்மனி, நந்தா(சின்னத்தங்கச்சி)-சுவிஸ் ஆகியோரின் அன்புத்தாயாரும்;

விமலாதேவி-கனடா, சிவறஞ்சனி-இலங்கை, தவம்-இலங்கை, இராசகோபால்-அமரர், உதயகுமாரி-லண்டன், பரமேஸ்வரி-ஜேர்மனி, பாஸ்கரன்-சுவிஸ் ஆகியோரின் அன்பு மாமியாருமாவார்.

அன்னாரின் இறுதிக் கிரியைகள் 19.02.2011 அன்று அன்னாரின் இல்லத்தில் நடைபெற்று, பூதவுடல் சம்பில்துறை இந்து மயானத்தில் தகனம் செய்யப்படும்.

இவ் அறிவித்தலை உற்றார், உறவினர், நண்பர்கள் அனைவரையும் ஏற்றுக் கொள்ளுமாறு வேண்டப்படுகின்றனர்.

தகவல்: பிள்ளைகள், மருமக்கள்

துயர் பகிர:

சிவசுப்பிரமணியம் (மகன்) கனடா - 001-905-201-1142

யுகநாதன் (மகன்)  ஜேர்மனி - 0049-20-13201645

நந்தா (மகள்) சுவிஸ் - 0041-43-5404454

யோகநாதன் (மகன்) இலங்கை - 0094--21-3735429


அன்னாரின் ஆத்மா சாந்தி அடைய நாமும் பிரார்த்திப்போமாக.

"ஓம் சாந்தி" "ஓம் சாந்தி" "ஓம் சாந்தி"
பணிப்புலம்.கொம்



மரண அறிவித்தல் - திருமதி. இலச்சுமி கந்தையா - 03.04.2011

E-mail Print PDF

காலையடி, காளி கோவிலடியை பிறப்பிடமாகவும் வதிவிடமாகவும் கொண்ட திருமதி. இலச்சுமி கந்தையா அவர்கள்

03.04.2011 ஞாயிற்றுக்கிழமை இன்று காலையடியில் சிவபதம் எய்தினார்.

அன்னார் அமரர். கந்தையா அவர்களின் அன்பு மனைவியும்;

புனிதமலர், மதியாபரணம், சூரியகுமாரி, சந்திரகுமாரி, அக்கினிகுமாரி, சிவபாக்கியம், இந்திரகுமாரி,

வேல்முருகன், ஆனந்தமுருகன் ஆகியோரின் அன்புத் தாயாரும்;

பஞ்சலிங்கம்(அமரர்), சிவலிங்கம்(அமரர்), சுந்தரம்(அமரர்), அருச்சுப்பிரமணியம்,  திருநாவுக்கரசு, சிதம்பரநடேசன்,

சிவபாதம், செல்வராணி, சுகந்தினி ஆகியோரின் அன்பு மாமியாருமாவார்.

அன்னாரின் இறுதிக் கிரியைகள் 04.04.2011 திங்கட்கிழமை அன்னாரின் இல்லத்தில் நடைபெற்று,

பூதவுடல் சம்பில்துறை - மளுவை இந்து மயானத்தில் தகனம் செய்யப்பெறும்.

இவ் அறிவித்தலை உற்றார், உறவினர், நண்பர்கள் அனைவரையும் ஏற்றுக்கொள்ளுமாறு வேண்டப்படுகின்றனர்.


அன்னாரின் ஆன்மா சாந்தி அடைய நாமும் இறைவனை பிரார்த்திப்போமாக

"ஓம் சாந்தி  ஓம் சாந்தி   ஓம் சாந்தி"

 

துயர்பகிர:

இத்தாலி: வேல்முருகன் (மகன்) 0039- o91- 6117974

கனடா: ஆனந்த முருகன் (மகன்) 001-905-305-1675

தகவல்: மக்கள், மருமக்கள்

 

இன்று சிவபதம் எய்திய திருமதி. கந்தையா இலச்சுமி அவர்களின் ஆன்மா சிவானந்தப் பெருவாழ்வு தரும் சிவனடி இணைதிட நாமும் பிரார்த்திக்கின்றோம்.

அன்னாரின் பிரிவால் துயருறும் உறவுகளுடன் நாமும் இணைந்து கொள்கின்றோம்.

பணிப்புலம்.கொம்
03.04.2011

அமரர் சின்னத்துரை துரைராஜா(மனேச்சர்) அவர்களின் முதலாம் ஆண்டு நினைவஞ்சலி

E-mail Print PDF

காலையடியை பிறப்பிடமாகவும் புதியகொளனி மாங்குளத்தை வதிவிடமாகவும் கொண்ட

அமரர் சின்னத்துரை துரைராஜா(மனேச்சர்) அவர்களின் முதலாம் ஆண்டு நினைவஞ்சலி

அன்னாரின் 1ம் ஆண்டுத்திதி 01.04.2011 வெள்ளிக்கிழமை அன்று அவரது இல்லத்தில் நடைபெறும் என்பதையும்

அறியத் தருகின்றோம்.

தகவல்
குடும்பத்தினர் – மங்குளம்

தொடர்பு:-சசி 0094 - 777114862 (மகன்)

ஓராண்டு ஓடி மறைந்தாலும் ஒவ்வொரு
நிமிடமும் உம் நினைவுதான் இசைபாடுதையா
பாடும் உம் பாடல் எங்கே படிக்கும் உம்
பகவத்கீதை எங்கே தேடித் தவிக்கின்றோம்
உம் மக்கள் தேவனடி நின்சேர
நீறாகி நீங்கள் சென்றும் நிற்கிறதே நினைவில்
உங்கள் மாறாத வீராப்பும் மறைவான உம்
அன்பும் எம் நெஞ்சின் ஏட்டினிலே
என்றென்றும் உம் அன்பை பாசத்தை
பணிவை நினைவை சுமந்தே நிற்போம்
உங்கள் குடும்பத்தார் நாங்கள் ஐயா...!

30.03.2011

மரண அறிவித்தல் - திருமதி. இரங்கம்மா துரைசிங்கம் - 02.03.2011

E-mail Print PDF

காலையடி தெற்கை பிறப்பிடமாகவும் வதிவிடமாக கொண்டவரும், "இரங்கம்" என எல்லோராலும் அன்பாக அழைக்கப் பெற்ற

திருமதி. இரங்கம்மா துரைசிங்கம் அவர்கள் இன்று 02,03.2011 சிவராத்திரி தினம்

காலையடியில் இறைபதம் எய்தினார்.

அன்னாரின் இறுதிக் கிரியைகள் நாளை 03.03.2011 வியாழக்கிழமை அன்னாரின் இல்லத்தில் நாடைபெற்று

பூதவுடல் சம்பில்துறை இந்து மயானத்தில் தகனம் செய்யப்பெறும்

இவ் அறிவித்தலை உற்றார், உறவினர், ஊரார், நண்பர்கள் அனைவரையும் ஏற்றுக்கொள்ளுமாறு வேண்டப் படுகின்றனர்

தகவல்: குடும்பத்தினர்

துயர்பகிர:  ரவி (மருமகன்) 001-416-454-0509 -கனடா

 

அன்னாரின் ஆத்மா சாந்தியடைய நாமும் பிரார்த்திப்போமாக

ஓம் சாந்தி! ஓம் சாந்தி!! ஓம் சாந்தி!!

பணிப்புலம்.கொம்

Page 44 of 47

முத்துமாரி அம்மன் ஆலயம்

ஞான வேலாயுதர் ஆலயம்

சித்தி விநாயகர் ஆலயம் - சாந்தை

சம்புநாதீஸ்வரர் ஆலயம்

காடேறி ஞானபைரவர் ஆலயம்