Wednesday, Jan 17th

Last update08:36:41 PM GMT

You are here: வாழ்த்துக்கள் பண்டிகைகள் / கொண்டாட்டங்கள்

புனித றமழான் நோன்பும் அதன் சிறப்பும் - ஈத் முபாரக்.

E-mail Print PDF

"அல்லாஹு அக்பர்! அல்லாஹு அக்பர்!! அல்லாஹு அக்பர்!!! லாஇலாஹ இல்லல்லாஹு அல்லாஹு அக்பர்."

நாம் பூர்த்தி செய்யும் இந்தப் புனித ரமழான் மாதம், புனித அல்குர்ஆன் இறக்கி அருளப்பெற்ற மாதமாகும். அந்தக் குர்ஆனை இறக்கி மனித சமூகத்துக்கு நேர்வழி காட்டிய அல்லாஹ்வுக்கு நன்றி தெரிவிக்கும் முகமாகவே அவனது திருநாமத்தை தக்பீராக முழங்கிய வண்ணம் நோன்புப் பெருநாளைக் கொண்டாடுகின்றோம்.

அகில உலகமும் உவகையில் திளைத்து இன்ப வெள்ளத்தில் சஞ்சரித்துக் கொண்டிருக்கும் பொன்னாளான ஈதுல்பித்ர் எனப்படும் ஈகைத் திருநாள் இன்று எம்மோடு உறவு கொண்டுள்ளது. உலக முஸ்லிம்கள் அனைவரும் ஒரு மாத காலமாக, பகற் காலங்களில் பசித்திருந்தும் இரவு வேளைகளில் விழித்திருந்தும் இறை வழிபாட்டில், இறை வணக்கத்தில் ஈடுபட்டு றமழான் மாத முடிவில் புனித நோன்புப் பெருநாளைக் கொண்டாடிக் கொண்டு இருக்கும் பொன்னான வேளையிது ‘ஈத் முபாரக்’.

உள்ளத்தைச் சுத்திகரித்து உடைமைகளைத் தூய்மைப்படுத்திய புனித றமழான் நிறைவோடு கொண்டாடப்படும் இந்த நன் நாள் எமக்குப் புகட்டும் படிப்பினைகளோ எராளம் ஏராளம்.

இந்த புனித நோன்புப் பெருநாளைக் கொண்டாடுவதன் நோக்கமே நோன்பு என்ற ஆத்மீகக் கட்டுப்பாட்டுடன் நப்ஸ¤க்களை அடக்கி கட்டுப்படுத்தி கணக்கற்ற தியாகங்களை மேற்கொண்டு ஒரு மாதம் இறை பக்தியில் இன்பமாக ஒன்றி வாழ்ந்திருந்த நாம் அத்தகைய கட்டுப்பாடுகள் நிறைந்த காலத்தை முடித்து நமக்கு அல்லாஹ்த ஆலாவினால் வழங்கப்பட்ட நந் நாளாகவே இன்றைய தினம் கருதப்படுவதாகும். வல்லநாயனாகிய அல்லாஹ் தலாவுடைய கட்டளைகளையும் அருமை நாயகம் (ஸல்) அவர்களது சுன்னவையும் கட்டாயக் கடமைகளையும் பேணி செய்யாதவர்கள் எங்ஙனம் பெருநாளைக் கொண்டாட முடியும்?

எனவே நோன்பிற்கான வெகுமதியாகக் கிடைக்கப்பெற்ற இப்பெருநாளைக் கொண்டாடும் தகுதி பெற்றோர் புனித றமழான் மாதத்தை சங்கைப்படுத்தி நோன்பு நோற்றோர் மாத்திரமேயாவர் என்பதை இஸ்லாமியச் சகோதரர்கள் கவனத்திற் கொள்ள வேண்டும்.

இப்புனித பெருநாள் தினம் ஆரம்பமாகி விட்டால் அல்லாஹ்த ஆலாவின் அமரர்களாகிய மலக்கு மார்கள் வீதிகள் தோறும் நின்று முஸ்லிம்களே சங்கையான அல்லாஹ்வின் அளவில் விரையுங்கள்! உங்களுக்கு நன்மைகளை வாரி வழங்க அவன் காத்துக் கொண்டி ருக்கிறான். இரவில் நின்று வணங்கும் படி ஏவப்பட்டு அதனை நிறைவேற்றினீர்கள், உங்களுடைய நாயனுக்கு அடிபணிந்தீர்கள்.

எனவே உங்களது வெகுமதிகளைப் பெற்றுக்கொள்ளுங்கள் என்று அழைப்பார்கள் என அறிவிக் கப்படுகின்றது. மேலும் பெருநாள் தொழுகையை நிறைவேற்றியவர்களை நோக்கி இதோ உங்கள் நாயன் உங்கள் பாவங்களை மன்னித்து விட்டான். நேர்விழி பெற்றவர்களாக உங்கள் இல்லங்களுக்குத் திரும்புங்கள் இன்றைய தினம் வெகுமதியளிக்கப்படும் நாளாகும். அல்லாஹ்த ஆலாவிடத்தில் இன்றைய தினம் வெகுமதி அளிக்கப்படும் நாளாகவே கருதப்படுகின்றது. (ஆதாரம் - தபாரனி) என்று அறிவிப்பார் எனவும் கூறப்படுகின்றது.

புனித ஈத்பெருநாள் அன்று அதிகமாகத் தக்பீர் சொல்லிக் கொள்வது சிறப்பானது. ‘உங்கள் பெருநாட்களை தக்பீரைக் கொண்டு அழகுபடுத்திக் கொள்ளுங்கள்’ என நபிகள் நாயகம் (ஸல்) அவர்கள் நவின்றுள்ளார்கள். புனித பெருநாள் தினத்தன்று புத்தாடை அணிவதும் நபிவழியாகும்.

இப்னு உமர் (றழி) அவர்கள் அறிவிக்கிறார்கள். பெருநாள் தினத்தில் அழகிய புத்தாடை அணியும் படியும் வாசனை பூசிக்கொள்ளும் படியும் றஸ¤லுல்லாஹி (ஸல்) அவர்கள் எம்மைத் தூண்டினார்கள். ‘ஈதுல்பித்ர்’ பெருநாள் தொழுகைக்காக செல்வதற்குமுன் பேரீத்தம் பழம் ஒன்றைச் சாப்பிட்டு விட்டுச் செல்வதும் சுன்னத்தாகும்.

அதுமட்டுமன்றி, தொழுகைக்கு இயலுமானவரை கால்நடையாகச் செல்வதும் தொழுகை முடிவடைந்தவுடன் உறவினர்களைத் சந்தித்து ‘ஈத்முபாரக்’ வாழ்த்துக் கூறி ஸலாம் சொல்லிக்கொள்வதும் உறவினர்களின் மக்பராக்களுக்குச் சென்று அவர்களை ஸியாரத் செய்வதும் சுன்னத்தான விடயங்களாகும்.

இவற்றை விடுத்து ஒரு மாதகாலம் நோன்பிருந்து இறைக்கட்டளைக்கு அடிபணிந்து செயற்பட்ட நாம் இஸ்லாம் கூறும் விழுமிய பண்புகளுக்கு புறம்பாக களி யாட்டங்களிலும் வீண் விரயங்களிலும் ஈடுபட்டு எமது இபாதத்தில் நாம் பெற்ற பயன்களை நற்பேறுகளைப் பாழாக்கிக் கொள்பவர்களாக ஆகிவிடக் கூடாது. பெருநாள் இன்பமாகக் கொண்டாடப்பட வேண்டிய ஒன்றே.

எனிலும் விலக்கப்பட்டவைகள் ஆகுமாக்கப்படும் நாளோ அல்லது ஹராமாக் கப்பட்டவைகள் ஹலாலாக்கப்படும் நாளோ அல்ல என்பதை ஒவ்வொரு இஸ்லாமியனும் இதயத்தில் இருத்திக் கொள்ள வேண்டும்.

பெருநாள் தொழுகையை பள்ளி வாயலிலோ, மைதானத்திலோ தொழுவது சிறப்பானது. நபிகள் பெருமானார் (ஸல்) அவர்கள் மைதானத்தில் தொழும் வழக்க முடையவர்களாக இருந்தார்கள். பெருநாள் தொழுகையானது முதலில் தொழப்பட்டு பின்னர் குத்பாப் பிரசங்கம் நிகழ்த்தப்படுவது நபி வழியாகும். இதனை ‘நாயகம் (ஸல்) அவர்கள், அபூபக்கர் (றழி) அவர்கள், உமர் (றழி)அவர்கள் இரு பெருநாட்களிலும் உரை நிகழ்த்துவதற்கு முன் தொழுபவர்களாக இருந்தார்கள். (ஆதாரம் – புஹாரி)

தொழுகை முடிவடைந்ததும் ஒருவருக்கொருவர் ஆரத்தழுவி முஸாபஹாச் செய்வதும் ‘ஈத் முபாரக்’ என்று கூறியவாறு ‘தகப்பலல்லாஹு மின்னிவமின்க’ உங்களுடையனவும் என்னுடையவுமான நற்செயல்களை அல்லாஹ் ஒப்புக்கொள்வானாக என்று கூறிப் பள்ளிவாயிலை விட்டோ மைதானத்தை விட்டோ வெளியேறி வீடு செல்ல வேண்டும். இவ்விட யத்தில் கூட எம்பெருமானார் (ஸல்) அவர்கள் அழகிய முன்மாதிரியைக் கடைப்பிடித்தார்கள். ஜாபிர் (றழி) அவர்கள் கூறியதாவது பெருநாள் வந்து விட்டால் நபி (ஸல்) அவர்கள் (போவதற்கும் வருவதற்கும்) பாதைகளை மாற்றிக்கொள்வார்கள் இவையனைத்தும் துயரத்தில் சிக்கித்தவித்து வாழ்ந்து கொண் டிருப்பவர்களுக்கு வாரி வழங் குவதற்காகவே.

நோன்புப் பெருநாளன்று எம்மால் நிறைவேற்றப்பட வேண்டிய பல சுன்னத்தான விடயங்கள் காணப்படுகின்றன. றமழான் மாதத்தை முழுமையாக அடையும் பாக்கியத்தைத் தந்து நோன்பு நோற்று வணங்க வழிபாடுகளில் ஈடுபடச் சக்தி அளித்தமைக்காக அல்லாஹ்வைப் புகழ்வதும் பெருநாள் பிறை தென்பட்டத்திலிருந்து பெருநாள் தொழுகை வரைத் தக்பீர் சொல்வதும், பெருநாள் தொழுகைக்கு முன் பேரீத்தம் பழம் சாப்பிடுவதும், குளித்து வாசனை பூசிசிறந்த ஆடைகளை அணிவதும் (பெண்கள் பிற ஆடவரை .wlழிu வண்ணம் வாசனை பூசுவதும் ஆடை அணிகலன்கள் பூணுவதும் தவிர்க்கப்படல் வேண்டும்)

பெருநாள் தொழுகை மற்றும் குத்பாப் பிரசங்கத்தில் ஆண், பெண், சிறுவர்கள் அனைவரும் கலந்து கொள்வதும், பெருநாள் தொழுகைக்கு செல்வதற்கும் திரும்பி வருவதற்கும் வெவ்வேறு பாதைகளைப் பயன்படுத்துவதும், அதிகமாக சதகாக்களை கொடுப்பதும் பெருநாள் வாழ்த்துக்களைப் பரிமாறிக்கொள்வதும் சுன்னத்துக்களாக விளங்குகின்றன.

பெருநாள் தினத்தில் நிறைவேற்ற வேண்டிய மற்றொரு சுன்னத்தாக கடமை ‘பித்ரா’ கொடுப்பதாகும். ஷவ்வால் தலைப்பிறை தென்பட்டது முதல் பெருநாள் காலை தொழுகை நேரத்துக்கு முன்பதாக இக்கடமையை நிறைவேற்ற வேண்டும். பிந்திக்கொடுப்பது ‘மக்றூஹ்’ ஆகும். பித்ரா என்பது நமது நாட்டின் பிரதான உணவுத் தானியமாக விளங்கும் அரிசியில் வழங்கப்படுவது பொருத்தம்.

ஒருவருக்கு இரண்டு கொத்து அல்லது இரண்டரைக் கிலோ அரிசி வழங்கப்பட வேண்டும். குடும்பத் தலைவர் தனக்கும் தனது பொறுப்பிலுள்ளவர்களுக்கும் இதனைக் கணக்கிட்டுக் கொடுக்க வேண்டும். நாம் வாழும் ஊருக்குள்ளேயே பித்ராவைக் கொடுப்பதே சிறப்பானது. இதனை வழங்குபவர் தினம் இரண்டு வேளையும் தனக்கும் தனது பொறுப்பில் உள்ளவர்களுக்கும் போதிய வசதியுடையோராவர். பித்ராவைப் பெறுபவர் மிகமிக ஏழையாக இருக்க வேண்டும்.

எனவே றமழானில் நோன்பு நோற்று அரிய பல நன்மைகளைப் பெற்ற நாம் நபி வழியில் ஈகைத் திருநாளைக் கொண்டாடி இறை திருப்தியையும் அருளையும் ஈருலகப் பேறுகளையும் நன்மைகளையும் பெறுவோமாக. ஈத் முபாரக்.

சேவை நலன் பாராட்டு விழா - செல்வி. வைத்திலிங்கம் மனோராணி அவர்கள் - அழைப்பிதழ் - 20.07.2012

E-mail Print PDF

எம்மூரில் பிறந்து,, எமது பாடசாலையில் கல்வி பயின்று அப்பாடசாலையிலேயே 27 வருடங்களுக்கு மேலாக ஆசிரியையாக சேவையாற்றி மணி விழாக்கண்டு ஓய்வு பெற்றுச் செல்லும் செல்வி  வைத்திலிங்கம் மனோராணி அவர்களின் சேவையை பாராட்டி, கௌரவிக்கும் முகமாக சேவை நலன் பாராட்டு விழா ஒழுங்கு செய்யப் பெற்றுள்ளது என்பதனை அறியத் தருவதில் பெரு மகிழ்ச்சி அடைகின்றோம்.

எமது பாடசாலையில் நீண்ட ஒரு காலம் "சரஸ்வதியாக" வீற்றிருந்து எம் இளம் சந்ததினர்க்கு கல்விச் செல்வம் வழங்கிய செல்வி. வைத்திலிங்கம் மனோராணி அவர்களை பாராட்டி  சிறப்பிக்க தங்கள் அனைவரையும் வருகை தருமாறு இரு கரம் கூப்பி அழைக்கின்றோம்.

இடம்: வித்துவான் மு. விருத்தாசலம் ஞாபகார்த்த மண்டபம், ஆறுமுகவித்தியாலயம்

காலம்: 20,07,2012 காலை 11 மணி

அகரத்தை தந்த அறிவின் தாயே
சிகரத்தில் ஏற்றி போற்றுகின்றோம்
மணிவிழாக் காணும் மனோராணி ஆசிரியையின்
பணிதனை போற்றி பாடுகின்றோம்

துள்ளித் திரிந்த பள்ளி தனிலே
அள்ளித் தந்தீர்கள் கல்விதனை
ஆச்சிரீச்சரென ஆசையுடன் நாமழைக்க
ஆறுமுக வித்தியாலயத்தில் அரும்பணி செய்தீர்

பாசத்தை ஊட்டினீர் பண்பினை பரப்பினீர்
நேசத்துடன் எமக்கு நேர்தியாய் கற்ப்பித்தீர்
கண்டிப்புடன் கனிவு வழிகாட்டல் கல்வி
கண்டோம் உங்கள் சேவை தனில்

எங்களது பாடசாலை ஏற்றமுற வைத்ததாயே
உங்களது சேவை போற்றி நிற்போம்
பழைய மாணவியாய் பணிதொடர வேண்டி
நாளையும் நாமிங்கு நாடி நிற்போம்

கண்ணகை அம்மன் கருணை பொழிந்து
காத்தருள்வாள் உங்களை நலமாக
பறாளாய் வினாயகன் அருள்மழை பொழிய
பல்லாண்டு வாழ்வீர்கள் சுகமாக

பழையமாணவர் சங்கம்
பாடசாலை அபிவிருத்தி சங்கம்
யா சுழிபுரம் வடக்கு ஆறுமுகவித்தியாலயம்

தகவல்: அ. கந்தசாமி


148 வது "கனடா தின - Canada Day" நல்வாழ்த்துக்கள்” - 01.07.2015 - வீடியோ இணைப்பு

E-mail Print PDF

கனடா 01.07.2015 அன்று தனது 148 வது “கனடா தினம்” (கனடா பிறந்த தினத்தை) கொண்டாடுகின்றது.

கனடா தினம் என்பது கனடாவின் தேசிய தினமாகும். அதாவது, வட அமெரிக்காவின் மூன்று குடியேற்றத்திட்டங்களை ஆண்டுவந்த பிரித்தானியா; அவை மூன்றையும் ஒன்றாக இணைத்து “கனடா” என்னும் ஒரு நாடாக (பிரித்தானிய வட அமெரிக்க சட்டம் 1867ன் கீழ்) பிரகடனப்படுத்திய நாளே கனடா தினமாக கொண்டாடப்பெற்று வருகின்றது.

கனடா தனது முதலாவது பிறந்த தினத்தை 01.07.1868 ல் கொண்டாடியது. ஆரம்பத்தில் இத் தினத்தை “டொமினியன் தினம்” என அழைத்தனர். அதன் பின்னர்,

1982 ம் ஆண்டு ஒக்ரோபர் 27 திகதி இத் தினத்தை "கனடா தினம்" (Canada Day) என சட்ட பூர்வமாக மாற்றப் பெற்றது. இத் தினத்தை கனடாவின் "பிறந்த தினம்" எனவும் அழைப்பதுண்டு.

புலம் பெயர்ந்து வந்த எம்மையும் எம்மைபோல பலரையும் இன்முகத்துடன் வரவேற்று, வாழ்வளித்து நாம் வேறு நாடுகளில் பிறந்திருந்த போதும் தனது நாட்டில் எமக்கும் பிரஜா உரிமையும் தந்து எல்லா மக்களையும் தாம் பெற்ற மக்களாக மதித்து காத்தருளும் “கனடா தாயை” வணங்குகின்றோம், இன்முகத்துடன் வாழ்த்துகின்றோம்.

வடக்கே வட முனையும், கிழக்கே அட்லாண்டிக் பெருங்கடலும், தெற்கே அமெரிக்க ஒன்றியமும், மேற்கே பசிபிக் பெருங்கடலும், அமெரிக்க ஒன்றிய நாடுகளின் அலாஸ்கா மாநிலமும் எல்லைகளாக அமைகின்றன.

கனடா பத்து மாகாணங்களையும் மூன்று ஆட்சி நிலப்பகுதிகளையும் கொண்ட கூட்டமைப்பு நாடாகும்.

”ஒட்டாவா” கனடாவின் தலைநகரம் ஆகும். ஆங்கிலம், பிரெஞ்சு ஆகிய இரண்டும் கனடாவின் ஆட்சி மொழிகளாக இருக்கின்றன. கனடா 1867 ஆண்டே அரசியல் சட்டமைப்பு கொண்ட ஒரு நவீன கூட்டாட்சி நாடாக உருவானது.

ஆனால் அதற்கு பல நூற்றாண்டுகளுக்கு முன்னர் இருந்தே பழங்குடிமக்கள் கனடா நிலப்பரப்பில் வசித்து வருகின்றனர். இன்று கனடா பல்லின மக்களைக் கொண்ட வளர்ச்சியடைந்த இரண்டாவது பெரிய நிலப்பரப்பு கொண்ட நாடு ஆகும். கனடிய பழங்குடிமக்கள் அரசியல் நோக்கில் அரசியல் அமைப்புச் சட்டத்தில் பின்வரும் மூன்று வகைகளாக இனங்காணப்படுகின்றனர்: ”இன்டியன்ஸ்”, ”இனுவிட் (Inuit)”, ”மெயிற்ரீஸ் (Metis)”.

மூன்று பெரும்வகைகளாக அரசியல் சட்ட அடையாளங்களை கொண்டிருந்தாலும், இனம், மொழி, பண்பாடு, வாழ்வியல், புவியில் நோக்கில் பலவகைப்படுவார்கள். கனடிய பழங்குடிகள் தங்களை ”முதற் குடிகள் (First Nations)” என்று அழைத்தார்கள். இம்மக்களின் வாழ்வியல் அவர்கள் வாழ்ந்த நிலப்பகுதிகளைப் பொறுத்து வேறுபடுகின்றது. வாழ்ந்த நிலப்பகுதிகளைக்கொண்டு முதற் குடிகளை ஆறாக பிரிக்கலாம்.

அவை பின்வருமாறு:
• சமவெளி மக்கள் – (Plains)
• இறொக்குவா குடிகள் – Iroquoian Nations
• வட வேட்டுவர் – Northern Hunters
• வட மேற்கு மக்கள் – Northwest Cost
• அல்கோன்கிய குடிகள் – Algonkian Nations
• பீடபூமி மக்கள் (Plateau)

பழங்குடிகள் கனடாவின் மிக குளிரான மேற்பகுதிகளில் வாழ்ந்தவர்களே ”இனுவிட்” ஆவார்கள். இவர்களை அழைக்க ”எஸ்கிமோ” என்ற (தற்போது இழிவாகக் கருத்தப்படும்) சொல்லும் பயன்படுத்தப்பட்டு வந்தது. கனடா என்றவுடன் விலங்குத் தோல் உடுப்புடன் பனிக் கட்டியால் கட்டப்பட்ட, மொழுகப்பட்ட இருப்பிடங்களுக்கு பக்கத்தில் நிற்கும் இனுவிட் மக்களைச் சுட்டுவது ஒரு ஊடக மரபு.

பிரெஞ்சு மக்கள் 1605 ஆம் ஆண்டளவில் ரோயல் துறைமுகம் என்ற பகுதியிலும், அதனைத் தொடர்ந்து 1608 ஆம் ஆண்டு கியூபெக்கிலும் முதன்முதலில் குடியமர்ந்தனர். ஆங்கில குடியேற்றங்கள் நியூ பவுண்ட்லாந்தில் 1610ம் ஆண்டு குடியமர்ந்தனர்.

ஐரோப்பியரின் வருகை புது நோய்களை வட அமெரிக்காவுக்கு கொண்டுவந்தது. அப்புதிய நோய்களுக்கு உடலில் எதிர்ப்புத்திறனற்ற முதற்குடிமக்கள் பெரும்பான்மையானோர் அந்த நோய்களுக்கு இரையானார்கள்.

பிரிட்டனின் குடியிருப்புகளாக இருந்த ஒன்ராறியோ, கியூபெக், நியூ பிரன்ஸ்விக், நோவோ ஸ்கோஷியா British North American Act மூலம் கனேடிய கூட்டரசாக உருவானது. கனடாவின் பிற மாகாணங்கள் பின்னர் கூட்டரசில் சேர்ந்தன. New Foundland 1949 ஆண்டு கனடாவுடன் கடைசியாக இணைந்த மாகாணம் ஆகும். பிரெஞ்சு, ஆங்கிலேயக் குடிவரவாளர்களாலும் முதற்குடிமக்களாலும் கனடா உருவாக்கப்பட்டது.

கூட்டமைப்பின்போது ஏற்படுத்தப்பட்ட ஒப்பந்தங்களின்படி கனடாவை இணைக்கும் ஒரு தொடருந்துப் பாதை கட்டவேண்டிய தேவை இருந்தது. இதற்காக 1870களில் சீனர்கள் தொடருந்து பாதை கட்டமைபில் வேலை செய்வதற்காக வரவழைக்கப்பட்டனர். 1885ம் ஆண்டு தொடருந்துப் பாதை கட்டிமுடிந்த பின்பு சீனர்கள் வரவு கட்டுப்படுத்தப்பட்டது.

குறிப்பாக “Chinese Exclusion Act” 1923ம் ஆண்டு நடைமுறைப்படுத்தப்பட்டது. கறுப்பின மக்கள் வெவ்வேறு காலப்பகுதியில் கனடாவில் குடியேறினார்கள். தொடக்கத்திலேயே அவர்கள் அடிமைகளாக பிரெஞ்சு மக்களுடன் கனடாவுக்கு வந்தனர். எனினும் 1793 ஆண்டில் மேல் கனடாவில் அடிமைகளுக்கு விடுதலை கிடைத்தது. அதனைத் தொடர்ந்து அமெரிக்காவில் இருந்து பல கறுப்பின மக்கள் கனடாவுக்கு விடுதலை தேடி வந்தனர். இவர்கள் வந்த பாதை நிலத்தடி இருப்புப்பாதை (Underground railroad) என அழைக்கப்பட்டது.

1920 ஆண்டளவில் கனடா இன அடிப்படையிலான குடிவரவுக் கொள்கைகளைப் பின்பற்றத் தொடங்கியது. இதன் காரணமாக ஐரோப்பியர் தவிர்ந்த ஏனைய இன மக்கள் கனடாவுக்குள் வருவது கடினமாக்கப்பட்டது.

இக்கொள்கை 1967ம் ஆண்டு நீக்கப்பட்டது. எனினும், இதற்கமையவே இரண்டாம் உலகப்போருக்குப் பின்னர் பல்வேறு ஐரோப்பிய குடிவரவாளர்களை உள்வாங்கியது. வியட்நாம் போரின்போது அமெரிக்க draft dogers பலரையும் உள்வாங்கியது.

உலகில் கனடா முதன்முதலாக பல்லினப்பண்பாடு கொள்கையை அதிகாரப்பூர்வ கொள்கையாக 1971ம் ஆண்டு ஏற்றுக்கொண்டது. அதனைத் தொடர்ந்து பன்னாட்டு மக்களும் கனடாவுக்கு குடிவருவது அதிகரித்தது. 1980களிலும் 1990களிலும் தமிழர்கள், பிற தெற்காசிய மக்கள், ஆப்பிரிக்கர்கள் புதிய குடிவரவாளர்களில் கணிசமான தொகையினராக இருந்தார்கள்


"கனடா தாயே ஊழி உள்ளவரை நிலைத்து நின்று ஆதரவற்றவர்களுக்கு இடமளித்து காத்தருள்வாய் தாயே"

"வாழ்க கனடா வாழிய வாழியவே"

பணிப்புலம்.கொம்


நிகழ்வை வீடியோவில் பார்வையிட இங்கே அழுத்துங்கள்

Canada National Anthem

O Canada !
Our home and native land !
True patriot love
In all thy sons command.
With glowing hearts
We see thee rise,
The true North
Strong and free !
From far and wide,
O Canada,
We stand on guard
for thee.
God keep our land
Glorious and free !
O Canada,
We stand on guard for thee.
O Canada,
We stand on guard for thee.

 

கனடா தேசீய கீதம்
தமிழாக்கம்: சி. ஜெயபாரதன், கனடா

ஓ கானடா !
எமது இல்லமே ! சொந்த பூமியே !
நின் மாந்தரிடம் எல்லாம்
நிஜ தேசப் பற்றை
நிலை நாட்டுவது நீ !
ஒளி நிறைந்த எமது
உள்ளத் தோடு நீ
உயர்வதைக் காண் கின்றோம் !
நேர்வட திசையில் நீ
நிலைத்திடும் தனி நாடே !
நீண்டு அகண்ட கண்டம்,
ஓ கானடா !
உனை யாம் காத்து நிற்போம் !
சீரும் சிறப்பும் பொங்கிட
எமது நாட்டை, இறைவா நீ
சுதந்திர நாடாய் வைத்திரு !
ஓ கானடா !
உனை யாம் காத்து நிற்போம் !
ஓ கானடா !
உனை யாம் காத்து நிற்போம் !

"உன் பாதம் பணிகின்றோம் தாயே"

பணிப்புலம்.கொம்

 

884.06.2015

சேவைநலன் பாராட்டு விழா - விஞ்ஞான ஆசிரியை திருமதி. துரைசிங்கம் மகிழாம்பிகை அவர்கள்- 19.06.2012

E-mail Print PDF

பதினெட்டு வருடங்களாக எமது பாடசாலையில் விஞ்ஞானபாட ஆசிரியையாக கடமை ஆற்றி ஒய்வு பெறும் ஆசிரியை

திருமதி. துரைசிங்கம் மகிழாம்பிகை அவர்கள்

காலம்: 19,06,2012 செவ்வாய்க்கிழமை காலை 11 மணி

இடம்: சுழிபுரம் வடக்கு ஆறுமுகவித்தியாலய வித்துவான் மு.விருத்தாசலம் ஞாபகார்த மண்டபம்

எமது பாடசாலையின் விஞ்ஞான ஆசிரியராக கடந்த 18 வருடங்கள் சிறந்த சேவையாற்றி எமது மக்களின் வாழ்க்கையை பிரகாசிக்கச் செய்து ஓய்வுபெறும் திருமதி. துரைசிங்கம் மகிழாம்பிகை அவர்களின் சேவையை பாராட்டி கௌரவிக்கும் இவ் விழாவில் பங்குபற்றி சிறப்பித்து நன்றி செலுத்தி பாராட்ட வருகை தருமாறு அனைவரையும் அன்புடன் அழைக்கின்றோம்.

பாடசாலை சமூகம்,
பழைய மாணவர் சங்கம்
சுழிபுரம் வடக்கு ஆறுமுகவித்தியாலயம்

தகவல்: பிரகலாதன் அவர்கள்

அர்ச்சுணனுக்கு ஒரு துரோணாச்சாரியார் போல்;
கொள்ளை, கொலை தொழிலைச் செய்து வந்த  திருடனை 
ராமாயணம் என்ற வராலாற்று காவியத்தை படைக்கும் அளவிற்கு
வால்மீகி உருவாகக் காரணமான நாரதரைப் போல்;
விவேகானந்தருக்கு ஒரு ராமகிருஷ்ண பரமஹம்சரைப் போல்;
எங்கள் ஊர் பாடசாலையில் பல மேதைகளை உருவாக்க காரணமாக இருந்த
ஆசிரியை திருமதி. துரைசிங்கம் மகிழாம்பிகை அவர்களின் சேவையை
பாராட்டுகின்றோம், போற்றுகின்றோம், நன்றி கூறுகின்றோம்.
பணிப்புலம்.கொம்

ஆசிரியர் என்பவர்....

வைப்புழிக் கோட்படா; வாய்த்தீயிற் கேடில்லை;
மிக்க சிறப்பின் அரசர்செறின் வவ்வார்;
எச்சம் எனஒருவன் மக்கட்குச் செய்வன
விச்சைமற் றல்ல பிற.

இருக்கும்  இடத்திலிருந்து (மனத்திலிருந்து) பிறரால் கவர்ந்து கொள்ள இயலாதது; தமக்குக் கிடைத்ததை பிறருக்கும் கொடுத்தால் வளர்ச்சிபெறுவது; மேலான படை வலிமையையுடைய மன்னர் சினந்தாலும் கவர்ந்து கொள்ள முடியாதது கல்வி. ஆதலால், ஒருவன் தன் மக்கட்குப் "செல்வம்" எனச் சேர்த்து வைக்கத்தக்கது கல்வியே; பிற அல்ல! என்பது அதன் பொருள். அந்த கல்வியை போதிப்பவர் யார்? அவரைப்பற்றி அறிந்து கொள்ள முனைவோம்.

மனிதனை மனிதனாக, உருவாக்கும் சிற்பிகள்தான் ஆசிரியர்கள் என்று அழைக்கின்றார்கள். மாணவர்களை முதன்மை படுத்த பசளையாக இருந்து ஊக்குவிப்பவர்கள் ஆசிரியர்கள்.

நாட்டின் மிக முக்கியத்துவம் கொண்ட தொழில்களில் ஆசிரியத் தொழிலும் ஒன்று. ஏனெனில் பாடப் புத்தகம் என்பதற்கு வெளியே நிதர்சன உலகை உருவகப்படுத்தி அதற்கு உவமைகள் காட்டி, பல விஷயங்களை கற்றுக் கொடுத்து, ஒரு தலைமுறை மட்டுமல்ல, ஒவ்வொரு தலைமுறையையும் உருவாக்கும் பொறுப்பு ஆசிரியர்களையே சார்ந்துள்ளது.

“எங்கே நடப்படுகிறாயோ அங்கே மலராகு” என்ற பொன்மொழிக்கு எடுத்துக்காட்டாய் இருப்பவர்கள் ஆசிரியர்கள் தான். தன்னிடம் ஒப்படைக்கப்படும் மாணவர்களை வாழ்க்கை என்றால் என்ன? இதில் மாணவ, மாணவி சமூகத்தின் பங்கு எப்படி இருக்க வேண்டும் என்று ஒரு தெளிவை ஆசிரியர்கள் தான் கற்றுக் கொடுக்கின்றனர்.

குறிக்கோள் இல்லாத வாழ்க்கை முகவரியில்லாத கடிதத்திற்குச் சமம். இது போல் தான் மாணவ சமூகமும் குறிக்கோள், லட்சியம் இல்லாமல் இருந்தால் எதிர்காலம் ஓர் இருண்ட பாதை என்பதை ஆரம்ப காலத்தில் இருந்தே மாணவ மனதில் நன்கு பதிய வைத்து, அதன் மூலம் கிடைக்கும் வெற்றியை பார்க்கும் பொழுது ஆசிரியர்களின் முகத்தில் ஓர் மகிழ்ச்சி தோன்றும். இதனை சொல்வதை விட உணர்வுப் பூர்வமாக உணர முடியும்.

தன்னிடம் ஒப்படைக்கப்படும் மாணவனை நல்ல மாணவனாக ஆக்குவதோடு, நல்ல மனிதனாக மாற்றும் பொறுப்பும் ஆசிரியர்களுக்கு இருக்கிறது.

அதே போல் ஆசிரியர்கள் என்பவர்கள் மாணவ சமூகத்தை உருவாக்குபவர்கள் அல்ல, மாறாக உயிரூட்டுபவர்கள். ஒரு சிறந்த ஆசிரியர்களின் பண்புகள், குணங்களை பார்க்கும் மாணவ, மாணவிகளின் மனதில் அப்படியே அவை பதியும். அதனால் ஆசிரியர்கள் தங்களை மாணவர்களின் காலக் கண்ணாடி என்ற எண்ணத்தில் தான் பணியாற்றி வருகின்றனர்.

அப்படி பணியாற்றுவதன் மூலம் கடினமாக உழைத்து வாழ்வில் ஒளிரும் மாணவ சமூகத்திற்கு ஆசிரியர்கள் உரிமையாளர்களாகின்றனர்.
தெளிவான, சிறப்பான மாணவ சமூகத்தை உருவாக்குவதில் ஆசிரியர்களின் பங்கு முதன்மையானது என்பதை இங்கு யாரும் மறுக்கமுடியாது. அதிலும் ஆரம்பப் பள்ளி ஆசிரியர்களின் உழைப்பினை தான் நாம் அதிகம் பாராட்ட வேண்டும்.

சிறு குழந்தைகளுக்குச் பாடங்களை அடித்தோ, அல்லது மிரட்டியோ கற்றுக் கொடுக்க முடியாது. அப்படிச் சொல்லிக் கொடுத்தாலும் அவர்களுக்கு ஏறாது. குழந்தைகளுக்கு பாடம் சொல்லிக் கொடுக்கும் பொழுது அசிரியர்கள் குழந்தைகளாகவே மாறிவிட வேண்டும். அப்பொழுது தான் அவர்கள் தங்களின் முழுக்கவனத்தையும் ஆசிரியர்கள் மீது விழும். அப்படி குழந்தைகளுக்கு பாடம் சொல்லிக் கொடுக்கும் பொழுது அவர்களின் மழலை பேச்சும், மழலைச் சரிப்பையும் காணும் பொழுது புதிய உலகிற்குச் சென்ற ஓர் உன்னத உணர்வு மனதில் ஏற்படும்.

அதே போல் கிராமத்தில் இருக்கும் பள்ளிகளில் பணியாற்றுவதில் கிடைக்கும் மகிழ்ச்சி சற்று வித்தியாசமானது. அங்கு ஆரம்பப் கல்வி படிக்கும் மாணவன் பின் வாழ்வின் எத்தகைய உயர்ந்த நிலைக்குச் சென்றாலும் அப்பள்ளியையும் ஆசிரியர்களையும் மறப்பது இல்லை.

நன்றி

"தந்தையர் தின வாழ்த்துக்கள்" - 19.06.2016

E-mail Print PDF

எமது உடலின் மூலக்கருவாகவும், எமது பெயரின் முதல் பெயராகவும் அமைந்து
எமக்கெல்லாம் நல்வழிகாட்டியாகவும், பாதுகாவலனாகவும் இருந்து அன்போடு எம்மை
வளர்த்தெடுத்து நாம் இப் பூவுலகில் பேரோடும் புகழோடும் வாழ வழி சமைத்த அன்புத் தெய்வத்தை
இத் தினத்திலாவது நினைவு கூர்ந்து அன்போடு உறவாடி மகிழ்வித்து, வணங்கி நல்லாசி பெறுவோம்

பத்து மாதம் கருவினில் சுமந்து, மடியிலும், மார்பிலும் ஏந்தி, பாலூட்டி, தாலாடி, உணவூட்டி, மலசலம் எடுத்து, சுத்தம் செய்து, அன்புகாட்டி வளர்த்த அன்னையையோ; அல்லது தான் உருகி வெளிச்சம் தரும் மெழுகுவர்த்திபோல் தான் வருந்தி மாடாக உழைத்து, தம் பிள்ளைகளின் எதிர்காலம் சிறப்பாக அமைய பாச உணர்வோடு தோழிலிலும், தொட்டிலிலும் தாலாட்டி, அறிவூட்டி, வழிகாட்டி பாதுகாத்து வளர்த்து பெரியவனாக்கிய தந்தையையோ அல்லது இருவரையுமோ தான் இருக்கும் வீட்டில் வைத்து பராமரித்து, உணவு வழங்க முடியாத சூழ்நிலையில் வாழ்ந்து கொண்டிருக்கும் பிள்ளைகள்; முதியோர் இல்லங்களிலும், வேறு இடங்களிலும் வாழ்ந்து கொண்டிருக்கும் பெற்றோருக்கு, அல்லது இறந்துவிட்ட தம் பெற்றோரை நினைவுகூறும் ஒரு திருநாளாக நன்றிக் கடன் செலுத்த உருவாக்கப் பெற்றதே அன்னையர் தினமும், தந்தையர் தினமுமாகும்.

இவை, ஆரம்ப காலத்தில் மேற்குலக நாடுகளிற்கு பொருத்தமாக இருந்த போதிலும், தற்பொழுது அவ்வூர்களில் வாழ்ந்து கொண்டிருக்கும் எம் மக்களிற்கும் பொருந்தும் வகையில் அமைந்து விட்டதால் அதை நாமும் கொண்டாடுவதில் ஆச்சரியம் எதுவுமில்லை. வருடத்தில் ஒரு முறையாவது இப் பூவுலகில் எம்மை படைத்து, பாதுகாத்து, எமது சுக துக்கங்களில் பங்கெடுத்துக் கொள்ளும் கண் கண்ட தெவங்களான பெற்றோரை கண்டு அவர்களின் சுகதுக்கங்களை கேட்டறிந்து அவர்களுடன் கூடிக்குலாவி, அவர்களுக்கு பரிசுகள், சிறப்பு விருந்துகள் வழங்கி, அவர்களின் ஆசீர்வாதங்களை பெறும் தினமாக இத்தினம் கொண்டாடப் பெறுகின்றது.

"அன்னையும் பிதாவும் முன்னறி தெய்வம்" என்றுரைத்த தமிழ் கலாச்சாரம், பெற்றோரை கண்கண்ட தெய்வங்களாக மதித்து வாழ்ந்து வந்த காலம் கொஞ்சம் கொஞ்சமாக மாறி தற்போது வருடம் ஒருமுறை தரிசிக்கும் வெளிநாட்டுக் கலாச்சாரத்திற்கு மாறவேண்டிய கட்டாயம் ஏற்பட்டுள்ளமை கவலையத் தருவதாயினும் தவிர்க முடியாததாகி விட்டது. சிலர் தம் பெற்றோருடனே வாழ்ந்து கொண்டும் இத்தினத்தை பெற்றோருக்கு நன்றிக் கடன் செலுத்தும் தினமாகவும் அவர்கள் போற்றி வழிபட்டு ஆசீர்வாதம் பெறும் தினமாகவும் கொண்டாடுகின்றார்கள்.

தந்தையர் தினம்; ஒவ்வொரு வருடமும் ஜுன் மாதத்தில் மூன்றாவது ஞாயிற்றுக்கிழமை கொண்டாடப்பெறுகின்றது. உலகிலேயே முதல் முறையாக 1910 ம் ஆண்டு ஜூன் 19ம் தேதி வாஷிங்டனில் தந்தையர் தினம் கொண்டாடப்பட்டது. இதற்கான முயற்சிகளை எடுத்தவர் சோனாரா டாட் என்ற பெண்மணியே. இத் தினம் இவ்வருடம் ஜூன் மாதம் 19ம் திகதி அமைகின்றது.

1909ம் ஆண்டு ஸ்போகேனில் உள்ள சர்ச்சில் அன்னையர் தினம் பற்றிக் குறிப்பிட்டதைக் கேட்ட அவர்; தந்தையர் தினமும் கொண்டாடப்பட வேண்டும் என கருதினார். அடுத்த ஆண்டே அதை அவர் நிறைவேற்றினார். அன்று முதல் அது உலகெங்கும் பிரபலமாகி தற்போது உலக அளவில் கொண்டாடப்படும் தினமாகியுள்ளது.

1910ம் ஆண்டு கொண்டாடப்பட்ட தந்தையர் தினத்தின்போது உயிருடன் இருக்கும் தந்தையருக்கு சிவப்பு ரோஜா கொடுத்து வாழ்த்து தெரிவித்தனர். இறந்த தந்தையரின் சமாதிகள், படங்களுக்கு வெள்ளை ரோஜா வைத்து அவர்களுக்கு மரியாதை செலுத்தினர்.

பின்னர் 1966ம் ஆண்டு அமெரிக்க அதிபர் லிண்டன் ஜான்சன், தந்தையர் தினத்தை அங்கீகரித்து உத்தரவிட்டார். அதன்படி ஆண்டுதோறும் ஜூன் மாதம் மூன்றாவது ஞாயிற்றுக்கிழமை தந்தையர் தினமாக கொண்டாடப்படும் என அவர் உத்தரவிட்டார். அதன் பின்னர் ஆறு ஆண்டுகளுக்குப் பிறகு 1972ம் ஆண்டு, ஒரு சட்டத்தின் மூலம் தந்தையர் தினத்தை தேசிய விடுமுறை தினமாக அதிபர் நிக்சன் அறிவித்தார்.

தந்தையர் தினம் தவிர ஆடவர் தினமும் ஆண்டுதோறும் நவம்பர் 19ம் தேதி கொண்டாடப்படுகிறது என்பது குறிப்பிடத்தக்கது. இது, தந்தையர் ஆகாத ஆண்கள், இளைஞர்களுக்கானதாகும்.

அன்னையர் தினம் தற்பொழுது ஆசிய நாடுகளில் பிரபலமாகியுள்ளதைப் போல தற்போது தந்தையர் தினமும் இங்கும் கொண்டாடப்படுகிறது.

முதியோர் இல்லம் என்றில்லை, வீட்டுக்குள் நுழைந்தால் மருமகள் என்னசொல்வாளோ? இல்லைமருமகள் பேச்சைக்கேட்டு மகன் என்னசொல்வானோ என்று கால்வயிற்றையும் அரைவயிற்றையும் நிரப்பிக்கொண்டு திண்ணையே கதி என்றிருக்கும் தந்தைமார்களுக்கு வருடத்தில் இந்த ஒருநாளாவது சுபதினமாக இருக்கலாம், என்றால் "தந்தையர் தினம்" கட்டாயம் கொண்டாடியே ஆக வேண்டும்.

தாயிற் சிறந்தொரு கோவிலுமில்லை, தந்தை சொல் மிக்க மந்திரமில்லை என்ற ஔவையின் வைர வரிகளும், அன்னையோடு அறுசுவை போம் தந்தையோடு அறிவு போம் என்ற முதுமொழியும் வெளிநாடுகளில் செயலிழந்து போயுள்ளது என்பது வெளிப்படை.

மகன்தந்தைக்கு ஆற்றும் உதவி இவன் தந்தை
என்நோற்றான் கொல்எனும் சொல்.
திருக்குறள்

மகன் தன் தந்தைக்குச் செய்யத் தக்க கைம்மாறு, இவன் தந்தை இவனை மகனாகப் பெற என்ன தவம் செய்தானோ என்று பிறர் புகழ்ந்து சொல்லும் சொல்லாகும்.

அன்னையும் பிதாவும் பின்னடிக்கு இடைஞ்சல் வாசிக்க இங்கே அழுத்துங்கள்

அப்பாவுக்கு ஒரு கடிதம்

ஐந்து பிள்ளை பெற்றிருந்தும் ஆண் பிள்ளை இல்லை என்ற
ஆறாத் துயரோடு ஆடியிலே தேரோடும் அம்மனுக்கு நேர்த்திவைச்சு
காலமெல்லாம் நோன்பிருந்து கடவுள் தந்த பிள்ளை என்று
கஸ்டமே தெரியாமல் செல்லமாக வளர்த்து - என்னை
"சோம்பேறி" என்ற பட்டம் பெற வைத்தவரே!

பள்ளிப் படிப்பு ஏனோ பாகற்காய் போல் கசத்திருக்க    
நொண்டிச்சாட்டு பல கூறி பள்ளிக்கு ஆப்பு வைத்து
அம்மாவின் அரவணைப்பில் செல்லமாக இருந்த - என்னை
சுள்ளித் தடியெடுத்து சுழர நாலு போட்டு அன்று
பள்ளிக்கு அனுப்பி வைத்து பாடம் சொல்லித் தந்திருந்தால்
"பட்டம்" பெற்று நானும் பலபேர் போற்ற வாழ்ந்திருப்பேன்

கனடா போய்விட்டால் சுகவாழ்வு வாழ்வாய் என்று
வட்டிக்கு காசு வாங்கி வழி அனுப்பி வைத்தவரே
கடிதம் எழுதத் தெரியாமல் கலங்குகின்றான் - உன்பிள்ளை
கல்லாப் பிழை தெரிந்து கலங்குகின்றான் தன்னை எண்ணி

பள்ளிக்கு சென்று அன்று நாலு சொல்லுப் படித்தவர்கள்
சுழரும் கதிரையிலே சுழையாக சம்பாதிக்க - உன் செல்லம்
இராப் பகலாய் கழுவுகிறான் எச்சில் கோப்பை கனடாவில்
திண்ணைக்கு மண் எடுத்து திமிர் பிடித்த என் உடம்பு
இப்போ ஏப்பைக் காம்பாகி எலும்பெல்லாம் தெரியுதப்பா!

செல்லப் பிள்ளையாக்கி என்னை ஊர் சிரிக்க வைத்தவரே
உன் ஆசை நிறைவேற்ற என்னை பொம்மையாக வளர்த்தவரே
கண்ணிருந்தும் குருடன்போல் வாழ்கின்றான் - உன் செல்லம்
மாற்று மருந்தாக ஒரு படித்த பெண்ணாய் பாருமப்பா

அன்னையரே தந்தையரே என் அருமைப் பெற்றோரே
"ஆரம்பக் கல்வி" அதன் அருமைதனை எடுத்துரைக்க
எண்ணத்தில் வந்துதித்த கதையொன்றைக் கூறிவிட்டேன்
ஏழ்மையில் வாழ்ந்தாலும்
வாழ்க்கையில் வழிகாட்டும்
அந்த ஆரம்பக் கல்விதனை
புகட்டிவிடு தவறாது

நன்றி

பணிப்புலத்தான்

தந்தையர் அனைவருக்கும் எமது தந்தையர் தின வாழ்த்துக்கள்

பணிப்புலம்.கொம்

 

5224.19.06.2016

இரண்டாம் எலிசபெத் மகாராணி முடிசூடி 60 ஆண்டுகள் - வைரவிழா - ஆபரணங்கள் இணைப்பு

E-mail Print PDF

பிரிட்டிஷ் மகாராணியாக இரண்டாம் எலிசபெத் பதவியேற்று 60 ஆண்டுகள் நிறைவடைவதை குறிக்கும் பொருட்டு வைர விழா கொண்டாட்டங்கள் பிரிட்டனில் நான்கு நாட்கள் நடைபெறுகின்றன. ஜூன் மாதம் (2012) 2ஆம் திகதி முதல் 5ஆம் திகதி வரை இந்த விழா நடைபெற்று வருகின்றமை குறிப்பிடத்தக்கது.

பிரிட்டனில் பிரதமர் அரசாங்கத்தின் தலைவராகின்ற போதிலும் நாட்டின் தலைவராகவும், தேசத்தின் தலைவராகவும் விளங்க வேண்டிய கடமைகள் அரியணையில் இருப்பவருக்குதான் உண்டு. அந்த வகையில் பிரித்தானியா நாட்டுத் தலைவியாக மாண்புமிகு இரண்டாம் எலிசபெத் மகாராணியார் விளங்குகின்றார்.

பிரிட்டனின் 6ஆம் ஜோஜ் மன்னருக்கும் அவரது துணைவியார் எலிசபெத் மக்காராணிக்கும், மூத்த பிள்ளையாக 1926 ஆம் ஆண்டு
ஏப்பிரல் மாதம் 21ம் திகதி பிறந்தார். அவருக்கு அப்போது எலிசபெத் அலெக்ஸாண்ட்ரா மேரி என்ற பெயர் சூட்டப்பெற்றது. 1952ஆம் ஆண்டு பிரித்தானிய மன்னராக இருந்த இவரது தந்தை காலமான நிலையில் 26 வயதிலேயே பிரிட்டிஷ் சாம்ராஜ்யத்தின் மகாராணியாக இரண்டாம் எலிசபெத் மகாராணி என்ற பெயருடன் முடிசூடிக்கொண்டார்.

பிரிட்டனில் நூற்றாண்டுகள் காலம் பரிணாம வளர்ச்சிக் கண்டுள்ள அரசியல் சாசன கடமைகளையும், பிரதிநிதித்துவப் பொறுப்புகளையும் மகாராணி இரண்டாம் எலிசபெத் நிறைவேற்றிவருகிறார்.

இவ் வைர விழா கொண்டாட்டங்களின் ஆரம்பத்தை அறிவிப்பதற்காக லண்டன், எடின்பரோ, கார்டிஃப் பெல்ஃபாஸ்ட் ஆகிய இராஜ்ஜியத் தலைநகரங்களில் 41 தடவை பீரங்கி வேட்டு தீர்க்கும் இராணுவச் சடங்கு மேற்கொள்ளப்பட்டது.

நேற்று 02.06.2012 சனிக்கிழமை லண்டன் அருகேயுள்ள டார்பியில் நடக்கும் குதிரைப் பந்தயத்தில் மகாராணி குடும்பத்தாரோடு கலந்துகொண்டுள்ளார்.

மகாராணி முன்னிலையில் பிரிட்டனின் முன்னணி ஓபரா இசைப் பாடகி கேதரின் ஜென்கின்ஸ் எ டே ஐவில் நெவர் ஃபர்கெட் என்ற பிரிட்டனின் தேசிய கீதத்தைப் பாடினார்.

ஞாயிறு லண்டனில் ஓடும் தேம்ஸ் நதியில் கடந்த முந்நூற்று ஐம்பது ஆண்டுகளில் இல்லாத ஒரு மாபெரும் படகு ஊர்வலம் ஏற்பாடு செய்யப்பட்டுள்ளது.

ஆயிரம் படகுகள் அணிவகுக்கவுள்ள இந்த ஊர்வலத்தில் மகாராணியும் ஒரு படகில் பயணிக்கவுள்ளார்.

திங்களன்று முன்னணி இசைக்கலைஞர்கள் பங்குபெறும் பிரம்மாண்ட கச்சேரி ஒன்று பங்கிங்ஹாம் அரண்மனைக்கு வெளியே ஏற்பாடு செய்யப்பட்டுள்ளது.

செவ்வாய்க்கிழமையன்று இராணுவ அணிவகுப்புடன் கூடிய ஊர்வலத்தில் ராணி பங்கேற்கிறார்.

கொண்டாட்டங்களின் நிறைவாக பக்கிங்ஹாம் அரண்மனை அருகே வானவேடிக்கை நிகழ்ச்சியும் நடக்கவிருக்கிறது.

இந்தக் கொண்டாட்ட காலம் முழுதும் பிரிட்டனில் அரசு விடுமுறை தினங்களாக அறிவிக்கப்பட்டு பாடசாலைகளும் அலுவலகங்களும் மூடப்பட்டுள்ளன.

ஏராளமான வீதி விருந்துகளும் பொது நிகழ்ச்சிகளுமாக பிரிட்டன் விழாக்கோலம் பூண்டுள்ளது.

பிரிட்டனின் மகா ராணியார் இரண்டாம் எலிசபெத்தின் வைரவிழா கொண்டாட்டங்கள் கோலாகலமாக இடம்பெற்றுவரும் நிலையில், அபிப்பிராய வாக்கெடுப்பில் பிரிட்டனின் புகழ்பெற்ற மன்னர்கள், மகாராணிகள் வரிசையில் எலிசபெத்தே முன்னணியில் திகழ்வதாக த டெலிகிராப் பத்திரிகை நேற்று தெரிவித்திருக்கிறது. .

பிரிட்டனில் முடியாட்சி தொடர்ந்து இருக்க வேண்டுமென 55 சதவீதமான வாக்காளர்கள் கருதுவது இந்த அபிப்பிராய வாக்கெடுப்பின் மூலம் வெளிவந்திருக்கிறது. 28 சதவீதமானோர் மட்டுமே நாடு குடியரசாக மாறவேண்டும் என்ற அபிப்பிராயத்தைக் கொண்டிருக்கின்றனர். மகாராணி எலிசபெத்திற்குப் பின்னர் இளவரசர் சார்ள்ஸே முடிசூடவேண்டுமென 58 சதவீதமானோர் கருதுகின்றனர்.

ஆனால், 35 சதவீதமானோர் கேம்பிரிட்ஜ் கோமகன் (வில்லியம்) பதவியேற்க வேண்டுமென விரும்புகின்றனர். முடிக்குரிய இளவரசர் சார்ள்ஸ் மன்னராக முடிசூடினாலும் அவரின் மனைவியான கோர்ன் வோல் சீமாட்டி கமீலா மகாராணியாகமாட்டார் என 61 சதவீதமானோர் நம்புகின்றனர்.

பிரிட்டிஷ் ஆட்சியில் சிறப்பான மன்னர் மற்றும் மகாராணிகள் யார் என்ற போட்டியில் தற்போதைய மகாராணி இரண்டாம் எலிசபெத்தே முன்னணியில் விளங்குகிறார். அவருக்கு 35 சதவீத வாக்குகள் கிடைத்துள்ளன. எலிசபெத்தின் பூட்டியான விக்டோரியா மகாராணிக்கு 24 சதவீத வாக்குகள் கிடைத்துள்ளன. 

இவர்களின் மூதாதையரான முதலாம் எலிசபெத்திற்கு 15 சதவீதமான ஆதரவே கிடைத்திருக்கிறது. எட்டாம் ஹென்றி மன்னருக்கு 3 சதவீத வாக்குகளும் ஐந்தாவது ஹென்றிக்கு ஒரு சதவீத வாக்கும் கிடைத்துள்ளன. இந்த வரிசையில் மூன்று மகாராணிகளுமே முன்னணியில் விளங்குகின்றனர்.

வைரவிழா ஆரம்பமான நிலையில் எப்சம் டேர்பையில் 1 1/2 இலட்சத்திற்கும் மேற்பட்ட மக்கள் வந்து குழுமியிருந்தனர். பந்தயங்களைப் பார்த்து ரசிப்பது மகாராணிக்கு மிகவும் விருப்பமான விடயமாகும்.  வைரவிழாவை முன்னிட்டு பல போட்டி நிகழ்ச்சிகள் இடம்பெறுகின்றன. இந்நிகழ்ச்சிகளை மகாராணியும் எடின்பேர்க் கோமகனும் (மகாராணியின் கணவன் இளவரசர் பிலிப்) கண்டுகழித்து வருகின்றனர்.

இவர்களுடன் மகாராணியின் இரண்டாவது மகன் யோக் கோமகனான இளவரசர்  அன்ரூவும் அவரின் மகள்மாரான பியட்ரிஸ் யூஜின் மற்றும் வெசைக்ஸ் பிரபு, சீமாட்டி ஆகியோரும் இவர்களுடன் நிகழ்வுகளில் பங்கேற்றுள்ளனர்.

கிராமங்கள் பட்டணங்கள் நகரங்களில் பாரியளவு நிகழ்ச்சிகள் இடம்பெறுகின்றன. வீதிகளில் விருந்து வைபவங்களும் இடம்பெறுவதுடன் தலைநகர் லண்டன் சிறப்பாக அலங்கரிக்கப்பட்டிருக்கிறது.

இன்று திங்கட்கிழமை பக்கிங்ஹாம் அரண்மனைக்கு வெளியிலே முன்னணி இசைக் கலைஞர்கள் பங்கு கொள்ளும் இசைக் கச்சேரி இடம்பெறவுள்ளது. நாளை இராணுவ அணி வகுப்புடன் கூடிய ஊர்வலத்தில் மகாராணி பங்கேற்கவுள்ளார். தொடர்ந்து வான வேடிக்கையும் இடம்பெறவுள்ளதுடன் ஐக்கிய இராச்சியத்திலும். உலகின் பலபாகங்களிலுமாக 400 தீபங்கள் ஏற்றப்படவுள்ளன.

டொங்கிங் வீதியில் நடைபெறவுள்ள வைர விழா கொண்டாட்டத்தில் பிரதமர் டேவிட் கமரூன் கலந்து கொள்வார்.

பிரிட்டிஷ் மகாராணியார் இரண்டாம் எலிசபெத்தின் வைர விழாக் கொண்டாட்டங்கள் சனிக்கிழமை பிரிட்டனில் மாத்திரமன்றி அதன் முன்னாள் காலனிகளிலும் பல்வேறு நிகழ்ச்சிகளுடன் இடம்பெறுகின்றன.

இதேவேளை, பிரிட்டிஷ் மகாராணியார் ஒருபோதும் முடிதுறக்க மாட்டார் என அவரின் நெருங்கிய நண்பர்கள் கூறியுள்ளனர். தனது ஆயுள் முழுவதும் அவர் நாட்டிற்கு சேவையாற்றுவார் என்றும் அதில் அவர் உறுதியாக இருப்பதாகவும் அவர்கள் தெரிவித்துள்ளனர். 

பிரிட்டனின் வரலாற்றில் வைர விழா கொண்டாடும் இரண்டாவது அரசியாக எலிசபெத் விளங்குகிறார். அவரின் பூட்டியான விக்டோரியா மகாராணியே முதலாவதாக வைர விழாவைக் கொண்டாடியிருந்தார். பிரிட்டனுக்குக் கிடைத்த அசாதாரணமான கொடை “என கன்டர்’பரி பேராயர் மகாராணியை வர்ணித்திருக்கிறார்.

பிரிட்டிஷ் பிரதமர் டேவிட் கமரூன் மகாராணியை மிகவும் சாதுரியமானவரும் பொறுப்புணர்வு, சகிப்புத்தன்மை கொண்டவரும் என வர்ணித்திருக்கிறார்.

அதேசமயம் முடிவுக்குரிய இளவரசர் சாள்ஸ் தனது தாயாரை அற்புதமான தாய் என்று வர்ணித்திருக்கிறார்.

இந்த வாரம் முழுவதும் பிரிட்டனில் பல்வேறு நிகழ்வுகள் இடம்பெறவுள்ளன. சிறுவர்கள் நிகழ்வுகளும் பல்வேறு இடங்களில் இடம்பெறவுள்ளன.

தனது தந்தையார் ஆறாம் ஜோர்ஜ் மன்னர் இறந்ததை அறிந்துகொண்டு அதன் பின்னர் அவர் மகாராணியாகப் பதவியேற்ற வரலாற்று முக்கியத்துவம்வாய்ந்த புகைப்படங்கள் பல ஊடகங்களில் முக்கியத்துவம் கொடுத்து பிரசுரிக்கப்பட்டுள்ளன.

இதேவேளை, பிரிட்டனின், பிக்பென் கோபுரத்திற்கு மகாராணி எலிசபெத்தின் பெயரைச் சூட்டுவதற்கு பாராளுமன்றத்தின் ஆதரவு கோரப்பட்டுள்ளது.

மகாராணியின் பெறுமதிமிக்க ஆபரணங்களில் சில

கீழே உள்ள படத்தில் நடுவே வில்லியம்சன் பிங்க் என்றழைக்கப்படும் உலகின் மிக அபூர்வமான வைரக்கல்


Page 5 of 9

முத்துமாரி அம்மன் ஆலயம்

ஞான வேலாயுதர் ஆலயம்

சித்தி விநாயகர் ஆலயம் - சாந்தை

சம்புநாதீஸ்வரர் ஆலயம்

காடேறி ஞானபைரவர் ஆலயம்