Friday, Nov 17th

Last update02:47:21 AM GMT

தலைப்புச் செய்திகள்:
You are here: பல்சுவை

இனி அவன் - திரை விமர்சனம்

E-mail Print PDF

இலங்கையர்களால் தயாரிக்கப்பட்ட தமிழ் திரைப்படமான 'இனி அவன்' இம்முறை கொழும்பில் இடம்பெறும் 2012ஆம் ஆண்டுக்கான ஐரோப்பா திரைப்பட விழாவில் முதல் படமாக காண்பிக்கப்பட்டது. இது தவிர ஏற்கனவே கேன்ஸ் திரைப்பட விழா, டொரொன்டோ திரைப்பட விழா, லண்டன் திரைப்பட விழா போன்றவற்றிலும் இப்படம் திரையிடப்பட்டுள்ளமை குறிப்பிடத்தக்கது.

இந்திய சினிமா என்ற மாயையிலிருந்து விடுபட்டு இப்படத்தினை பொறுத்தளவில் ஒப்பீடு கடந்த பார்வை எம்மவர்களை வளர்க்க உதவும். ஏனெனில் சினிமா தொழில்நுட்பங்களில் பின்தங்கிய நிலையில் இருக்கும் இலங்கையில் இவ்வாறானதொரு முயற்சி நிச்சயம் வரவேற்கப்படவேண்டியவை என்பதை மனதில் நிறுத்த முயற்சிப்பது நன்று.

இலங்கையின் முன்னணி இயக்குனர்களில் ஒருவரான அசோக ஹெந்தகமவின் இயக்கத்தில் வெளிவந்திருக்கும் இத்திரைப்படம், யுத்தத்திற்கு பின்னர் விடுதலைப் புலிகள் இயக்கத்திலிருந்து உயிருடன் திரும்பி வந்து தனது ஊரிலேயே சாதாரணமான வாழ்க்கையை தொடரவிரும்பும் ஒரு இளைஞனின் கதை.

பஸ் ஒன்று மெதுவாக யாழ்ப்பாணத்திலுள்ள ஒரு கிராமத்திற்குள் நுழைய ஆரம்பிப்பதுடன் படமும் மெதுவாக நகருகிறது. முன்னாள் போராளியான இளைஞனுக்கு (தர்ஷன் தர்மராஜ்) அவனது ஊரில் தாயை அவனது காதலியையும் தவிர ஏனையவர்கள் அவனது மனநிலையை புரிந்துகொள்ளாமல் நடந்துகொள்கிறார்கள்.

ஆனால் எப்படியாவது தனது குடும்பத்துடன் சேர்ந்து நிம்மதியான வாழ்க்கையை வாழ போராடுகிறான். இந்நிலையில் நகைக்கடையொன்றில் வேலை கிடைக்கிறது. பின்னர் அக்கடை முதலாளியும் வெளிநாடுகளில் வாழும் இவனது பழைய நண்பர்களும் இணைந்து மீண்டும் ஆயதக்கலாச்சரத்திற்கு நாயகனை தள்ளிவிடுகிறார்கள்.

தொடர்ந்து நாயகன் அதிலிருந்து மீண்டானா? அல்லது மாண்டானா? என்பதை நேர்த்தியான திரைக்கதை மூலம் சொல்லிமுடித்திருக்கிறார் இயக்குனர்.

படத்தின் பிரதான கதாநாயகனாக மிளிர்கிறது ஒளிப்பதிவு. யாழ்ப்பாணத்தினை காட்டிய விதம் படம் முழுவதிலும் இயற்கையுடன் ஒன்றிப்போகச் செய்கிறது. இதனால் படம் என்ற உணர்வை தாண்டி நிற்பதுடன் மனதையும் கனக்கச்செய்கிறது. இரவு நேர கடற்கரை காட்சி ஒன்றில் இடம்பெற்றுள்ள லைட்டிங் தவிர ஏனையவை சிறப்பு.

அத்துடன் முன்னாள் விடுதலைப் போராளியாக வரும் கதையின் நாயகனின் கதாபாத்திரம் சித்தரிக்கப்பட்டுள்ள விதம் அனைவரையும் கவருகிறது. அளவான பேச்சினால் ஒரு சில இடங்களில் திரையரங்கில் சிரிப்பலையை ஏற்படுத்துவதுடன் தான் அடக்கி வைத்திருக்கும் உணர்வுகள் மற்றும் ஆதங்கங்களை வெளிப்படுத்திய விதமும் அருமை. மீண்டும் தவறுதலாக ஆயுதக் கலாச்சாரத்திற்கு சென்றதை உணர்ந்துகொண்ட போது ஏற்படுகின்ற பரிதவிப்பையும் சிறப்பாக காட்டுகிறார்.

இவர்கள் தவிர ஏனைய கதாபாத்திரங்களும் தேவையானதை செய்து படத்தினை ரசிக்க உதவியிருக்கிறார்கள். குறிப்பாக சுபாஷினி பாலசுப்ரமணியம், நிரஞ்சனி சண்முகராஜா பாத்திரத்தினை உள்வாங்கிருக்கியிருக்கிறார்கள். படத்தின் இசையும் மொழிமாற்றம் செய்யப்பட்ட ஆங்கில வசனங்களும் சில இடங்களில் படத்துடன் ஒன்றிப்போகவில்லை. திரையரங்கில் ஏற்பட்ட கோளாறு போலவும் தெரிந்தது. இருப்பினும் ஒன் லொக்கேசன் இசை படத்திற்கு உயிரோட்டமாய் அமைகிறது.

வசனங்கள் குறைவு என்றாலும் யதார்த்தமாகவும் அர்த்தம் பொதிந்தவையாகவும் இருக்கிறது. குறிப்பாக பிரபாகரனை கேள்வியா கேட்டிங்க?, பிரபாகரன் வென்றிருக்கலாம் என்ற இடங்கள் பன்ச் ரகமாய் அமைகிறது.

நிறைகள் அதிகமிருந்தபோதிலும் சில குறைகளும் இருக்கத்தான் செய்கிறது. இயக்குனரின் திரைக்கதையிலிருக்கும் நேர்த்தி முதல் அரை மணி நேரத்திற்கு எடிட்டிங்கில் இல்லாமல் போனது திரைக்கதையை மிக மெதுவாக நகரச்செய்வது வருத்தம்.

இதுமட்டுமன்றி ஒப்பனை ஒரு சில இடங்களில் செயற்கை என்பது அப்பட்டமாக தெரிகிறது. அதிலும் நிரஞ்சனி சண்முகராஜாவின் மேல் பூசப்பட்டுள்ள கருப்பு சாயம் பட்டும் படாமல் இருக்கிறது. இயல்பான படமொன்றிக்கு ஒப்பனையில் இன்னும் கொஞ்சம் அதிகமாவே உழைத்திருக்கலாம்.

இயக்குனரின் தமிழர்களின் மீதான பார்வை பல இடங்களில் சிறப்பாக பளிச்சிடுகிறது. மோட்டார் சைக்கிள் பழுதடைந்த நிலையில் நாயகனுக்கு உதவ ஒரு சிங்கள வாகன ஓட்டுனர் கேட்க பதிலேதும் இல்லாமல் திருத்த வேலையை தொடர மோட்டார் சைக்கிளின் கோளாறும் திருத்தப்பட்டுவிடும். பின்னர் அந்த சிங்கள நண்பருக்கு நன்றி சொல்லி வழியனுப்புகிறார்கள். இந்த இடத்தில் நாயகனுடன் சேர்த்து தமிழர்களின் தன்னம்பிக்கையையும் வெளிப்படுத்துவதாய் ஒரு உணர்வை ஏற்படுத்தியிப்பது மகிழ்ச்சி.

அத்துடன் ஊசியால் குத்தி இரத்தத்தினால் பொட்டு வைத்து விதவைக்கு வாழ்வளிக்கும் காட்சி என தமிழர்களின் என வீரத்தையும் உணர்வுகளையும் ஒரு சிங்கள இயக்குனராக இருந்தும் அவற்றை கையாண்டுள்ள விதம் வரவேற்கத்தக்கது.

ஆனாலும் தமிழர்கள் அழிவதற்கு அவர்களே காரணமாகின்றனர் என நாசுக்காக காட்டியிருக்கும் இயக்குனர் இறுதியில் மீண்டும் யுத்தத்தை முன்னெடுக்கும் முயற்சிகளை கைவிட்டதாக காட்டாமல் போனது சற்றே நெருடலை ஏற்படுத்துகிறது. மேலும் படத்தின் முடிவில் வரும் எழுத்தோட்டத்தில் இனியவன் என்று சிங்களத்தில் வருவதை கவனத்தில் எடுத்திருக்கலாம்.

மொத்தத்தில் யுத்தத்தினை அனுபவித்தவர்கள் மீண்டுமொரு யுத்தத்தினை விரும்பவில்லை என்பதை உணர்த்தி நாயகன் ஒரு பக்கம் விரைந்து செல்ல கெமரா வானத்தை நோக்கி சென்று ஓங்கி வளர்ந்திருக்கும் பனமரங்களை காட்டியவாறு தமிழர்கள் தலை நிமிர்ந்து வாழ்வார்கள் என்பதை உணரவைத்து இனியவனாய் முடிகிறது இந்த 'இனி அவன்'.

உறவுக்காரரை மணக்கிறார் த்ரிஷா?

E-mail Print PDF

கொலிவுட்டில் ராணா, விஷால் போன்ற நடிகர்களுடன் இணைத்து நடித்த த்ரிஷா பல கிசுகிசுக்களின் மத்தியில், தனது உறவுக்காரரை மணக்க இருக்கிறார்.

ராணா, விஷால் கிசுகிசு மத்தியில், ராணாவை திருமணம் செய்யப் போவதாக வதந்திகள் பரவின. அதற்கு த்ரிஷா நாங்கள் இருவரும் வெறும் நண்பர்கள் மட்டுமே என்று கூறி வதந்திக்கு முற்றுப்புள்ளி வைத்தார்.

ஆனால் இப்போது த்ரிஷா இந்த ஆண்டு இறதிக்குள் கண்டிப்பாக திருமணம் செய்து கொள்கிறார் என்ற செய்திகள் மீண்டும் வெளியாகியிருக்கிறது.

ஆனால் சினிமாக்காரர்கள் யாரும் அவரது மனதில் இல்லையாம். அவரது உறவுக்காரர் ஒருவர்தான் த்ரிஷாவை திருமணம் செய்து கொள்கிறாராம்.

இரண்டு குடும்பத்துக்கிடையிலான பேச்சுவார்த்தைகள் நடந்து முடிந்து விட்டதாம்.

தற்போது த்ரிஷா பூலோகம், என்றென்றும் புன்னகை, ரம் படங்களில் நடித்து வருகிறார்.

மேலும் யாராவது புதிய படங்கள் சம்பந்தமாக அவரை தொடர்பு கொண்டால், கைவசம் உள்ள படங்கள் அனைத்தும் திரைக்கு வந்த பின்பு தான் புதிய படங்களில் நடிப்பது பற்றி யோசிப்பேன் என்று நாசுக்காக பதில் கொடுத்து நழுவிக்கொண்டு வருகிறார்.

அதேசமயம், தான் திருமணம் செய்து கொள்கிற சமாச்சாரம் சம்பந்தப்பட்ட பட நிறுவனங்களுக்கு தெரிந்து விட்டதால், இந்த செய்தியை இப்போதைக்கு வெளியிட வேண்டாம்.

இதனால் உங்களது படங்களின் வியாபாரம் தான் பாதிக்கும் என்று கூறி அவர்களின் வாயடைத்து வைத்திருக்கிறார் த்ரிஷா.

காதலியின் உள்ளக் குமுறல் - நான்தான் அவள்

E-mail Print PDF


நீ
என் தேகத்தின் மேல்
கொண்ட மோகத்தினால்
என் மனதை
காதல் வார்தையால்
வசப்படுத்தி
மானத்தைச் சிதைத்து
தலை கோணச் செய்து விட்டாயே!

பூவின் தேனைச் சுவைத்து
மற்ரொரு பூவினைத் தேடும்
கருவண்டினைப் போல்
என் வாழ்வினை கேள்விக்குறியாக்கி
என் குடும்பத்திற்கு இழுக்கினை
உண்டாக்கி விட்டு....
உன் இச்சைக்கு
மறு துணை தேடுகிறாயோ?

இதோ வருகிறேன் விளையாட!!
காதல் விளையாட்டா?
மரண விளையாட்டு...
புலியினை முறத்தினால்
விரட்டிய வீரத்தமிழச்சியின்
வம்சமடா நான்!
தன் மானம் சிதைத்தவனை
உயிரோடு சிதைக்காமல்
சிதையில் விழமாட்டேன்!

பெண்
கொஞ்சி மகிழ்ந்தால் மலர்...
கொதித்து எழுந்தால் புயல்...
நீயும் உணர்வாய் என் காலடியில்
உன் உயிரினை விடிகையில்...
இதோ வருகிறேன் !
நான்

பிரெண்ட்ஸ் பிக்சர்ஸ் தயாரிக்கும் படம் ‘சொல்ல மாட்டேன்’.

E-mail Print PDF

05.03.2013

புதுமுகங்கள் சக்தி, ஜிஸ்மி, ஆதிரா, ஆதித்யா, ஜித்தன் நடிக்கின்றனர்.

ஒளிப்பதிவு, பாலு இசை, ராஜேஷ்மோகன் கதை, திரைக்கதை, வசனம், பாடல்கள் எழுதி இயக்கும் என். பி. இஸ்மாயில் கூறும்போது, ‘தன்னை கொடூரமாக கொலை செய்தவர்களைப் பழிவாங்க, கல்லாக மாறிய ஒருவரைப் பற்றிய திகில் கதை கல் பேசும் கிராபிக்ஸ்.
காட்சிகள் 20 நிமிடங்கள் இடம்பெறுகிறது. 15 ஆம் திகதி ரிலீசாகிறது’ என்றார்.

‘கோச்சடையான்’ திருப்புமுனையாக அமையும் - ரஜினிகாந்த்

E-mail Print PDF

என் சினிமா பயணத்தில் கோச்சடையான் படம் திருப்புமுனையாக அமையும் என நடிகர் ரஜினிகாந்த் வியாழக்கிழமை தெரிவித்தார்.

ஈராஸ் இன்டர்நேஷனல் தயாரிப்பில் ரஜினிகாந்த், ஜாக்கிஷராப், சரத்குமார், தீபிகா படுகோன் உள்ளிட்டோர் நடிக்கும் கோச்சடையான் படத்தின் படப்பிடிப்பு கடந்த ஆண்டு லண்டன் பைன்வுட் ஸ்டூடியோவில் தொடங்கி திருவனந்தபுரம் உள்ளிட்ட பல இடங்களில் நடைபெற்றது.

கடந்த சில மாதங்களாக லண்டன், சென்னை ஆகிய இடங்களில் கோச்சடையான் படத்தின் போஸ்ட் புரொடக்ஷன் பணிகள் நடைபெற்று முடிவடைந்தன.

இந்நிலையில் நடிகர் ரஜினிகாந்த் படத்தின் கதாசிரியர் கே. எஸ். ரவிக்குமார், படத்தின் இயக்குநர் செளந்தர்யா, ஆர். அஷ்வின் உள்ளிட்ட படக் குழுவினர் கோச்சடையான் படத்தை வியாழக்கிழமை பார்த்தனர்.

படத்தைப் பார்த்த ரஜினிகாந்த் படத்தின் இயக்குநரும் தன் மகளுமான செளந்தர் யாவை வெகுவாக பாராட்டியதுடன் தன் சினிமா பயணத்தில் கோச்சடையான் படம் மைல்கல்லாக அமையும் என தெரிவித்தார்.

தமிழ், தெலுங்கு, ஹிந்தி ஆகிய மொழிகளில் தயாராகும் கோச்சடையான் படத்தின் இறுதிக் கட்ட வேலைகளான டப்பிங், ரீரெக்கார்டிங், ஸ்பெஷல் எஃபெக்ட்ஸ் உள்ளிட்ட பணிகள் மார்ச் மாதம் 15ம் திகதி தொடங்கி லொஸ் ஏஞ்சல்ஸ், லண்டன், ஹொங்கொங் ஆகிய இடங்களில் நடைபெறும் என நடிகர் ரஜினிகாந்த் தரப்பில் தெரிவிக்கப்பட்டுள்ளது.

காஜலை அறிமுகப்படுத்தியதற்காக வெட்கப்படுகிறேன் : பாரதி ராஜா

E-mail Print PDF

14.02.2013

காஜல் ஆகர்வால் திமிர் பிடித்தவர், யாரையும் மதிக்கமாட்டார் அவரை அறிமுகப்படுதியதை எண்ணி வருத்தப்படுகின்றேன் என இயக்குனர் பாரதி ராஜா தெரிவித்துள்ளார்.

அண்மையில் காஜல் ஆகர்வால் பத்திரிகை ஒன்றிற்கு பேட்டியளிக்கையில், தமிழில் நடிகர்களுக்குத்தான் மதிப்பு. நடிகைகளுக்கு மதிப்பே இல்லை. தெலுங்கில் தான் நடிகைகளுக்கு மதிப்பு இருக்கிறது என்று கூறினார்.

இந்த கருத்திற்கு பலதரப்பட்ட தரப்பிலிருந்து எதிர்ப்புக்கள் கிளம்பியுள்ள நிலையிலேயே இயக்குனர் பாரதி ராஜா மேற்படி கூறியுள்ளார்.

காஜல் குறித்து பாரதிராஜா கருத்து தெரிவிக்கையில்இ அந்த பொண்ணு ரொம்ப திமிர் பிடித்தவர். யாரையும் மதிக்காதவர். நான் அவரை அறிமுகப்படுத்தியதற்காக வெட்கப்படுகிறேன் என்று கூறியுள்ளார்.

பொம்மலாட்டம் படத்தின் மூலம் காஜல் ஆகர்வாலை அறிமுகம் செய்துவைத்தவர் இயக்குனர் பாரதி ராஜா என்பது குறிப்பிடத்தக்கது.

Page 7 of 84

முத்துமாரி அம்மன் ஆலயம்

ஞான வேலாயுதர் ஆலயம்

சித்தி விநாயகர் ஆலயம் - சாந்தை

சம்புநாதீஸ்வரர் ஆலயம்

காடேறி ஞானபைரவர் ஆலயம்