Tuesday, Nov 13th

Last update09:02:59 PM GMT

You are here: வாழ்த்துக்கள்

சமூக நலப்பணி - தமிழ் தம்பதியினருக்கு "இராணி" விருது - நியூசீலந்து

E-mail Print PDF




நியூ சீலந்து அரசால் வருடாந்தம் வழங்கப்படும் "மகாராணி விருது" ஒக்லந்தைச் சேர்ந்த தமிழ்த் தம்பதிக்கு இம்முறை வழங்கப்பட்டுள்ளது.

ஜோர்ஜ் அருளானந்தம், அவரது துணைவியார் ஆன் உமா ஆகியோரே இந்த விருதினைப் பெற்றுச் சாதனை படைத்துள்ளனர். தமிழ்ச் சமூகத்திற்கான கல்விச் சேவைக்காக ஜோர்ஜுக்கும் சமூக சேவைக் காக உமாவுக்கும் இந்தக் கௌரவம் கிடைக்கப் பெற்றுள்ளது.

1998 இல் நியூ சீலந்தில் குடியேறிய ஜோர்ஜ் அக்காலப்பகுதியில் இங்கு அகதிகளாகத் தஞ்சம் புகுந்த தமிழ் மக்கள் முறையாகத் தம் வாழ்க்கையினை ஆரம்பிக்கும் வகையில் உகந்த நடவடிக்கைகளைமேற்கொண்டார்.

இவரது சீரிய பணிகள் இவரை நியூ சீலந்துத் தமிழ்ச் சங்கத்தின் தலைவராக்கியதுடன் தமிழ்ச் சங்கத்தின் பணியினை மேலும் சிறப்பாக்கியது.,தமிழின் மீதும் தாயக மக்கள் மீதும் மிகுந்த நேசம் கொண்ட ஜோர்ஜ் இங்குள்ள தமிழ் மக்களுக்காகவும் தாயகத்திலிருந்து வரும் மக்களுக்காகவும் பல பொது அமைப்புகளில் இணைந்து அதில் பல முக்கிய பதவிகளை வகித்ததுடன் பல அரிய சேவைகளை மின்னாமல் முழங்காமல் பெற்றுக்கொடுத்துள்ளார்.

Ethnic Voice of New Zealand ,Tamil Community Education ,Consortium of Tamil Associations ,New Zealand Refugee Council,Auckland Regional Ethnic Council,Asian Social Services New Zealand, நியூ சீலந்துத் தமிழ்ச் சங்கம் ஆகிய அமைப்புகளில் முறையே நிறைவேற்றுப் பணிப்பாளர் குழு உறுப்பினர் ,பணிப்பாளர் சபை உறுப்பினர் ,இணைப்பாளர்,தலைவர் போன்ற பல பதவிகளை வகித்தார். இந்தப்பதவிகள் மூலம் நியூ சீலந்தில் குடியேறிய தமிழ் அகதிகளுக்கு குடியேற்றம் மற்றும் புது வாழ்க்கைமுறைமை தொடர்பான பல கருத்தரங்குகளை அரச அரசசார்பற்ற நிறுவனங்களின் உதவியுடன் நடத்தினார். இவற்றில் போரின் தாக்கத்தால் பாதிக்கப்படவர்களுக்கு இவர் ஏற்படுத்திக்கொடுத்த உள வளப் பயிற்சிச் செயலமர்வுகள் குறிப்பிடத்தக்கவை .

இவர் அமைத்த குடிவரவுக்குழு இங்கு வரும் தமிழ் மக்களுக்கும் அதே வேளை இங்கு குடியேறும் தமிழர்களின் பிரச்சனைகளை குடிவரவுத் திணைக்களம் அறிந்துகொள்ளவும் தக்க பயனுள்ளதாக அமைத்தது எனில் மிகையன்று. நியூ சீலந்துப் பாராளுமன்றத்தில் பயங்கரவாதத் தடைச்சட்ட மூலம் சமர்பிக்கப் பட விருந்த வேளை ஜோர்ஜ் இங்குள்ள தமிழ்க் கல்விமான்களை யுள்ளடக்கிய ஒரு குழுவினை அமைத்து விடுதலைப்புலிகளைத் தடைசெய்வதற்கு எதிரான சந்திப்புக்களை ஏற்பாடு செய்தார்.

அத்துடன் இலங்கைத் தமிழ் நாடாளுமன்ற உறுப்பினர்களையும் இங்கு வரவழைத்து நியூ சீலந்தின் முக்கியபிரமுகர்களுடன் பேசவைத்தார். நியூ சீலந்து, தமிழ் ஈழ விடுதலைப்புலிகளைத் தடை செய்யாமைக்கு இவை வழிவகுத்தன. நியூ சீலந்தின் தமிழ் அமைப்புகளின் ஒன்றியத்திற்குத் தலைமை தாங்கி இலங்கையின் மனித உரிமைகள் தொடர்பான விடயங்கள் பற்றிய கருத்தாடல்களை இங்குள்ள பாராளுமன்ற உறுப்பினர்கள் மற்றும் அரசசார்பற்ற நிறுவனங்களுடன் நடத்தி தமிழர்களின் சுயநிர்ணய உரிமை பற்றியும் தனிநாட்டுக் கோரிக்கை பற்றியும் விளக்க ஏற்பாடுகள்செய்தார்.

கலாசார ஒருங்கிணைப்பும் பரிமாற்றமும் தொடர்பான கருத்தாடல்களை இங்குள்ள சமூகங்களுக்கிடையில் நடத்துவதில் முன்னின்றார். 2003 இல் இவர் ஆரம்பித்த தமிழ்ச் சமூகத்திற்கான கல்வி அமைப்பு மூலம் அமைக்கப்பெற்ற பூங்கா பாடசாலை -மழலைகள் முதல் வயதானோர் வரையிலான பல கல்விச் செயற்பாடுகளை வழங்கிவருகின்றமை குறிப்பிடத்தக்கது. இதன் முக்கிய அம்சமாக சர்வதேச ரீதியிலான தமிழ் அறிவுப்போட்டிகளும் பரீட்சைகளும் நடைபெற்றுவருகின்றன. நியூ சீலந்தின் சிறப்புமிக்க தமிழ்ப் பாடசாலையாக இது இயங்கிவருவது குறிப்பிடத்தக்கது.

தனியார் நிறுவனம் ஒன்றில் பொறியியலாளராகப் பணியாற்றும் ஜோர்ஜ் அருளானந்தம் மானிப்பாய் இந்துக்கல்லூரியின் பழைய மாணவரும் பேராதனைப் பல்கலைக்கழகத்தின் இலத்திரனியல் மின்னியல் பொறியியற் பட்டதாரியுமாவார்.

இவரது துணைவியார் உமா 90 களின் இறுதிப்பகுதி முதல் இங்கு வரும் அகதிகளுக்கு அவர்களின் புது வாழ்விற்கான உதவிகளை வழங்குவதில் தொண்டராகச் செயற்பட்டு வந்தார். இவர் மவுண்ட்ரொஸ்கில் சமூக சபை உறுப்பினராகவும் அதன் தலைவராகவும் பணியாற்றினார். நியூ சீலந்து ஆசிய சமூக சேவை நிறுவனம் தேசிய அகதிகள் நிறுவனம் ஆகியவற்றின் உறுப்பினராகவும் பணியாற்றியுள்ளார். Auckland Refugee Community Coalition அமைப்பின் உப தலைவராக பணியாற்றிய வேளைஅகதிகள் சமூகங்களுக்கான முன்பள்ளிப் பாடசாலை ஏற்பாடுகளில் முக்கிய பங்காற்றினார்.

அகதிகள் மீள் குடியேற்றத்தை வலுப்படுத்தல் தொடர்பில் பல சமூகங்களையும் கொண்ட அகதிகள் பெண்கள் குழாம் ஒன்றை ஆரம்பித்தார். தமிழ் சமூகத்திற்கான கல்வி Tamil Community Education அமைப்பின் பூங்கா தமிழ்ப் பாடசாலையின் இணைப்பாளராகப் பணியாற்றிய இவர் நியூ சீலந்து ஆரம்பக்கல்விப் பாட விதானத்தைத் தழுவிய வகையில் தமிழ் மொழியைக் குழந்தைகளுக்குக் கற்பிக்கும் வகையில் முன்பள்ளியை இதில் ஆரம்பித்தார்.

இத் தமிழ்ப்பாடசாலை மூலம் இந்நாட்டின் கல்வி அமைச்சுடன் ஊடாட்டத்தை ஏற்படுத்திக் கொண்டார் ஆன் உமா ஜோர்ஜ் பல அரச சார்பற்ற நிறுவனங்களின் பிரதிநிதியாகப் பல வெளிநாட்டு மாநாடுகளிலும் கருத்தாடல்களிலும் கலந்துகொண்டுள்ளார்.சுனாமி அனர்த்தம் நிகழ்ந்த வேளை Association of Medical Doctors of Asia (AMDA) அமைப்பின் தொண்டராகத் தாயகம் சென்று பணியாற்றினார். இதுதொடர்பான ஆய்வுக்கட்டுரையை இவர் 2005 இல் ஜப்பானில் நடைபெற்ற அனர்த்த நிவாரணம் தொடர்பான மாநாட்டில் சமர்ப்பித்திருந்தார்.ஜெனீவாவிலுள்ள ஐ நாதலைமையகத்தின் அனைத்துலக மாநாட்டு நிலையத்தில் நடைபெற்றஅரசசார்பற்ற நிறுவனங்களுடனான ஆலோசனை அமர்விலும் கலந்துகொண்டார்.

சூரிச்சில் நடைபெற்ற ஜெனிவா கோல் 'Geneva Call'2006 மாநாட்டிலும் பங்குபற்றினார். Asian Pacific Refugee Right Network (APRRN) அமைப்பின் உறுப்பினரான இவர் தாய்லாந்தில் நடைபெற்ற அகதிகள் உரிமை தொடர்பான ஆலோசனை அமர்விலும் கலந்துகொண்டார். ஆசிரியையான ஆன் உமா ஜோர்ஜ் சமூக சேவையில் உள்ள ஆர்வம் காரணமாக சமூகப்பணியில் பட்டதாரியானார்.

ஜேசுநாதர் அவதாரமும் வரலாற்றுக் குறிப்பும் வீடியோ இணைப்பு

E-mail Print PDF

No automatic alt text available.

ஆதரவு அற்றோருக்கு அடைக்கலமாய்

அகிலம் முழுவதுக்கும் அன்புத் தெய்வமாய்

பாரம் சுமப்போருக்கு சுமைதாங்கியாய் வந்துதித்த

பாலன் யேசு பிறந்த இவ் இனிய நன்நாளை

நத்தார் பண்டிகையாக கொண்டாடும்

அன்பு உள்ளங்கள் அனைவருக்கும்

எங்கள் மகிழ்ச்சி பொங்கிய  நத்தார் வாழ்த்துக்கள்

panippulam.com

Read more...

இத்தாலியில் மருத்துவப் பட்டம் பெற்றுச் சாதனை புரிந்துள்ள ஈழத்துத் தமிழ்ப் பெண் ஞானசீலன் பிரியா

E-mail Print PDF

இத்தாலியில் முதன்முதலாக அதிக மதிப்பெண்களைப் பெற்று மருத்துவப் பட்டம் பெற்றுச் சாதனை புரிந்துள்ளார் ஈழத்துத் தமிழ்ப் பெண் ஞானசீலன் பிரியா

யாழ்.தீவகப் பகுதியான ஊர்காவற்றுறை, நாரந்தனையைச் சேர்ந்த ஞானசீலன் பிரியா (வயது-25) என்பவரே இச் சாதனையைப் புரிந்துள்ளார்.

பலேர்மோ மாநகரத்தின் மருத்துவத்துறையின் ஓர் பிரிவான Tecniche di Radiologia Medica per immagini e Radioterapia வில் அதிக புள்ளியான 110/110 lode பெற்று மருத்துவராகத் தேர்வு செய்யப்பட்டுள்ளார்.

இதேவேளை தான் இத்தாலியில் தமிழ் மாணவர்களுக்கு நடனம், தமிழ் மொழிப் பாடம் மற்றும் ஆங்கிலப் பாடங்களைக் கற்பித்து வருவதுடன், தொடர்ந்தும் தமிழ் மக்களுக்கும் மாணவர்களுக்கும் தன்னாலான சேவைகளை ஆற்றவுள்ளதாகவும் எமது செய்திச் சேவைக்கு ஞானசீலன் பிரியா தெரிவித்துள்ளார்.

இது இவ்வாறிருக்க இத்தாலியில் புலம்பெயர்ந்து வாழும் எமது மக்கள் அங்கு உணவகங்களிலும், கடைகளிலும், வீடுகளிலும் வேலை செய்து தமது வாழ்வாதாரத்தைக் கொண்டு செல்லும் நிலையில் இப் பெண்ணின் சாதனை மிகப் பெரிய சாதனையாகவே அமைந்துள்ளது.

தமிழ் மக்களின் ஒரேயொரு மூலதனமான கல்வி புலம்பெயர் நாடுகளிலும் புகுந்து சாதனை படைக்கும் அளவுக்கு முன்னேறியிருக்கின்றது என்பதற்கு ஞானசீலன் பிரியா ஓர் எடுத்துக்காட்டாக அமைந்துள்ளமை இங்கு சுட்டிக்காட்டத்தக்கது

அன்னையும் பிதாவும் முன்னறி தெய்வமாக இருந்தாலும்; அவர்களால் பின்னடிக்கு இடைஞ்சலா? ? ?

E-mail Print PDF

Image may contain: bird

தாம் கல்வி அறிவின்றி இருந்தமையால் இளம் வயதிலே அனுபவித்த பல வலிகளை தமது பிள்ளைகளும் எதிர்காலத்தில் அனுபவிக்க விடக்கூடாது என்ற உயர்ந்த நோக்குடன் அதிக நேரம் வேலை வேலை செய்து அவர்களை படிப்பிக்கின்றார்கள்.

தாம் மகிழ்வோடு குடும்பத்துடன் வாழக்கூடிய சூழ் நிலையிலும் தம் மகிழ்வை தம் குடும்ப ஈடேற்றத்திற்காக அர்ப்பணித்து ஓய்வின்றி சம்பாதிக்கும் அனைவரும் வலி இல்லாத நின்மதியான கடைசி கட்ட வாழ்கையையே எதிர்பார்க்கிறார்கள்.

பிள்ளைகள் முன்னேறிவிட்டால் தமது பிற்காலத்தில் தாங்களும் மதிப்பும், மரியாதையுமுடன் வாழலாம் என்ற அவாவில், ஒளிதரும் மெழுகு வர்த்திபோல் தம்மை உருக்கி உருக்கி உழைத்த முதியவர்கள் பலர் கவனிப்பாரற்று முதியோர் இல்லங்களிலும், கருணை இல்லங்களிலும், உறவினர் வீடுகளிலும் தஞ்சம் புகுந்து வாழ்வதை இன்று நாம் பார்க்கின்றோம்.

வயதான காலத்தில் தம் பிள்ளைகள் தம்மை கைவிட மாட்டார்கள் என்ற நம்பிக்கை அனேகமாக எல்லா பெற்றோர்களிடத்திலும் ஏற்படுவது இயல்பே. தாம் தம் பெற்றோருக்கு செய்ததை தமக்கும் தமது பிள்ளைகள் செய்வார்கள் என்ற நம்பிக்கையுடனே அவர்கள் வாழ்கின்றார்கள்.

ஆனால், அந்த பாக்கியம் எத்தனை பேருக்கு கிடைத்து விடுகிறது. அனேகமாக யாருக்காக அவர்கள் கஷ்டப் பட்டார்களோ அவர்களே துன்பமாகியும் விடுகின்றார்கள்.

பொதுவாக பெற்றோர்கள் இருவரும் ஒன்றாக சேர்ந்து பிள்ளைகளுடன் வாழ்வதையே விரும்புகின்றார்கள். அவர்களுக்கு தனிமை வேதனையைக் கொடுக்கின்றது. அதாவது கஸ்டப்பட்டு ஆக்கிய கூளை கூடியிருந்து குடிக்கும் பருவமது. ஆனால் வெளிநாடுகளிலும், உள்நாட்டிலும் தற்போதுள்ள தலைமுறையினரில் சிலர் தங்களின் நலனுக்காக அவர்களைப் பிரித்து வாழ வைக்கின்றனர். தனித்து வாழ விடுகின்றார்கள் அல்லது தவிக்க விட்டு விடுகின்றனர்.

தங்களுடைய தகுதிக்கும், அந்தஸ்திற்கும் தங்களோடு சேர்ந்து வாழ அவர்கள் தகுதியில்லை என்பதும். நாங்கள் எங்கள் பிள்ளைகளையே பார்க்க முடியாமல் இருக்கின்றோம் அவர்களைப் பார்க்க எங்களுக்கு நேரம் இல்லை என்பதும் காரணங்களாக கூறப்படுகின்றன.

முதியோருக்கு 2 பிள்ளைகளுக்கு மேல் இருந்துவிட்டால் அவர்கள் பாடு அதோகதிதான். மற்றப் பிள்ளைகள் வைத்திருந்தால் என்ன? இவர்கள் வைத்திருந்தால் என்ன? என்ற போட்டி தோன்றி கடைசியில் அவர்களைப் பார்ப்பதற்கு ஒருவருமே முன்வராத நிலையில் தாமாகவோ அல்லது எல்லாப்பிள்ளைகளும் சேர்ந்து அவர்களை முதியோர் காப்பகத்தில் அல்லது கருணை இல்லங்களில் சேர்த்து விட்டு தாம் சுக போலங்களை அனுபவிக்கின்றனர்.

அல்லது ஆளுக்கு ஒருவராக வைத்திருக்க முன்வருகின்றனர். அதிலும் தாய் கொஞ்சம் சுகதேகியாக இருந்து விட்டால் அவவை வீட்டு வேகைக்காரி போல் எடுக்க அதிலும் பிள்ளைகளுக்குள் போட்டி. அம்மா தலைமகன்/மகள் வீட்டில் ஒரு மாதம் இருந்தால், அப்பா இளையவன்/இளையவள் வீட்டில் இருப்பார். அடுத்த மாதம் இருவரும் இடமாறிவிடுகிறார்கள். இருவரையும் ஒரே வீட்டில் வைத்துப் பார்த்துக் கொள்ள பிள்ளைகள் சம்மதிப்பதில்லை. வயதான காலத்தில் பழைய அனுபவங்கள் பற்றி பேசி மகிழ்வதும், பேரக்குழந்தைகளுடன் விளையாடுவதும்தான் அவர்களுக்கு இன்பம். அந்த இன்பத்தைக் கூட பிள்ளைகள் பெற்றோருக்கு கொடுக்க மறுக்கின்றனர்.

இவ்வாறு ஏதாவது காரணம் சொல்லி தந்தையையும், தாயையும் பிரித்துவிடுகின்றனர். இல்லை என்றால் எங்களால் உங்களைப் பார்த்துக் கொள்ள முடியாது என்று முகத்தில் அடித்தது போல் கூறி அவர்களை முதியோர் இல்லத்தில் சேர்த்துவிடுகின்றனர். இவ் வழமை தற்போது பல வசதி படைத்த குடும்பங்களில் காணாப்படும் நாகரிகமாகிவிட்டது.

பெற்ற பிள்ளைகளை பல எதிர்பார்ப்புடன் பல கஷ்டங்களை தாங்கி படிப்பித்து அல்லது வெளிநாட்டிற்கு அனுப்பி பெரியவர்களாக்குகின்றார்கள். ஆனால் அந்த பதவியும் அந்தஷ்தும் பின்னடிக்கு தங்களுக்கு இடைஞ்சலாக அமையும் என்பதை அவர்கள் உணர்ந்திருக்கவில்லை,

டாக்டராக, வழக்கறிஞராக, அல்லது எஞ்ஜினியராக பெரும் பதவிகளில் பிள்ளைகள் இருக்கும் போது அவர்களின் பெற்றோர் முதியோர் இல்லத்தில் உறவினர் வீடுகளில் அல்லது வாடகை வீடுகளில் வசிக்க வேண்டிய அவல நிலை ஏற்பட்டு விடுகின்றது. அதை நினைத்து நினைத்து பெற்றோர் தினமும் கண்ணீர் வடிக்கின்றனர்.

என் பிள்ளையை எப்படியெல்லாம் ஆசையாய், அன்பாய் வளர்த்தோம், பின்னடிக்கு எங்களை பார்ப்பான் என்று கனாக்கண்டோம். அவனோ மனைவியைக் கண்டதும் இப்படி எங்களை கடைசிக் காலத்தில் வீட்டை விட்டு துரத்தி விட்டுவிட்டானே என்று நினைந்து நொந்தே சாகின்றனர்.

இவ்வாறான நிகழ்வுகள் பொதுவாக ஆண் பிள்ளைகளைப் பெற்ற பெற்றோருக்கே பெரும்பாலும் நிகழ்கின்றது. மனைவியிடமும், மனைவியின் உறவினரிடமும் தாம் நல்ல பேர் கேட்கவே கணவன்மார் தமது பெற்றோரை விலத்தி வைக்கின்றார்கள். ஆனால் மனைவியின் பெற்றோர்கள் இவ் விடயத்தில் கொஞ்சம் குடுத்து வைத்தவர்களாக காணப்படுகின்றனர். ஆனால் இதற்கு மறுதலையாக தனது பெற்றோரோடு இனைந்து வாழாத மனைவியை துரத்தும் கணவன்மார்களும் இருக்கத்தான் செய்கிறார்கள்.

எனது கருவறையில் வளர்ந்து என் உதிரத்தையே உண்டு வளர்ந்த எனது பிள்ளைக்கு என்னைப் பாக்கவே அருவருக்குதாம்!

தங்கள் வயது முதிர்ந்த பெற்றோரை வருத்தும் இளம் பெற்றோரும் முதுமையாகும்போது இன்நிலைமை ஏற்படுமா?

இதனை உணர்த்தும் ஒரு சிறுகதை.

இராசன் என்பவன் இராசாத்தி என்னும் பெண்ணை விவாகம் செய்து கூலி வேலையில் கிடைக்கும் வருவாயைக் கொண்டு மகிழ்வோசு வாழ்ந்து வந்தான்.

அவனுக்கு வரதன் எனும் ஆண் மகன் இருந்தான். அவன் படிப்பில் மிகவும் கெட்டிக்காரனாக இருந்ததனால் பாடசாலையிலும் கெட்டிக்கர மாணவன் என்ற பெருமையும் அவனுக்கு கிடைத்தது. இதனை அறிந்த பெற்றோருக்கு பெருமகிழ்ச்சி. அவனை எப்படியாவது படிப்பித்து பெரியவனாக்கி நல்ல அரச வேலையில் சேர்க்க வேண்டும் என்று எண்ணினார்கள்.

அதனால் மேல்படிப்பிற்கு அதிக பணம் செலவாகும் என்பதனால் தாயும் தந்தையும் சேர்ந்து அதிக நேரம் கூலி வேலை செய்து மகனின் பட்டப் படிப்புக்கு செலவு செய்து படிப்பித்து வந்தனர்.

அவனும் ஊக்கமாக படித்து பட்டம் பெற்றதும் அவனுக்கு உதவி அரச பதவியும் பட்டணத்தில் கிடைத்தது. அதனால் அவன் தன் பெற்றோருடன் பட்டினத்திற்கு இடம்பெயர்ந்து செல்லவேண்டி ஏற்பட்டது, அங்கு அவான் வாடகை வீடு ஒன்றில் பெற்றோருடன் மகிழ்வோடு வாழ்ந்து வந்தான்.

அக்கால கட்டத்தில் அவனுக்கு திருமணமும் நிகழ்ந்தது. சில நாட்களின் பின் அவனுக்கு உயர்ந்த அரச பதவிக்கு பதவி உயர்வும் கிடைத்தது, அதனால் அவன் மனைவி, பிள்ளைகள், பெற்றோருடன் அரச பங்களாவிற்கு சென்று வசித்து வந்தான்

அவன் அந்தப் பகுதி உயர் அதிகாரியாக இருந்ததினால் பல பிரமுகர்களும் பிரபுக்களும் நண்பர்களாகி அவனைச் சந்திக்க பங்களாவிற்கு வர ஆரம்பித்தார்கள். ஒருநாள் வீட்டிற்கு வந்த பிரபு ஒருவர் அவனின் பெற்றோரைப் பார்த்து யார் இவர்கள் என்று விசாரித்தார். அவர்கள் வயதில் முதிந்தவர்களாகவும்,நாகரீகம் தெரியாதவர்களாகவும்,, படிப்பறிவு குறைந்தவர்களாகவும் இருந்தமையால் அவர்கள்தான் தன் பெற்றோர் என சொல்லமுடியாத தர்மசங்கடமான நிலை ஏற்பட்டது.

மறுநாள் அவன் அவர்களுக்காக பங்களாவின் பின்பகுதில் ஒரு இடத்தை ஒதுக்கி அதில் அவர்களை அங்கு தங்க வைத்து அந்த இடத்தை தாண்டி எதுவித காரணம் கொண்டும் பங்களாவிற்குள் வரக்கூடாது எனவும் கட்டளை போட்டான். அவர்கள் சாப்பிடுவதற்கும், தண்ணிர் குடிப்பதற்கும் வேறு பாத்திரங்கள் வழங்கப்பட்டிருந்தன.

ஒருநாள் வேலைக்காரி அவர்களுக்கு சாப்பாடு கொடுக்க அவர்களின் சாப்பாட்டுத் தட்டை தேடினாள். அவை வழமையாக வைக்கும் இடத்தில் காணப்படவில்லை. எஜமானின் பெற்றோரைக் கேட்டபொழுது அவர்கள் அவை வைக்கும் இடத்தில் தாங்கள் வைத்ததாக சொன்னார்கள். அனால் அவை எங்கேயும் காணப்படாததால் எஜமானிடம் வந்து முறையிட்டாள்.

எஜமானும் பெற்றோரிடம் போய் விசாரித்தார், பெற்றோரும் அவை வைக்கும் இடத்தில் வைத்ததாக கூறினர். அதன் பின் தன் மூத்த மகனை அழைத்து அந்த கோப்பைகளை யார் எடுத்தது என வினவினார்.

அதற்கு, மகன் நான்தான் அப்பா அதை எடுத்தேன் என்று கூறினான். அந்த அசிங்கமான கோபைகளை ஏன் எடுத்தாய் என்று தகப்பன் அடிக்க கையோங்கினார்.

அப்போது, அது அப்பா நீங்களும் அவர்களைப் போல வயதான பிறகு உங்களுக்கு நான் சாப்பாடு தரத்தான் எடுத்து பத்திரமாக ஒழித்து வைத்திருக்கிறேன் என பதிலளித்தான் அந்தச் சிறுவன். அப்போதுதான் தந்தையான எஜமானின் கண்கள் திறந்தன. இதன் பின்னால் என்ன நடந்திருக்கும் என்பதை நீங்களே கற்பனை செய்து பார்க்கலாம். உங்கள் எண்ணத்தில் உதிப்பதை மற்றவர்களுடன் பகிர்ந்து கொள்ள நீங்கள் விரும்பினால் அவற்றைக் கருத்திலும் பதிவிலிடலாம்.

இது ஒரு கற்பனைக் கதை. பெயர்கள் யாவும் கற்பனையே.


நன்றி







1861-03.12.2014

உலகம் போற்றும் 17 வயது தமிழ் மாணவன் அபிக்குமரன் - படங்கள், வீடியோ இணைப்பு

E-mail Print PDF

உலகம் முழுவதும் பேசப்படும் 17 வயது தமிழ் மாணவன் அபிக்குமரன்: கான்சர் என்னும் உயிர் கொல்லி நோயை அழிக்கப் பிறந்த ஒரு நம்பிக்கை நட்சத்திரமாக..

Read more...

யாழ்.பல்கலைக்கழகத்தின் 27 வது பொதுப் பட்டமளிப்பு விழா (வீடியோ இணைப்பு )

E-mail Print PDF

இப் பட்டமளிப்பு விழாவில் எம்மூர் கல்விமான்கள் பலரும் பட்டம் பெற்றுள்ளார்கள் அவர்களின் விபரங்கள் கிடைத்ததும் பதிவிலிடப்பெறும். விபரங்கள் தெரிந்தோர் அவர்களின் பெயர், பெற்றுக்கொண்ட கௌரவப் பட்டம் என்பனவற்றை எமக்கு அறியத்தந்து அவர்களின் பெயர்களை பதிவிட்டு அவர்களைக் கௌரவிக்க உதவி செய்யலாம்.

யாழ்.பல்கலைக்கழகத்தின் 27 ஆவது பொதுப் பட்டமளிப்பு விழா இன்று வியாழக்கிழமை காலை 9.00 மணியளவில் பல்கலைக்கழக கைலாசபதி அரங்கில் நடைபெற்றது.
இவ் விழாவில் உள்வாரி, வெளிவாரி, பட்டப்படிப்பில் பட்டம் பெற்ற 1262பேர் கௌரவிக்கப்பட்டனர்.

இந்த நிகழ்வில் யாழ்.பல்கலைக்கழக வேந்தர் பேராசிரியர்  எஸ்.சிவசூரியா பிரதம விருந்தினராகக் கலந்துகொண்டார்.

ஐந்து பிரிவுகளாக நடைபெற்ற இந்தப் பட்டமளிப்பு விழாவில்  பேராசிரியர் சி.க.சிற்றம்பலம் கௌரவ இலக்கிய கலாநிதிப் பட்டத்தையும்,  பேராசிரியர் இராஜேஸ்வரி மகேஸ்வரன் விஞ்ஞானக் கலாநிதிப் பட்டத்தினையும்,   வைத்தியர் சேனாதிராஜா ஆனந்தராஜா கௌரவ வைத்தியக் கலாநிதிப் பட்டத்தினையும்,   சுன்னாகம் ஸ்கந்தவரோதயாக் கல்லூரி அதிபர் ஆறு. திருமுருகன் கௌரவ கலாநிதிப் பட்டத்தினையும் பெற்றுக்கொண்டனர்.

1074 பேர் பட்டப்பின் படிப்புக்கான பட்டங்களையும், 71பேர் பட்டப்பின் டிப்ளோமாவையும், 722பேர் உள்வாரிப் பட்டத்தையும், 5 பேர் டிப்ளோமாவையும்  , 356பேர் வெளிவாரிப் பட்டத்தையும்  பெற்றுள்ளனர்.

1. நிகழ்வை காணொளியில் பார்வையிட

2. தனித் தனி படங்களாக பார்வையிட

Page 10 of 13

முத்துமாரி அம்மன் ஆலயம்

ஞான வேலாயுதர் ஆலயம்

சித்தி விநாயகர் ஆலயம் - சாந்தை

சம்புநாதீஸ்வரர் ஆலயம்

காடேறி ஞானபைரவர் ஆலயம்