Friday, Nov 17th

Last update02:47:21 AM GMT

தலைப்புச் செய்திகள்:
You are here: மங்கையர் மலர்

பாதாம் கேக்

E-mail Print PDF

பாதாம் கேக்

தேவையான பொருட்கள்

தோல் நீக்கிய பாதம் பருப்பு - 250 கிராம்

மைதா மா - 250 கிராம்

சீனி
- 250 கிராம்

மாஜரீன் - 250 கிராம்

முட்டை - 4

வனிலா - 1 தே. கரண்டி

பேக்கிங்பவுடர்
- 15 கிராம்

செய்முறை

பாதாமை அரைத்து கொள்ளவும். (மிகவும் பொடியாகி விட கூடாது) முதலில் மாஜரின், சீனி இரண்டையும் சேர்த்து சீனி கரையும் வரை அடிக்கவும். மாஜரீனும், சீனியும் சேர்த்து அடிக்கும் போதே முட்டையை ஒவ்வொன்றாக சேர்த்து அடிக்கவும்.

பின்பு பாதாம் பருப்பு, மா, பேக்கிங்பவுடர் எல்லாவற்றையும் கையால் கலந்து திரும்பவும் எல்லாவற்றையும் ஒன்றாக சேர்த்து திரும்பவும் ஒரு சுற்று சுற்றி கலக்கவும்.

கடைசியாக வனிலாவையும் சேர்த்து கலக்கவும். பின்பு பேக்கிங் தட்டில் சிறிதளவு மாஜரீன் பூசி தட்டில் ஊற்றி 325 டிகிரி F ல்; 35 அல்லது 40 நிமிடங்கள் பேக் செய்யவும்.

கிட்ஸ் ப்ரெட் (பாண்) கட்லெட்

E-mail Print PDF

கிட்ஸ் ப்ரெட் (பாண்) கட்லெட்:

சிறிய பாண் - 8 துண்டுகள்

உருளைக்கிழங்கு - ஒன்று

கேரட் துருவல்- 2 மேசைக்கரண்டி (நறுக்கியது)

பீன்ஸ் துருவல்- 2 மேசைக்கரண்டி (நறுக்கியது)

வெங்காயம் துருவல்- 2 மேசைக்கரண்டி (நறுக்கியது)

பச்சை மிளகாய் - ஒன்று (நறுக்கிக் கொள்ளவும்)

மல்லி இலை - ஒரு மேசைக்கரண்டி

இஞ்சி பூண்டு விழுது - அரை தேக்கரண்டி

மிளகாய் பவுடர் - கால் தேக்கரண்டி

மல்லி பவுடர் - கால் தேக்கரண்டி

சீரகப் பவுடர் - கால் தேக்கரண்டி

கரம் மசாலா - கால் தேக்கரண்டி

உப்பு - தேவையான அளவு

எண்ணெய் - தேவையான அளவு

மைதா - 3 மேசைக்கரண்டி

முட்டை - 2 (விரும்பினால்)

உருளைக்கிழங்கை வேக வைத்து மசித்துக் கொள்ளவும். ப்ரெட்டின் ஓரங்களை நறுக்கி வைத்துக் கொள்ளவும். மைதா மாவை ஒரு கப் தண்ணீரில் திக்கான பேஸ்டாக கலந்து வைத்துக் கொள்ளவும். முட்டையை உடைத்து ஒரு பாத்திரத்தில் ஊற்றி அடித்து வைத்துக் கொள்ளவும்.

கடாயில் ஒரு மேசைக்கரண்டி எண்ணெய் ஊற்றி காய்ந்ததும் வெங்காயத்தை போட்டு வதக்கி விட்டு கேரட், பீன்ஸ், இஞ்சி பூண்டு விழுது, உப்பு போட்டு வதக்கி விடவும்.

காய்கள் வெந்ததும் அதில் மசாலா பொடிகளை போட்டு வதக்கவும். அதனுடன் உருளைக்கிழங்கு, மல்லி இலை சேர்க்கவும்.

எல்லாவற்றையும் ஒன்றாக சேரும்படி நன்கு கிளறி விட்டு அடுப்பிலிருந்து இறக்கி வைத்து விடவும்.

ஒரு பாண் துண்டின் நடுவில் செய்து வைத்திருக்கும் மசாலா கலவையை வைத்து மற்றொரு பாண்ணினால் மூடவும்.

இரண்டு பாண்துண்டுகளையும் சேர்த்து மூடிய பின்னர் அடித்து வைத்திருக்கும் முட்டையை அதன் மேல் ஸ்பூனினால் எடுத்து ஊற்றவும்.

அதன் பின்னர் முட்டை கலவையின் மேல் கலந்து வைத்திருக்கும் மைதா கலவையை ஊற்றவும்.

இதைப் போல் பாண்ணின் இருபுறமும் தடவிக் கொள்ளவும். மற்ற ப்ரெட் துண்டுகளிலும் செய்து வைத்துக் கொள்ளவும். மைதா, முட்டை கலவையில் ப்ரெட் ஒட்டிக் கொள்ளும்.

தவாவில் எண்ணெய் ஊற்றி ஒவ்வொரு பாண் துண்டாக போட்டு பொரித்து எடுக்கவும்.

சுவையான ப்ரெட் கட்லெட் ரெடி. இதை தக்காளி சாஸுடன் பரிமாறவும். இதனை காலை அல்லது மாலை உணவாக பரிமாறலாம். முட்டை விரும்பாதவர்கள் மைதா மட்டும் சேர்த்து செய்யலாம்.

 

இட்லி தாயாரித்தல் - யாழ்ப்பாணம் முறை

E-mail Print PDF

pan_summer2010/Idli-Large.jpg

இட்லி தயாரித்தல் – யாழ்ப்பாணம் முறை

தேவையான பொருட்கள்:

பச்சரிசி 1 கப்
புழுங்கலரிசி 1 கப்
தோல் நீக்கிய உளுத்தம் பருப்பு 1 கப்
புளித்த தயிர் 1 கப்
மிளகு 1 டீஸ்பூன்
சீரகம் டீஸ்பூன்
பெருங்காயத்தூள் சிறிதளவு
நெய் 2 டீஸ்பூன்
கறிவேப்பிலை சிறிதளவு
உப்பு தேவையான அளவு

செய்முறை:

அரிசியையும், உளுந்தையும் ஒன்றாக 6 மணி நேரம் ஊற வைக்கவும்.

அவற்றை; களைந்து சுத்தப்படுத்தி வடித்தெடுத்து, தண்ணீர் விடாமல் கரகரப்பாக அரைக்கவும், அரைக்கும் போது உப்பு, பெருங்காயத்தூள் கலக்கவும்.

அரைத்தெடுத்த மாக்கலவையை 7-8 மணி நேரம் புளித்துப்போக (தோசைக்கு வைப்பதுபோல் பொங்க) வைக்கவும்.

பொங்கிய மாக்கலவையுள் மிளகு தூள், சீரகம், தயிர், நெய், கறிவேப்பிலை ஆகியவற்றை கலந்துகொள்ளவும்.

மாக் கலவை தோசைக்கலவை போல் இளகியதாக இராது கொஞ்சம் இறுக்கமாக இருத்தல் வேண்டும். அதன்பின்;

எண்ணெய் தடவிய இட்லித் தட்டில் உள்ள குண்டுகளில் பாதி அளவுக்கு மாவை ஊற்றி இடியப்பம், பிட்டு அவிய வைப்பது போல் இட்லிச் சட்டியில் வைத்து மூடி; ஆவியில் 10-15 நிமிடங்கள் வரை அவிய விடவும்.

இட்லி அவிந்ததும் இட்லித் தட்டை வெளியே எடுத்து அதன் மேல் கொஞ்ச தண்ணீர் தெளித்தபின் இட்லியை ஒவ்வொன்றாக எடுக்கவும்.

இப்போது இட்லி ரெடி.

இட்லியை கட்டுச் சம்பலில் தொட்டும் சாப்பிடலாம், சாம்பார், பருப்புக்கறியுடன் சேர்த்தும் சாப்பிடலாம்.

அரிசிமாக் கூழ் -யாப்பாணம் முறை

E-mail Print PDF

அரிசிமாக் கூழ் - யாழ்ப்பாணம் முறை

கூழ் காய்ச்ச தேவையான பொருட்கள்:

பச்சரிசி மா – பச்சைசியை ஊற வைத்து கிறைண்டரில் அரைத்து அல்லது இடித்து மாவாக்கியது 250 கிராம்

சுத்தம் செய்த இறால் - 100 கிராம்

சுத்தம் செய்த நண்டுத் துண்டுகள் -10

மீன்தலை – (சீலா, கலவாய், கொடுவா அல்லது முள்ளு சப்பக்கூடிய மீன்) சுத்தம் செய்யப் பெற்று சிறு துண்டுகளாக வெட்டப் பெற்றவை

கீரை மீன் அல்லது சூடைமீன் - 10

புழுங்கல் அரிசி - ஒரு கைப்பிடி

பயிற்றங்காய் – 10 சிறு துண்டுகளாக வெட்டி எடுத்தவை

புளி - ஒரு சின்ன உருண்டை

பாலாக்கொட்டை - 100 கிராம் சுத்தம் செய்து இரண்டாக வெட்டியவை

வறுத்த கடலை - கொஞ்சம்

சிறிதாக வெட்டிய மரவள்ளிக்கிழங்கு - 250 கிராம்

கறி முருக்கம் இலை - 250 கிராம்

தண்ணீர் - தேவையான அளவு

உப்பு - தேவையான அளவு

மஞ்சள் - சிறிதளவு

பச்சை மிளகாய் – 3-5

மிளகு - சிறிதளவு

நற்சீரகம் - சிறிதளவு

செத்தல் மிளகாய் - சிறிதளவு

செய்முறை:

1. கீரை மீன் அல்லது சூடை மீனை உப்பு, மிளகாய்த்தூள் சேர்த்து பொரித்து வைக்கவும்.

2. மஞ்சள், மிளகு, நற்சீரகம் ,செத்தல் மிளகாய் ஆகியவற்றில் சிறிதளவு எடுத்து அம்மியில் அல்லது கிறைண்டரில் நன்றாக அரைத்து உருண்டையாக்கி எடுங்கள்.

3. அந்த உருண்டையோடு புளியையும் சேர்த்து கரைத்து வைக்கவும்.

4. பின்னர் கழுவிய அரிசியுடன், பலாக்கொட்டை, கடலை, மரவள்ளிக் கிழங்கு, ஆகியவற்றை ஒரு பானையில் இட்டு அவிய விடவும். அத்துடன்;

5. மீன்தலைத் துண்டுகள், நண்டு, இறால் ஆகியவற்றையும் பானைக்குள் போட்டு அவிய விடவும்.

6. அரிசி பாதி அவிந்த நிலையில் பயிற்றங்காய், முருக்கம் இலை எம்பனவற்றையும் பானைக்குள்  போட்டு அவிய விடவும்.

7. கடைசியாக கரைத்த புளிக் கரைசலையும் உப்பையும் சேர்த்து பாணையில் இட்டு கூழ் தடிப்பானவுடன் இறக்கவும்.

8. சூடாக சுவையான யாழ்ப்பாணத்துக்கூழ் தயார்.

கூளோடு பொரித்து வைத்த மீன் பொரியலையும் கடித்துச் சாப்பிட மிகவும் ருசியாக இருக்கும்.

பூரி செய்தல்

E-mail Print PDF

பூரி செய்தல்:

தேவையான பொருட்கள்:

ஆட்டா மா  - 2 சுண்டு

குளிர்ந்த நீர்  - தேவையான அளவு

உப்பு  - தேவையான அளவு

எண்ணெய் - தேவையான அளவு

தயாரிக்கும்   முறை:
ஆட்டா மாவிற்கு தேவையான அளவு உப்பு கலந்து குளிர் நீர் விட்டு குழைத்து வைக்க வேண்டும்

குழைத்து வைத்த மாவினை சிறிய உருண்டைகளாக உருட்டி சிறிய வட்டங்களாக தட்டி வைத்துக் கொள்ள வேண்டும்

வாணலியில் (தாச்சியில்) எண்ணையைக் சூடாக்கி வைத்து; ஏற்கனவே தட்டி வைத்த பூரிகளை பொன்னிறமாகப் பொரித்து எடுக்கவும்.

2 சுண்டு ஆட்டா மாவில் 12 முதல் 14 பூரிகள் வரை தயாரிக்கலாம்.

பூரியை உருளைக்கிழங்குப் பிரட்டல் கறி, கடலைக் கறி ஆகியவற்றுடன் சாப்பிடலாம்.

குறிப்பு:

பூ‌‌ரி செ‌ய்யு‌ம் போது ‌சி‌றிது மைதா மாவு, 1 தே‌க்கர‌ண்டி ரவையை சே‌ர்‌த்து செ‌ய்தா‌ல் பூ‌ரி அ‌திக நேர‌ம் உ‌ப்‌பி   இரு‌க்கு‌ம்.
சற்று தடிமனாக இட்டு இருந்தால் தான் பெரிதாகப் பொரிந்து சுவையாக இருக்கும்.
மிதமான சூட்டில் மட்டுமே எண்ணை காய வேண்டும்.
பூரி இடும்போது சப்பாத்திக்குச் செய்வது போல் மாவு தோய்த்து இடக்கூடாது. இப்படிச் செய்வதால் பொரிக்கும் எண்ணையில், இந்த மாவு பிரிந்துபோய் கருப்பு அடியில் தங்கிவிடும். அந்த எண்ணையிலேயே அடுத்தடுத்த பூரிகளைப் பொரிக்கும்போது வண்டல் அவற்றின்மேல் ஒட்டிக்கொண்டு, உடல் ஆரோக்யத்திற்குப் பெரும் கேடு. உருண்டைகளை எண்ணை தோய்த்து மட்டுமே இடவும். இதனால், பூரி பொரித்த எண்ணை கடைசிவரை கலங்காமல் இருப்பதை நாமே உணரலாம்


மீன் குழம்பு - வெளிநாட்டு யாழ்ப்பாண முறை

E-mail Print PDF

மீன் குழம்பு - யாழ்ப்பாணம் முறை

வெளிநாடுகளில் வாழும் தமிழர்களில் பெரும்பான்மையானோர் தேங்காய்ப் பால் இன்றியே கறி சமைக்கிறார்கள்.
இது யாழ்ப்பாண முறையில் (தேங்காய் பால் சேர்க்கும்) முறையிலிருந்து சிறிது வித்தியாசமானது
தேவையான பொருட்கள்

மீன் - 1 கிலோ
சின்ன வெங்காயம் - 200 கிராம் அல்லது பெரிய வெண்காயம்: 2 - 3
தக்காளி: 4
பூண்டு: 7 - 8 பற்கள்
பச்சைமிளகாய்: 4 -5
புளி: ஒரு எலுமிச்சம்பழம் அளவு
கடுகு: 1/4 தேக்கரண்டி
வெந்தயம்: 1/2 தேக்கரண்டி
சரக்கு மிளகாய் தூள்: 2 - 3 தேக்கரண்டி
எண்ணெய்: 100 மில்லி
உப்பு: தேவையான அளவு

செய்முறை

1. மீனை செதில் நீக்கி, சுத்தம் செய்து, துண்டுகளாக வெட்டி, கழுவி, கொஞ்ச உப்பு போட்டு வைக்கவும்.

2. தக்காளியை சுத்தம் செய்து பொடியாக வெட்டிக் கொள்ளவும்.

3. பச்சைமிளகாய், வெங்காயதை சுத்தம் செய்து நீளமாக வெட்டி இரண்டாக வெட்டவும் (சின்ன வெண்காயமாயின் இரண்டாக வெட்டத் தேவையில்லை)

4. அகன்ற பாத்திரத்தில் எண்ணெய் ஊற்றி காய்ந்ததும், கடுகு போட்டு வெடித்ததும், வெந்தயத்தைப் போடவும். வெந்தயம் சிவந்ததும் பூண்டு, கறிவேப்பிலை சேர்த்து வதக்கவும்.

5. அடுத்து நறுக்கிய வெங்காயம், வெட்டி வைத்த பச்சை மிளகாய் என்பவற்றை போட்டு வதக்கவும்.

6. பின்னர், வெண்காயம் பொன் நிறமாகியதும்; வெட்டிய தக்காளியைச் சேர்த்து நன்கு வதக்கவும். அதன் பின்; தண்ணீர் கொஞ்சம் விட்டு அவிய விடவும். இப்போது தக்காளியை மசித்து பேஸ்ற்று போல் ஆக்கி விடவும்;

7. இதனுடன் புளியை கரைத்து விட்டு அதற்குள் மீன்களைப் போட்டு; உப்பு, சரக்கு மிளகாய்த்தூள் என்பன வற்றை சேர்த்து மூடி நன்கு கொதிக்கவிடவும்.

8. குழம்பு மிகவும் தண்ணியாகவோ, கெட்டியாகவோ இல்லாமல் நடுநிலையாக இருக்கும்போது மீனைப்போடவும்.

9. மீனைப்போட்டு மூடி அவிய விடவும் (இடைக்கிடை குழம்பை அகப்பையால் மீன் துண்டுகள் பிய்யாது கவனமாக கலக்கி விடவும்.

19. மீன் அவிந்ததும் நெருப்பைக் குறைத்து கணக்கான குழம்பு வரும் வரை அடுப்பில் விடவும்.

இப்போது மீன் குழம்பு றெடி.

குறிப்பு: தக்காழிக்குப் பதிலாக சிலர் தக்காளிப் பழ சோர்ஸ் பாவிக்கின்றனர்.

Page 10 of 14